Орчин үеийн онгоцнууд гар утаснаас болж осолдох хэмжээний эмзэг биш. Гэхдээ хөөрөлт, буултын үед анхаарал хамгийн чухал байдаг тул олон төхөөрөмжийн дохио, чимээ нь нисгэгчдийн анхаарлыг сарниулж болзошгүй аж. Тиймээс аюулгүй ажиллагааны үүднээс унтраахыг шаарддаг.
Урт нислэгийн үед нисгэгчид ээлжлэн амардаг бөгөөд энэ нь албан ёсны журам юм. Ингэснээр ядаргаа үүсэхээс сэргийлж, хамгийн чухал үед бүрэн анхаарал төвлөрсөн байдалд байх боломжтой болдог. Нисгэгчдийн тал нь унтаж, тал нь сэрж байх үедээ хамтрагч нь унтсан болохыг анзаардаг.
Зорчигчдод эвгүй санагддаг хатуу буулт нь ихэнхдээ зориуд хийдэг үйлдэл байдаг. Ялангуяа бороотой үед онгоцны дугуй усан давхаргыг “сэтэлж”, гулсахаас сэргийлэхийн тулд илүү хүчтэй буулгах шаардлагатай болдог.
Зарим нислэгийг үндсэн компани биш, гэрээт (regional) компаниуд гүйцэтгэдэг. Ийм тохиолдолд нисгэгчдийн туршлага, цалин, сургалтын түвшин ялгаатай байж болдог.
Онгоцны бүхээгийн даралт алдагдвал хүний ухаан алдах хугацаа ердөө 15–20 секунд байдаг. Маскны хүчилтөрөгч энэ хугацаанд ухаан алдахгүй байлгаж, онгоцыг доош буулгах хүртэл амьсгалах боломж олгодог. Хүчилтөрөгчийн маск нь ердөө л 15 минутын турш л ажиллах хүчин чадалтай.
Ямар ч тохиолдолд та ариун цэврийн өрөөний усыг бүү уугаарай. Хэдийгээр онгоцны ус хадгалах системийг тогтмол цэвэрлэдэг ч уг усны савны бактериуд бидний хэрэглэдэг цэвэрлэгээний бодист аль хэдийн дассан байдаг. Тиймээс зарим нэг бактери цэвэрлэгдэхгүй үлдэх магадлалтай.
Нисгэгчид хоёр өөр хоол иддэг шалтгаан нь хоёулаа ижил хоол идээд хордвол онгоцыг удирдах хүнгүй эрсдлээс хамгаалж буй хэрэг юм. Үүнээс гадна нисгэгчид өөрсдөө гал тогооны өрөөнөөс хоол авч болохгүй бөгөөд харин гуйж авах хэрэгтэй. Онгоцны хоолноос хулгайлсан тохиолдолд ажлаас халах хүртэл шийтгэлтэй байдаг гэнэ.
Ачааны хэсэг нь даралт, температурын хувьд зохицуулалттай байдаг ч дуу чимээ ихтэй учир амьтад стресст өртөх нь элбэг. Тиймээс амьтантай нисэх үү үгүй юу гэдгээ сайн бодох хэрэгтэй.
Хэдийгээр тэд зорчигчдыг гар утас хэрэглэхийг хориглодог ч тодорхой нөхцөлд онгоцны үйлчлэгчийг утас ашиглахыг зөвшөөрдөг.
Савлагаагүй л ус бол хэзээ ч битгий уугаарай. Учир нь ариун цэврийн өрөөний бохир соруулах хоолой нь цэвэр усны хоолойтой тун ойрхон оршдог юм.
Газардах үед гэрлийг бүдгэрүүлэх нь нүдийг харанхуйд дасгаж, яаралтай буух шаардлага гарсан тохиолдолд зорчигчдыг хурдан хөдлөхөд тусална.
Онгоцны нисгэгчийн хувьд хамгийн дээд эрх мэдэлтэй хүн бөгөөд шаардлагатай тохиолдолд зорчигчийг буулгах, шийтгэл ноогдуулах эрх түүнд бүрэн бий.
Онцгой нөхцөлд зорчигчийг аврах, аюулгүй байдлыг хангах зорилгоор ариун цэврийн өрөөг гаднаас нээх боломжтой байдаг гэнэ.
Аюулын үед онгоцны багийн ажилчид зорчигчдыг айлгахгүйгээр бүх зүйлийг чимээгүй, зохион байгуулаллтай шийдвэрлэх үүрэгтэй.
Албан ёсоор зөвшөөрдөггүй ч зарим тохиолдолд үйлчлүүлэгчид хахууль хэлбэрээр мөнгө өгдөг гэнэ. Хэрвээ эхний нэг аяга кофе дээр мөнгө өгвөл тэр дараа нь бүхий л нислэгийн туршид үнэгүй кофе уухыг хүснэ.
Онгоц дотор зарагддаг бараа ихэвчлэн үнэтэй байдаг тул урьдчилсан худалдан авалт хийх, эсвэл онлайнаар худалдан авалт хийх нь илүү тохиромжтой.
Онгоцны хөдөлгүүр унтарсан ч онгоц 1км өндрөөс 6,5 км зайд гулсан ирэх боломжтой бөгөөд өөрөөр хэлбэл, 11 мянган метрийн өндрөөс унтарсан хөдөлгүүртэй 65-67км замыг туулж чадна гэсэн үг юм. Энэ нь нисэхийн инженерчлэлийн чухал давуу тал юм.
Халуун үед агаарын нягт багасч, онгоц өргөгдөх чадвар буурдаг тул хөөрөхөд илүү урт зурвас шаардлагатай болдог.