Өвлийн хүйтэнд хувцас хатаана гэдэг амар ажил биш. Гадаа хүйтэн, салхигүй үед угаасан хувцас хэд хоногоор ч чийгтэй хэвээр үлддэг. Хатаагчгүй айл өрхийн хувьд энэ асуудлыг “түргэн шийдэх” хамгийн түгээмэл арга нь хувцсаа халаагуур (паар) дээр тавих. Гэвч мэргэжилтнүүдийн хэлснээр энэ нь таны бодсоноос ч илүү хор хөнөөлтэй үйлдэл аж. Халаагуур дээр хувцас тавих нь материалыг гэмтээж, өнгийг нь гандуулаад зогсохгүй, гэрийн агаарын чанар болон халаалтын чанарыг ч бууруулдаг байна.
“Ихэнх хүн үүнийг огт мэддэггүй. Гэвч халаагуурын халуун нь яг л хэдэн цагийн турш хувцсаа үсний сэнсээр үлээлгэж байгаа мэт нөлөө үзүүлдэг аж. “Өөрөөр хэлбэл, та хувцсаа зүгээр хатааж байгаа биш аажмаар ‘болгож’ байна гэсэн үг,” гэжээ. Мөн халаагуур дээр хувцсаа тавих нь зөвхөн материалд муу нөлөө үзүүлээд зогсохгүй, өрөөний агаарын чийгшлийг багасгаж, тоосны хачиг, хөгц мөөгөнцөр үүсэх нөхцөл бүрддэг байна.