Сурталчилгаа (15)
Хаах

Солонгос киноны хөгжилтэй давхцлууд

Ази тив тэр чигтээ солонгос савангийн дууриар амьсгалж, шоу ертөнцийн хамаг мөнгийг хүүлж байгаа гэхэд буруудах зүйлгүй. Харин кинонуудын зохиол, үйл явдал, өрнөл нь яагаад заавал бие биенээсээ хуулчихсан мэт ижилхэн байдаг юм болоо? Ингээд та бүхний ажлын шинэ өдрийг хөгжилтэйгээр эхлүүлэхээр солонгос цувралуудын хамгийн нийтлэг талуудыг хүргэж байна. 

Солонгос киноны хөгжилтэй давхцлууд

1 Дурлалт хосуудын аав ээж нь залуудаа заавал асуудалтай байсан

Савангийн дуурийн хувьд мэдээж хайр дурлал гол сэдэв. Эцэг эхийнх нь хайр дурлал залуудаа бүтэлгүйтэж, тэдний хүүхдүүд нь ярилцаж тохирсон юм шиг заавал хоорондоо дурлаж таардаг. Шинэхэн хосууд мэдээж гэрлэж бараалхах гэтэл хоёр талын гэр бүл яагаад ч зөвшөөрөхгүй. Чухам үүнийг л зөвшөөрүүлэхийн төлөө бүхнийг хийж, савангийн дуурийн гол утга учир ийнхүү өрнөнө дөө.

Дурлалт хосуудын аав ээж нь залуудаа заавал асуудалтай байсан

2 Нууц хадгалсан настан

Ядуу айлын хөгшчүүл нь ихэвчлэн мэдрэл муутай байдаг. Тэр ядуу айл нь дээр үед их баян айл байж таарах бөгөөд хөгшчүүл нь залуудаа ямар нэгэн нууц агуулаад ухаан муутай болсон байдаг. Мэдрэл муутай хөгшин байхгүй бол ямар нэгэн байдлаар ой ухаан нь самуурсан эр эм хүмүүс, эсвэл залуудаа муухай зүйлс хийсэн мөртлөө насаараа амаа хамхиж байгаа настан гол дүр болно.

Нууц хадгалсан настан

3 Жинхэнэ хүүхэд

Хамгийн гайхамшигтай нь бэр нь юмуу хүргэн нь болох гэж байгаа хүн өөрийнх нь жинхэнэ хүү байж таарах бөгөөд өөрийнх нь жинхэнэ хүүхэд нь гэж бодож байсан нь биш болж таардаг. Ер нь тэд өөрсдөө зохиолынхоо учрыг олдог болов уу?

Жинхэнэ хүүхэд

4 Солонгос хүмүүсийн нэрийг тогтоох шаардлага байхгүй.

Солонгост очвол хүмүүсийн нэрийг тогтоох шаардлага танд ерөөсөө байхгүй. Жишээлбэл нэг хүний нэрийг цээжилчихээд л бусдыг нь бол ингээд дуудна. Умболын аав, Умболын ээж, Умболын найз, Умболын ажлын хүн, Умболын хүүхэд, Умболын найзын найз, Умболын найзын найз охин гэх мэт маш амархан.

Солонгос хүмүүсийн нэрийг тогтоох шаардлага байхгүй.

5 Мөнгө хүүлэгч нар

Мөнгө хүүлэгч нар нь дэндүү харгис хэрцгий, маш ихээр зодож дарамталдаг, мөнгөө авахгүйгээ улаан цайм мэдэж байгаа мөртлөө нэхэж, зодож бахаа хангадаг.

Мөнгө хүүлэгч нар

6 Гэр бүл бол хамгийн том хүч

Мэдээж Азиудын Европ, Америкчуудаас ялгарах нэг гол зүйл бол гэр амьтай араншин байдаг. Бидний хувьд гэр бүл бол хамгийн том хүч гэдэг нь маргахын аргагүй үнэн. Гэхдээ хувь хүний асуудалд нь дэндүү ихээр оролцож, байнга асууж шалгаадаг. Тэд нь ч нэг нэгэнгүй өөрийнхөө талаар бүгдийг ярьж өгч гэр бүлээсээ тусламж авдаг. Гэр бүлийнхээ дунд долоон булчирхайгаа тоочиж, ам султай нэгэн нь түүнийг задалж, дайсны дүрд боломж олгодог. Бүх кинон дээр баян айл нь хорон муу санаатай байдаг бол ядуу айл нь цайлган, зөв сэтгэлтэй хүмүүс байдаг нь хөрөнгөтэй хүн бүхэн хүн чанаргүй гэсэн утгыг үзэгчдэд хүргэхийг зорьсон мэт. 

