Сэрээрэй

Англи болон Ирланд улсад “Knocker-up” хэмээх нэртэй мэргэжил байжээ. Энэхүү мэргэжлийг эзэмшсэн хүмүүс өглөө эртлэн босч хотынхоо бусад хүмүүсийг ажил алба, сургууль цэцэрлэгт нь сэрээдэг аж. Аж үйлдвэрийн хувьсгалын үед буюу 20-р зууны 20-иод он хүртэл хүмүүс энэхүү ажлыг хийдэг байжээ. Ихэнхидээ ахмад настай хүмүүс сэрүүлгэний үүрэг гүйцэтгэдэг байсан байна. Хүмүүсийг сэрээхийн тулд хулсан ташуур, савх мод зэргийг ашигладаг байсан бөгөөд бүр дээд давхрын айлуудыг сэрээхдээ шошоор бууддаг байсан байжээ. Тиймээс Англи болон Ирланд улсад ажилд хожигдох асуудал байгаагүй бололтой.