18 настай Адель дэлхий даяар алдаршихаасаа өмнө энэ зурагт оржээ. Тэрээр 2006 онд болсон “Fiat” автомашины танилцуулгын үдэшлэгийн үеэр гартаа ундаа барин зогсож байгаа нь харагдана. Тухайн үед тэрээр дэлхийн хэмжээний од болоогүй, дөнгөж хөгжмийн карьераа эхлүүлж байсан юм.
Супермодель Кейт Мосс 2005 онд Лондонгийн Ковент-Гарден дахь “Donmar Warehouse” театрын шатаар бууж яваа агшинд гэрэл зурагчинд өртжээ. Тэр арын хаалгаар гарахыг оролдсон боловч даашинзандаа орооцолдож, ядарсан байдалтай шат дээр суусан байна. Гартаа тэр хайрцагтай тамхи барьжээ. Энэ зураг нь загварын тайзны төгс төгөлдөр дүр төрхөөс тэс өөр, илүү энгийн Кейт Моссыг харуулдаг.
Цуглуулгад Анжелина Жоли болон түүний тухайн үеийн нөхөр Билли Боб Торнтон нарын хувийн амьдралын нэгэн агшны зураг багтжээ. 2001 онд авсан уг гэрэл зурагт хосууд Лондонд алдарт “The Ivy” рестораны ойролцоо дотноор үнсэлцэж байгаа нь дүрслэгдсэн байна. Тус ресторан нь тухайн үед алдартнуудын ихээр цугладаг газруудын нэг байжээ.
Грег Бреннан поп хөгжмийн хаан Майкл Жексон-ыг Лондоны алдарт “Harrods” их дэлгүүрээс дэлгүүр хэсээд гарч ирэх үеэр нь гэрэл зургийн хальснаа буулгажээ. 2005 онд авсан уг зурагт Майкл Жексон өөрийн уламжлалт малгай, пиджактайгаа дүрслэгдсэн байна.
Цуглуулгад өөр нэгэн алдарт поп од Леди Гага ч багтжээ. 2011 онд тэрээр Лондонгийн зочид буудлаас гарч, олон тооны шүтэн бишрэгчдийнхээ дунд машиндаа сууж буйг гэрэл зурагчин авчээ. Фенүүд нь түүнийг харахын тулд зургаан цагийн турш хүлээсэн байна. Тэднийг хүлээж байх хооронд Леди Гага халамжтай зан гарган, кофе, цай, жигнэмэг явуулжээ.
АНУ-ын Ерөнхийлөгч асан Билл Клинтон 2005 онд Лондонд болсон гарын үсэг өгөх арга хэмжээнд оролцсон байна. Төрийн тэргүүнийг тухайн үед 20 гаруй хамгаалагч хүрээлж байжээ.
Хар цагаан гэрэл зургуудын дунд жүжигчин Харви Кейтел-ийн хөгжилтэй агшин ч бий. Тэрээр нэгэн шүтэн бишрэгчээ шилний цаанаас үнсэж байгаа нь гэрэл зурагт үлджээ.
Алдарт жүжигчин, найруулагч Клинт Иствуд 2003 онд Британийн нийслэл Лондонд оройн хоолонд орохоор явж байхдаа гэрэл зурагт буужээ.
Холливудын домогт жүжигчин Жек Николсон 2006 онд болсон нэгэн үдэшлэгийн үеэр тамхи татаж буй агшнаа гэрэл зурагчинд үлдээжээ.
Канадын алдарт дуучин, яруу найрагч Леонард Коэн 2008 онд Лондонгийн “Royal Albert Hall”-д болсон тоглолтдоо ирэх үеэрээ гэрэл зурагт буужээ.