Гэр бүл бол хамгийн том хүч

7 Өс хонзон

Өс хонзон бол тэдний амьдралын салшгүй нэг хэсэг. Бүр байнга шүү. Сэтгэл дотроосоо үнэхээр үзэн ядаж, өшөөгөө авахын тулд хэзээ ч бууж өгөхгүй, сэтгэл дотор нь насан туршид үүрд хадгалагдаж, насны бөгсөн дээр өшөөгөө авч байж сэтгэл нь амардаг. Сүүлрүүгээ дайсны тал нь манай тал юм шиг, манай тал нь дайсны тал юм шиг болтлоо өшөөгөө авч чаддаг.

Өс хонзон

8 Ядуу хүн америк яваад баяждаг. Заавал....

Багадаа Америк хүнд өргүүлсэн юмуу ядуу мөртлөө Америк явсан хүмүүс эргэж ирэхдээ айхавтар баяжсан, олон улс дамнасан том корпараци байгуулсан мундаг хүн болж ирдэг. Багадаа үзсэн зовлонгоо хэзээ ч мартахгүйн дээр Солонгост эргэж ирээд заавал өшөөгөө авдаг. Энд ахиад л өшөө авалтын өрнөл давхар яригдаж байгаа юм. 

Ядуу хүн америк яваад баяждаг. Заавал....

9 Ким юмуу И туслах

Дарга болгон И юмуу Ким гэсэн хэн нэгэн бууны нохойтой байдаг. Туслахууд хүн алах, хор найруулах, хүүхэн булаах, материал бэлдэх, тагнуул хийх, удам судрыг нь судлах, хэний ч мэдэхгүй мэдээллийг цуглуулах тал дээр маш сайн ажиллаж, эзэндээ мэдүүлэх үүрэгтэй. 

Ким юмуу И туслах

10 Солонгост хэдхэн хүн амьдардаг

Солонгост хэдхэн ам бүл амьдардаг бөгөөд гурав юмуу дөрвөн гэр бүлийн хувьд хоорондоо нас насаараа, ажил хөдөлмөрөөрө, гэрийн авгай нараараа холбогдож, үйл явдал нь тэдний гэр бүл болон албан газар, өөрсдөөс нь өөр ямар ч хүнгүй кофе шоп, тансаг цэмцгэр ресторан, хаяа ганц хоёр гудамжинд өрнөх нь олонтаа.

Солонгост хэдхэн хүн амьдардаг

11 Муу хадам ээж

Ихэвчлэн хадам ээжүүд нь дэндүү муу санаатай, хорон байдаг. Хорон санаат хадам ээж мэр сэр хор найруулах, мөнгөөр дэмжих, туслахаараа хүргэн бэрээ шалгуулах, өөрийн хүслээр хүүхдүүдээ захиргаадах дуртай байдаг. Баян "Ажима" нар үсээ индүүдээд бөмбийлгөж засдаг бол харин ядуу ээж нар жижигхэн буржгар богинохон үстэйгээр үргэлж дүрслэгддэг.

Муу хадам ээж

12 Мэдрэмж байхгүй... Бүр юу ч байхгүй

Хажууд нь шахуу ярьж байхад сонсдоггүй хэрнээ цаана эсвэл өөр хаалганаас сонсчихдог. Нүүрэн дээр нь улайн цайм бантаж, сандарч байхад юу ч сэжиглэхгүй шууд л үгэнд нь итгэдэг. Гудамжинд зөвхөн тэр болон түүнийг мөрдөж байгаа хүн араас нь дагаж байхад юу ч мэдрэхгүй гудамжаар алхсаар байдаг ба гол дүрийн баатар ард хүн байна уу гэж эргэж харахад дайсны тал улайн цайн нуугдаж амжина. Гэсэн ч гол дүрийн баатар ажиглахгүй хэвээрээ, маанаг царайлсаар цаашаа явна. Та үүнтэй санал нийлж байгаа биз дээ? 

Мэдрэмж байхгүй... Бүр юу ч байхгүй

13 Ямар ч кинон дээр өнөө маргаашгүй болсон хүн заавал гарна.

Кинон дээр заавал өвчтэй хүн гарна. Өнөө маргаашгүй үхэх гэж байгаа учир мөнгөний хэрэг болоход гол дүрийн баатар түүний төлөө зүтгэх, эсвэл хагарсан байсан гэр бүлийг нэгтгэх үүрэг хүлээдэг. Азтай тохиолдлоор гэнэт эдгэрэх эсвэл уянгын халилтайгаар нас бардаг. Аан тийм... Үзэгдэл бүхэн дээр эр эмгүй уйлна. Бүр маш ихээр уйлна. 

Ямар ч кинон дээр өнөө маргаашгүй болсон хүн заавал гарна.

905
таалагдаж байна

92
таалагдахгүй байна

Сурталчилгаа (15)
Хаах

Сэтгэгдэл (-)

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()
Facebook cэтгэгдэл