Нью-Йоркийн амьд гудамжнууд

2012-04-20, 23:19
19,555

Амьдрал буцалж байгаа гумамжаар алхах сайхан. Амьдралыг буцлуулахын тулд тухайн гудамжинд орох газар, үзэх зүйл ихтэй байх хэрэгтэй. Үзэж харах, орж гарах зүйл ихтэй байлгахын тулд худалдаа, үйлчилгээний газрууд, лангуунууд олон байх учиртай. Лангуу байрлуулахын тулд гудамж талбай өргөн уудам, цэвэр цэмцгэр байвал зохино. Өөрөөр хэлбэл хоосон хананууд мэлтийх нарийхан гудамж биш, орж гарах газар, үйлчилгээ ихтэй өргөн гудамж нь амьд байдаг гэсэн үг. Ингээд бүгдээрээ Нью-Йоркийн амьдрал буцалсан гудмуудаар аялцгаая. Мөн Америкийн их хотын гудамжны тохижилтоос бүгдээрээ суралцах зүйлээ олж авцгаая.

Нью-Йоркийн амьд гудамжнууд
ХАМГИЙН ТОМ ХЯМДРАЛ!
Хаах
Сурталчилгаа


Заавал байшин биш, зүгээр л саравчтай чингэлгэнд хүмүүсийн амны зугаа болох зүйлсийг олноор зарах ажээ.

www.caak.mn (31 фото)

Гудамжинд төрөл бүрийн хүнс, барааг ил задгай зарах нь элбэг бөгөөд хотын захиргаа нь үүнтэй тэмцэхийг огт оролддоггүй байна.

www.caak.mn (31 фото)


Братиславын нэгэн гудамжтай Нью-Йоркийн хөл хөдөлгөөнтэй гудамжийг харьцуулан харцгаая. Иймэрхүү гудмаар явахад нэг л тааламжгүй, бүх зүйл нь нэгэн хэвийн учраас уйтгартай, бас сатаарах зүйлгүй учраас туулах зам нь ч урт санагдаг. Түүнчлэн эргэн тойронд хүмүүс байхгүй учраас аюултай мэт санагдана. Өдрийн цагаар аюултай санагдаж байхад, шөнө дөлөөр бол хүмүүсийн тойрч өнгөрөхийг хүсэх, эсвэл хурдхан шиг гүйгээд гармаар санагдах газруудын нэг болон хувирдаг.

www.caak.mn (31 фото)


Хотын оршин суугчид дугуйгаар юмуу алхаад амар тайван явахад тохиромжтой уудам, чөлөөтэй гудамжнуудтай байх ёстой гэсэн түгээмэл ойлголт буруу ч юм шиг. Учир нь дугуй унасан, эсвэл алхаж яваа хүмүүс чөлөөтэй, сул замыг биш, харин амьдрал буцалж байгаа замыг л сонгодог. Жишээлбэл та ямар ч үйлчилгээний газар байхгүй Нью-Йоркийн нэгэн гудамжийг харж байна. Энэ гудмаар хүн бараг л явахгүй байна.

www.caak.mn (31 фото)


Харин энэ бол дээрхийн яг хажууханд байдаг амьдрал буцалсан гудамж.

www.caak.mn (31 фото)


Гэхдээ мэдээж үйлчилгээний газруудын үүдийг хааж, бараагаа тавиад, хүмүүсийн замд саад болох ч дэмий л дээ.

www.caak.mn (31 фото)


Гудамжны бичил үйлчилгээнүүдийг хааж хориглох биш, харин ч дэмжих нь зүйтэй мэт. Учир нь олон үйлчилгээний цэгүүдтэй гудамж бол амьд, олон хүнтэй тул аюулгүй, бичил бизнесийг дэмжсэн, хүний хамгийн ойрын хэрэгцээг ойрхон газраас хангасан гээд олон давуу талтай.

www.caak.mn (31 фото)


www.caak.mn (31 фото)


Яагаад гэвэл ямар ч үйлчилгээгүй гудамж бол ийм л утгартай байдаг.

www.caak.mn (31 фото)

 
Тиймээ, түргэн үйлчилгээний цэгүүдэд тамхи ширхэглэн зарж, чанаргүй хямд архийг нууцаар борлуулдаг. Гэхдээ л хүүхэд багачуудын дурладаг сэрүүхэн ундаа, тоглоомнууд, хүмүүсийн өлийг тайлах түргэн хоол гээд олон давуу талыг гудамжны цэгүүд, ил үйлчилгээний газрууд л хангадаг.

