"Долоо" киноны хөөцөлдөх хэсгийн зураг авалтын үеэр Брэд Питт цонхны шилэн дээр хүчтэй унаж, гараа гүн зүсжээ. Үүний улмаас гарынх нь шөрмөс тасарч, дараагийн зураг авалтуудад гараа боолттой оролцох шаардлагатай болсон байна. Харин киноны баг энэ нөхцөл байдлыг зохиолд шингээж, түүний бүтээсэн мөрдөгч Миллсийн дүрийг мөн адил гарын гэмтэлтэй болгож өөрчилжээ.
Хэлли Берриг "Холливудын хамгийн их бэртсэн жүжигчин" гэж нэрлэх нь бий. "Готика" киноны зураг авалтын үеэр хамтран тоглосон Роберт Дауни Жуниор тулааны хэсэгт санамсаргүйгээр түүний гарыг мулталжээ. Харин "Муур эмэгтэй" кинонд толгойдоо хүчтэй цохиулсан бол "Үүлэн атлас" киноны зураг авалтын үеэр хөлөө хугалсан байна.
Роберт Дауни Жуниор "Төмөр хүн" киноны зураг авалтын үеэр орлон тоглогч ашиглахгүй үзүүлбэрээ өөрөө хийхээр шийдсэн байна. Гэвч буух үедээ шагайгаа хүнд гэмтээж, зураг авалтыг бүтэн өдрөөр зогсооход хүрчээ. Энэ явдал кино багт их хэмжээний нэмэлт зардал авчирсан бөгөөд аюултай хэсгийг мэргэжлийн орлон тоглогч гүйцэтгэхийн ач холбогдлыг дахин харуулсан юм.
"Өлсгөлөн тоглоом" киноны зураг авалтын үеэр Женнифер Лоуренс гүйж явахдаа өөрийгөө нумаар цохисны дараа ус руу шумбажээ. Уснаас гарч ирэхэд нэг чих нь огт сонсохоо больсон байсан байна. Аз болоход сонсгол нь эргэн сэргэсэн ч тухайн гэмтлийн үр дагавар одоо ч үе үе мэдрэгддэг гэж жүжигчин ярьсан байдаг.
"Иллюзи" киноны хамгийн алдартай усан үзүүлбэрийн зураг авалтын үеэр Айла Фишерийг гинжээр усан савны ёроолд хүлсэн байжээ. Зураг авалтын үеэр тайлагдах ёстой цоож үнэхээр гацаж, киноны баг түүнийг жүжиглэж байна гэж андуурсан байна. Ингэснээр жүжигчин бараг гурван минут усан дор байж, живэх шахсан бөгөөд азаар эцсийн мөчид аварчээ.
"300 Спартан" кинонд ихэнх тулааны хэсгийг өөрөө гүйцэтгэсний дараа Жерард Батлер нурууны хүчтэй өвдөлттэй болжээ. Өвдөлт намдаах эм тогтмол хэрэглэсээр донтох хэмжээнд хүрсэн бөгөөд эцэст нь мэргэжлийн эмчилгээ хийлгэж, зургаан жилийн дараа л бүрэн эдгэрсэн байна.
71 настайдаа "Оддын дайн: Хүч сэрсэн нь" киноны зураг авалтын үеэр Харрисон Форд сансрын хөлгийн тайзан дээр унаж, шагайгаа маш хүнд гэмтээжээ. Тэр өөрөө алхаж чадахгүй болсон тул зураг авалтын талбайгаас шууд эмнэлгийн нисдэг тэргээр хүргэгдсэн байна.
"Мулен Руж!" киноны зураг авалтын үеэр Николь Кидман хамтран тоглосон Эван Макгрегортой бүжиглэж байхдаа шатнаас унаж хавиргаа хугалжээ. Хэсэг хугацааны дараа тэрээр корсетоо хэт чангалуулахыг хүссэнээр бүрэн эдгээгүй байсан хавирга нь дахин хугарсан байна. Үүний улмаас зураг авалтын ихэнх хугацаанд тэргэнцэр ашиглах шаардлагатай болжээ.
"Сириана" киноны зураг авалтын үеэр Жорж Клуни нуруугаа маш хүнд гэмтээж, хэсэг хугацаанд тахир дутуу болох эрсдэлтэй гэж хүртэл яригдаж байв. Мөн эрүүдэн шүүх хэсгийн зураг авалтын үеэр толгойдоо хүчтэй цохилт авч, удаан хугацаанд өөрийгөө цус харвасан хүн шиг мэдэрдэг байсан тухайгаа хожим ярьжээ.
Энгийн романтик кино мэт санагдах "P.S. Би чамд хайртай" киноны зураг авалтын үеэр Жерард Батлерын мөрөвчний төмөр түгжээ тасарч, Хилари Суонкийн дух руу хүчтэй оножээ. Түүний шарханд хэд хэдэн оёдол тавьсны дараа зураг авалтыг үргэлжлүүлсэн байна.
"Цасан цагаан ба анчин" кинонд муу хатны дүрийг бүтээхдээ Шарлиз Терон маш олон удаа чангаар орилох шаардлагатай болсон бөгөөд нэг зураг авалтын дараа хэвлийн булчингаа гэмтээжээ. Өвдөлтийн улмаас хэдэн цаг хөдөлж чадахгүй болж, зураг авалтыг түр хугацаанд зогсоосон байна.
"Есдүгээр легионы бүргэд" киноны зураг авалтын үеэр Ченнинг Татум мөстэй усанд олон удаа шумбах шаардлагатай байсан тул зураг авалтын завсарлагаар туслах нь дулаан ус асгаж өгдөг байжээ. Гэвч нэг удаа санамсаргүйгээр буцалсан ус асгаснаар халуун ус хуягны дотуур орж, жүжигчний бэлэг эрхтэн хүнд түлэгдсэн байна. Тэрээр хожим энэ ослын улмаас арьс нь хүртэл хууларсан тухайгаа ярьсан байдаг.