УИХ-ын гишүүн, БОАЖ-ын сайд Д.Оюунхорол БЗД-ийн Дарь-Эх, Сансарын зургаан хороог төлөөлөн УИХ-ын гишүүнээр сонгогдсон. Тойргийнхоо иргэд сонгогчидтой уулзах үеэр гэрэл цахилгаангүй, үр хүүхдүүд нь хичээл номоо хийх боломжгүй, ахуйн хөргөгч, зурагтаа ч ашиглаж чадахгүй нөхцөлд амьдарч байгаа тухайгаа уламжилж байсан юм. Тэгвэл сонгогдсон даруйдаа энэ асуудалд шуурхайлан хандаж, өнгөрсөн намар БЗД-ийн 21-р хорооны Ганц худгийн хойд талын  100 гаран өрхийг төвийн эрчим хүчинд холбуулсан. Мөн энэ хавартаа амжиж үлдсэн айл өрхийг эрчим хүчинд холбуулах саналыг ЭХЯ-нд хүргүүлснээр холбогдох зардлыг 2017 оны улсын төсөвт суулгуулж амжсан юм.

Ирээдүйн тив дэлхийн аваргыг бэлтгэх “Спортын төрөлжсөн сургалттай 7 дугаар дунд сургууль”-ийг орон нутгийн төсвийн  2,4 тэрбум төгрөгөөр барьж ашиглалтанд оруулснаар спортыг сонирхдог, түүгээр хичээллэдэг хүүхдүүд, тамирчид бэлтгэл сургуулилтаа хийх бүрэн боломж бүрдлээ.

Өмнөговь аймгийн хамгийн отгон сургууль болох 1200 хүүхдийн суудалтай 5 дугаар бүрэн дунд сургууль 35 ширхэг компьютер, ухаалаг самбар бүхий мэдээлэл технологийн иж бүрэн кабинеттай болж сурагчдын сурч боловсрох, өөрийгөө хөгжүүлэх нөхцөл боломж илүү сайжирлаа. Мэдээлэл технологийн кабинетийн тохижилтыг Өмнөговь аймаг, “Оюу толгой” ХХК хоорондын хамтын ажиллагааны хүрээнд “Говийн оюу” хөгжлийг дэмжих сангийн хөрөнгө оруулалтаар хийсэн байна. Мөн англи, орос хэлний кабинетыг тохижуулах санхүүгийн асуудлыг бүрэн шийдвэрлэж, тохижилтын ажлыг эхлүүлээд байна.

Эрүүл мэндийн яамтай Өмнөговь аймгийн Засаг дарга Н.Наранбаатар хамтран ажиллах гэрээг байгуулсан. Өнгөрсөн 5 сард Эрүүл мэндийн сайд А.Цогцэцэг Өмнөговь аймагт ажиллахдаа аймгийн Засаг даргатай байгуулсан ХАМТРАН АЖИЛЛАХ гэрээний хүрээнд Ханбогд, Мандал-Овоо, Ноён, Баяндалай, Гурвантэс, Манлай суманд эмнэлгийн тусламж үйлчилгээг илүү сайжруулахад чиглэсэн УАЗ фургон машиныг гардуулан өгсөн юм.

Өмнөговь аймгийн Засаг даргын Тамгын газрын Цэргийн штаб цэргийн дүйцүүлэх албаны сургалт, дадлагыг амжилттай зохион байгуулж байна. Сургалт дадлагын бодит байдалтай аймгийн Засаг дарга Н.Наранбаатар, Засаг даргын орлогч Х.Батболд нар биечлэн танилцаж үүрэг чиглэл өгсөн юм.