Сурталчилгаа (15)
Хаах

Нэг сарын турш Цагаан гаа идвэл бидний биед юу болох вэ?

Цагаан гаа нь хоолыг амт чанар сайтай болгохоос гадна бидний эрүүл мэндэд хэрхэн эергээр нөлөөлдөг болохыг та мэдэх үү? Манайхан цагаан гаа хэрэглэх нь мэдэгдэхүйц ихэссэн бөгөөд цаашдаа хүнсэндээ тогтмол хэрэглэх нь таны эрүүл мэнд, гоо сайханд гайхалтай сайнаар нөлөөлөх аж. Ингээд хамтдаа нэг сарын турш цагаан гаа идвэл бидний биед ямар өөрчлөлт гарахыг олж мэдэцгээе. 

Нэг сарын турш Цагаан гаа идвэл бидний биед юу болох вэ?

1 Өвчин намдаана

Цагаан гаа нь өвчнийг намдаах ач тустай гэдгийг та мэдэх үү? Үүнийг идэж, хэрэглэснээр та төрөл бүрийн өвчнөөс ангижрах төдийгүй сарын тэмдгийн үед мэдрэгдэх өвчин ч харьцангуй багасах аж. 

Өвчин намдаана

2 Цусан дахь холестерины хэмжээг бууруулна

85 хүнийг хамруулсан судалгаанаас үзэхэд цагаан гааг өдөр бүр хэрэглэж байсан хүмүүсийн цусан дахь холестерины хэмжээ буурч, тогтвортой байдалд шилжсэн гэнэ. Үүнээс гадна тус бүтээгдэхүүн нь зүрх судасны өвчнөөс урьдчилан сэргийлэх тустай болохыг эмч нар олж тогтоожээ.

Цусан дахь холестерины хэмжээг бууруулна

3 Ходоод гэдэсний өвчлөлийг намдаана

Хэрэв таны ходоод байнга өвдөж, хоол тань шингэхгүй зовоодог бол цагаан гааг нэг сарын турш хэрэглээд үзээрэй. Энэ нь ходоод гэдсийг эмчилж, хоол боловсруулах системийг дэмжих бөгөөд өтгөн хаталтыг намдааж, эмчлэх давхар сайн нөлөөтэй юм. Та нунтаг цагаан гааг хоолондоо амтлагч болгон ашиглаж хэвшээрэй. 

Ходоод гэдэсний өвчлөлийг намдаана

4 Үрэвслийг эмчилнэ

Нэг сарын хугацаанд цагаан гааг идэж хэрэглэснээр ямар нэгэн үрэвсэл, өвчин, шарх эдгэрч, таныг эрч хүчээр сэлбэх аж. Энэ нь эм тарианаас илүүтэй үйлчилгээ үзүүлж, биеийг эрүүлжүүлж, дархлааг сайжруулах юм. 

Үрэвслийг эмчилнэ

5 Тархины эд эсийг сэргээнэ

Ахимаг насны хүмүүст тохиолдох тархины өвчлөл, мартах өвчин зэргээс тус бүтээгдэхүүн нь таныг хамгаалах болно. Цагаан гаанд тархины үрэвсэлд хүчтэй нөлөө үзүүлдэг биологийн идэвхит нэгдлүүд болон антиоксидантууд агуулагддаг болохыг судалгаагаар тогтоожээ. Шинжээчдийн багийнхан 60 настай эмэгтэйчүүдэд судалгаа хийсэн ба үүний үр дүнд цагаан гаа нь санах ойг сайжруулаад зогсохгүй эд эсийг сэргээж, тархины үйл ажиллагааг олон талаар дэмждэг болохыг тогтоожээ.

Тархины эд эсийг сэргээнэ

6 Дотор муухайрахыг болиулна

Цагаан гааны цай болон түүхий цагаан гааны хэрэглээ нь жирэмсний үеийн хордлого, дотор эвгүйрхэх болон хавдрын эмчилгээнд үр дүнтэй нөлөөлдөг. Үүнийг судалгаагаар ч баталсан байдаг төдийгүй амьдрал дээр хэрэгжүүлж, биеэр мэдэрсэн хүмүүс ч олон байдаг. Иймд жирэмсэн эхчүүд цагаан гааг хэрэглэж, эрүүл мэнддээ анхаарч болох аж.

Дотор муухайрахыг болиулна

7 Зүрхний өвчлөлөөс сэргийлнэ

Зүрх судасны өвчинд гол нөлөө үзүүлдэг зүйл бол цусан дахь сахарын хэмжээ байдаг. Эрдэмтэд өдөрт 2 гр цагаан гааны нунтаг хэрэглэхэд зүрхний шигдээс өвчин хамгийн багадаа 10%-аар буурдаг хэмээн дүгнэсэн билээ. Хэрэв та өөртөө хайртай бол цагаан гааг өдөр тутамдаа хэрэглэж, өвчлөлөөс сэргийлээрэй. 

Зүрхний өвчлөлөөс сэргийлнэ

8 Хавдрын эсрэг сайн нөлөөтэй

Цагаан гаанд агуулагддаг "гингерол" хэмээх бодис нь хорт хавдрын эсрэг үйлчилгээтэй болохыг олон судалгаагаар нотолсон байна. Өдөрт 2 гр цагаан гааг хэрэглэхэд бүдүүн гэдэсний үрэвслээс сэргийлж, биеийг эрүүлжүүлдэг аж. Та үүнийг сарын турш хэрэглэж, үр дүнг нь биеэр мэдрээрэй. 

Хавдрын эсрэг сайн нөлөөтэй

189
таалагдаж байна

16
таалагдахгүй байна

Сурталчилгаа (15)
Хаах

Сэтгэгдэл (-)

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()
Facebook cэтгэгдэл