“Кордиант” компанийн авто шинжээч Олег Марков “За рулём”-д өгсөн ярилцлагадаа дугуйн даралтыг үйлдвэрлэгчийн заасан хэмжээнээс давуулан хийлэх нь яагаад буруу болохыг онцолжээ. Дугуйг хэт хийлвэл өнхрөлтийн эсэргүүцэл бага болж, онолын хувьд арай хөнгөн явах мэт мэдрэмж төрж, өчүүхэн хэмжээний шатахуун хэмнэлт өгөх боломжтой. Гэхдээ энэ багахан ашиг нь дутагдлуудын өмнө үнэ цэнгүй.

Юуны өмнө, хэт хийлсэн дугуйтай машин барихад тухгүй болдог. Замын овойлт бүрийг нэвт дамжуулж, бүх чичиргээг кузов руу өгөх тул барихад эвгүй. Гэхдээ хамгийн том эрсдэл нь — аюулгүй байдал. Хэт хийлсэн дугуй замтай хүрэлцэх талбайгаа багасгаж, наалдац муудна. Энэ нь удирдлага муудаж, онцгой нөхцөлд осолд хүргэх эрсдэл нэмэгдүүлнэ. 
Мөн дугуйг хэт хийлэх нь машины эд ангийг илүү хурдан элэгдүүлдэг. Ялангуяа түдгэлзүүлэлт, явах эд анги илүү их ачаалал авч муудна. Мөн дугуй каркас дотроосоо хэт даралт авч төв хэсэг нь жигд бус элэгдэж, дугуйны ашиглалтын хугацаа эрс багасдаг.
Жолооч нарт өгөх оновчтой зөвлөгөө — дугуйгаа хэрхэн зөв хийлэх вэ?

✔ Үйлдвэрлэгчийн заасан хэмжээг баримтал.
— Машины хаалганы ясанд, савхин дээр, эсвэл хэрэглэгчийн гарын авлагад бичсэн байдаг.

✔ Хүйтэн дугуй дээр даралт шалга.
— Машин удаан явсан бол дугуй халж, даралт өндөр гарна.

✔ Сардаа дор хаяж нэг удаа дугуйнуудынхаа хийг шалга.
— Температурын өөрчлөлт даралтыг их өөрчилдөг.

✔ Бүрэн ачаатай явах үед 0.1–0.2 бар-аар л нэмэгдүүл.
— Хэт хийлэх биш, зөвхөн нэмэлт ачаалал нөхөх хэмжээ.

✔ Нэг дугуй бус дөрвөн дугуйг зэрэгт нь шалга.
— Дугуй бүр өөр даралттай байх нь тогтворжилтыг алдагдуулдаг.

✔ Хэзээ ч  хатуу болгож хийлэх гэж бүү оролд.
— Мөн дугуйг хэт хийлэх нь машины явах эд анги, ялангуяа амортизатор болон тэнхлэгт илүү их ачаалал өгч, элэгдлийг түргэсгэдэг.