Форрестын амьдралын үе шат бүр солигддог ч нэг зүйл хэзээ ч өөрчлөгддөггүйг та анзаарсан уу? — цэнхэр дөрвөлжин хээтэй цамц. Бүр киноны төгсгөлд түүний хүү Форрест Жр. хүртэл адилхан цамц өмсдөг.
Форрестын улс даяар гүйсэн түүх нь цэвэр уран сэтгэмж биш. 1982 онд Луис Майкл Фигероа хэмээх 16 настай хүү Америкийг хөндлөн гүйж, хорт хавдартай хүүхдэд зориулан хандив цуглуулсан бодит явдлаас санаа авчээ.
Том Хэнксын охин Elizabeth Hanks сургуулийн автобусанд бяцхан Форрестыг суулгахгүй охины дүрийг бүтээдэг.
Женнигийн хүүхэд нас өнгөрсөн байшин бол түүний сэтгэлийн гүн шархны бэлгэдэл. Тэр байшин руу чулуу шидэж буй агшин нь зураач Andrew Wyeth-ийн алдарт “Christina’s World” зургийн шууд ишлэл юм. Энэ бол бие махбодын бус, сэтгэлийн тэмцлийг илэрхийлсэн агшин юм.
Кинонд гардаг ширээний теннисний тоглолтын үеэр бодит бөмбөг ашиглаагүй. Харин жүжигчин зөвхөн хөдөлгөөнийг хийж, бөмбөгийг дараа нь дүрс боловсруулах явцад нэмж оруулсан байна.
“Миний нэрийг Форрест Гамп гэдэг. Хүмүүс намайг Форрест Гамп гэж дууддаг.”
Энэ өгүүлбэр анхны зохиолд огт байгаагүй бөгөөд Том Хэнксын тухайн мөчийн санаачилга байжээ. Найруулагч Robert Zemeckis үүнийг маш оновчтой гэж үзэн кинонд үлдээсэн байна.
Анх Форрестын ярианы аялгыг сул байлгахаар төлөвлөж байжээ. Гэвч залуу Форрестын дүрд сонгогдсон хүүхдийн тод аялга Том Хэнксын анхаарлыг татаж, тэрээр түүний ярианы хэв маягийг ягштал дуурайж сурсан байна.
Кинонд гардаг олон гүйлтийн хэсэгт Том Хэнксын оронд түүний төрсөн ах Jim Hanks оролцсон байна. Үзэгчдэд ялгагдахгүй байлгахын тулд яг ижил хөдөлгөөн, алхалтын хэв маягтай хүн шаардлагатай байсан ч, түүний төрсөн ахаас өөр хүн олдоогүй байна.
Киноны эх зохиолын зохиогч Winston Groom уг дүрийг John Goodman-д илүү тохирно гэж үзэж байжээ.
Форрест зураг авахуулах бүрдээ нүдээ аньдаг нь дүрийн онцлог. Жүжигчний тайлбараар, Форрест “зөв харагдах”-д хэт төвлөрснөөс нүдээ нээхээ мартчихдаг аж.
Кино дэлхий даяар 678 сая ам.долларын орлого олсон. Том Хэнкс тогтмол хөлс бус, орлогын хувь авах нөхцөлтэй гэрээ байгуулсан тул нийтдээ 65–70 сая ам.долларын ашиг хүртсэн гэдэг.
Кинонд гардаг сам хорхойн бизнес бодит амьдрал дээр “Bubba Gump Shrimp Company" нэртэй ресторан сүлжээ болон хөгжиж, өнөөдөр дэлхийн олон оронд салбартай болжээ.
Форрестын ээжийн дүрийг бүтээсэн Sally Field нь бодит байдал дээр Tom Hanks-аас ердөө 10 насаар л эгч. Нас ахисан мэт харагдуулсан бүх “ид шид” бол нүүр хувиргалт юм.