Түүнчлэн Нью-Йоркод амарч тухлахад зориулсан сандалнууд хаа сайгүй байдаг. Жишээлбэл Явган хүний гарцын замтай нийлдэг хэсэгт байрлуулсан энэхүү сандал нь машинаас хамгаалсан хашлагатай, ардаа таримал цэцэгтэй учраас маш тухлаг ажээ.

www.caak.mn (31 фото)


Цэцэгний талаар бол дараа л ярья.

www.caak.mn (31 фото)


Гудамжин дахь цэцэгнүүд нь маш том бөгөөд өнгөлөг. Жаргалын орон Копенгаген юмуу Стокгольм-ийн талаар яриагүй, 15 жилийн өмнө Дэлхий дээрхи там байсан Нью-Йоркийн талаар ярьж байна. 15 жилийн өмнө Нью-Йоркийн гудмуудаар эрүүл ухаантай хүн бол оройн цагаар ганцаараа явдаггүй, зарим нэг дүүргүүдэд нь тодорхой цагт хөдөлгөөнийг хориглодог байжээ.

Харин өнөөдөр бол Нью-Йорк диваажингийн орон болжээ. Цэцэгс ч тэнд дуртай гэгч нь ургадаг.

www.caak.mn (31 фото)


Хэн ч түүнийг оролддоггүй.

www.caak.mn (31 фото)


Энэ сакура мөн үү? Тийм ээ мөн. Эндэхийн хүн ам нь Улаанбаатараас хэд дахин их боловч ургамал, модод сайхан ургаж, хэн ч түүнийг нь хугалж, тасдаггүй.

www.caak.mn (31 фото)


Цэцэгнүүд ч гэсэн.

www.caak.mn (31 фото)


Уолл Стритийн ойролцоох цэцгэн мандал. Эндэхийн цэцэг маш сайхан үнэр ханхлуулж, үзэмжээрээ хотыг чимэх ажээ. Нью-Йорк-т гудамжны хүмүүсийн тоо эрс цөөрчээ.

www.caak.mn (31 фото)


Амарч, суухад зориулсан маш олон сандал байх бөгөөд хүмүүс ном унших юмуу, нөүтбүүктэйгээ энд тэндгүй сууна.

www.caak.mn (31 фото)


Өглөөний цай, үдийн хоол, оройн унд гээд бүгдийг нь гудамжинд сууж идэж болно.

www.caak.mn (31 фото)


Зөөврийн жижиг сандлууд ч олон байдаг ажээ.

www.caak.mn (31 фото)


Ийм сандал хаа сайгүй.

www.caak.mn (31 фото)


www.caak.mn (31 фото)


Үнэ нь 11 доллар гэдэг.

www.caak.mn (31 фото)


Анх ийм сандлыг маш олноор авч байхад “дороо алга болно”, “хүмүүс гэр гэртээ аваад тавьчихна”, “бүтэхгүй санаа” гэж хүмүүс ярьж байжээ.

Харин өнөөдөр ийм сандал Нью-Йоркоор нэг тавигдаж, хүмүүс  ч зохистой хэрэглэсээр...

www.caak.mn (31 фото)


Брайант парк

www.caak.mn (31 фото)


Цэцэгнүүд, сандалтай сайхан хослоно. Ийм газар хүний хөл тасрахгүй нь мэдээж.

www.caak.mn (31 фото)


Сэлүүхэн замтай гудамж нь байвал тэр дор нь цэцгийн мандал, тухлаг жижигхэн сандал, ширээгээр дүүргэдэг.

www.caak.mn (31 фото)


Тайм сквер дээр улаан сандал, ширээ байдаг ажээ.

www.caak.mn (31 фото)


Ийм тухлах газрууд маш олон байдаг.

www.caak.mn (31 фото)


Гейл Архитектс-ийнхан Тайм Сквер-ээр өдөрт 400,000 хүн зорчин гардаг гэсэн тооцоог гаргажээ. Нью-Йоркийн эрх баригчид тиймээс энэ хэсэгт Тайм-Сквер дэхь Бродвейн замын хөдөлгөөнийг түр зогсоож, явган зорчигчдод зориулан сандал, ширээ гаргажээ.

www.caak.mn (31 фото)

 Хэрвээ энэ нийтлэл таалагдсан бол Лондон хотоор аяласан тэмдэглэлийг доорх линкээс хүлээн авч үзээрэй.

~ Лондон хотоор аяласан нь ~


Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()