Ватиканы түүхэн дэх хамгийн дуулиантай пап ламуудын нэг бол XII Иоанн байв. Тэр ердөө 18 настайдаа папын ширээнд сууж, Латераны ордныг мөргөлийн газар гэхээсээ илүү тансаг найр, завхайралын төв болгосон гэх шүүмжлэл олонтаа гардаг. 964 онд нас барах үед нь албан ёсны тайлбар нь тархинд цус харвасан явдал байсан. Харин өөр нэгэн түгээмэл домогт өгүүлснээр тэрээр нууц амрагтайгаа байх үеэр нөхөрт нь баригдаж, зодуулсны улмаас амиа алдсан гэдэг. Аль нь үнэн болохыг өнөөдөр тогтоох боломжгүй ч XII Иоанны үхэл түүний шуугиантай амьдралтай адилхан маргаантай хэвээр үлджээ.
Хүннүгийн домогт удирдагч Аттила 453 онд залуу бүсгүй Ильдико-той гэрлэснийхээ дараах хуримын шөнө нас баржээ. Түүнийг өглөө нь орон дээрээ цусанд хутгалдан хэвтэж байхад олсон байна. Зарим судлаач хамраас хүчтэй цус алдаж, согтуу байсан тул амьсгал нь боогдсон гэж үздэг бол нөгөө хэсэг нь тархины судас хагарсан байж магадгүй гэж тайлбарладаг. Бас шинэ эхнэр нь хор өгсөн гэх домог ч байдаг. Юутай ч Европыг айдаст автуулж явсан их жанжин анхны хуримын шөнөө хорвоог орхисон нь түүхэн дэх хамгийн хачирхалтай үхлүүдийн нэг болжээ.
1464–1471 онд папын суудалд байсан II Павел 55 насандаа гэнэт нас барсан. Албан ёсны тайлбарт тэрээр их хэмжээний амтат гуа идсэний дараа зүрхний шигдээс эсвэл тархинд цус харваж өөд болсон гэж дурддаг. Харин тухайн үеийн цуу ярианд пап лам залуу эртэй дотно харилцаанд орж байх үедээ нас барсан гэх хувилбар тархжээ. Энэ хувилбарыг батлах найдвартай баримт байдаггүй бөгөөд өнөөг хүртэл зөвхөн түүхэн цуурхлын нэг хэвээр үлдсэн байна.
1895–1899 онд Францыг удирдаж байсан Ерөнхийлөгч Феликс Фор 1899 оны хоёрдугаар сард Елисейн ордонд нас баржээ. Албан ёсны дүгнэлтээр тэрээр тархинд цус харвасан байна. Гэвч тухайн үед Фор өөрийн нууц амраг Маргерит Стенель-тэй хамт байсан гэх мэдээлэл тарж, удалгүй энэ хэрэг Францын хамгийн алдартай улс төрийн дуулиануудын нэг болсон юм. Үүний дараа Франц даяар элэглэл, егөөдөл түгэж, түүний үхлийн талаар олон хошигнол хүртэл төржээ.
АНУ-ын дэд ерөнхийлөгч асан Нельсон Рокфеллер 1979 онд 70 насандаа зүрхний шигдээсээр нас барсан. Эхэндээ түүнийг ажлын өрөөндөө урлагийн тухай ном дээр ажиллаж байгаад өөд болсон гэж мэдээлсэн ч удалгүй үнэндээ Манхэттен дахь орон сууцандаа өөрийн 25 настай туслах Меган Маршак-тай хамт байсан нь ил болсон юм. Энэ явдал тухайн үед Америкийн хэвлэлүүдийн хамгийн их шуугиан тарьсан сэдвүүдийн нэг болж байв.
"Кун-фу" цуврал болон Квентин Тарантино-гийн бүтээлүүдээрээ алдаршсан жүжигчин Дэвид Кэррадайныг 2009 онд Бангкок дахь зочид буудлын өрөөнөөс нас барсан байдалтай олжээ. Эхэндээ амиа хорлосон гэж таамагласан ч мөрдөн шалгалтын дараа түүний үхлийг аутоэротик асфикси буюу бэлгийн сэрлийг нэмэгдүүлэх зорилгоор өөрийгөө боомилох эрсдэлтэй дадалтай холбоотой осол гэж үзсэн байна. Түүний хуучин эхнэрүүд ч жүжигчин ийм төрлийн аюултай сонирхолтой байсныг хожим баталсан юм.
"Риминигийн Ромео" хэмээн алдаршсан Италийн плейбой Маурицио Занфанти амьдралынхаа туршид 6000 гаруй эмэгтэйтэй учир ургуулсан гэх домогтой. 2018 оны есдүгээр сарын 25-нд 63 насандаа тэрээр 23 настай Зүүн Европын жуулчин бүсгүйтэй автомашинд байх үедээ зүрхний шигдээсээр нас баржээ. Найзуудынх нь ярьснаар Занфанти "эмэгтэйн тэвэрт, аз жаргалтайгаар энэ хорвоог орхихыг" хүсдэг байсан бөгөөд түүний үхэл яг ийм байдлаар тохиосон гэдэг.