Скайтелийн “АЯЛАХ ЦАГ” урамшууллын гадаад улсаар аялах анхны хэрэглэгчид тодорлоо

“Скайтел” компанийн “Аялах цаг” урамшууллын эхний долоо хоногийн гадаад улсаар аялах хэрэглэгчид тодорлоо. Тус компани өнгөрсөн долоо хоногоос эхлэн урьдчилсан төлбөрт үйлчилгээний хэрэглэгчдэдээ зориулан долоо хоног тутам 4 тивийн 16 орноор аялах боломжийг олгож “Аялах цаг” урамшууллаа эхлүүлээд байгаа юм. Уг урамшууллаар өдөр бүр 80 хэрэглэгч онцгой урамшууллын эзэн болох бол 7 хоног бүр 2 хэрэглэгч гадаадад аялах эрхийн эзэн болох юм.
Скайтелийн “АЯЛАХ ЦАГ” урамшууллын гадаад улсаар аялах анхны хэрэглэгчид тодорлоо
Датагаа бэлэглэ, зээл!
Хаах
Сурталчилгаа


Өнгөрсөн баасан гарагт гадаад улсаар аялах эхний 2 хэрэглэгч тодорч эхний хэрэглэгч болох Улаанбаатар хотын иргэн Х.Ариунзаяа Европын томоохон улсууд болох Франц, Швейцари, Итали, Турк гэсэн улсуудаар нийт 13 өдөр аялах эрх, хоёр дах хэрэглэгч болох Дорнод аймгийн иргэн Д.Мажиг БНСУлсын Сөүл, Жежү арлаар нийт 6 өдөр аялах эрхээ тус тус гардан авлаа.



Гэртээ хүүхдээ асарч байгаа эмэгтэй, сумын төвийн малчин эмэгтэйд гадаадад аялах бодол болоод боломж тэр бүр тохиохгүй. Тэгвэл “Хүүхдийн баяр”, Олон улсын эх, хүүхдийн эрхийг хамгаалах өдөртэй зэрэгцэн хоёр эмэгтэй “Аялах цаг” урамшууллын эзэд болсон байна. Цэнэглэлтээ хийгээд хэрэглээгээ хангахын зэрэгцээ олон улсаар аялж өөртөө шинэ ертөнцийг нээх боломжийн эзэд болсон “Аялах цаг” урамшууллын хоёр азтантай ярилцлаа.

Улаанбаатар хотын иргэн Х.Ариунзаяа:
-Скайтелийн “Аялах цаг” урамшууллын азтан болсонд баяр хүргэе!
-Баярлалаа.
-Скайтелийн хэрэглэгч болоод хэдэн жил болж байгаа вэ?
-Миний хувьд Скайтелийг маш олон жил хэрэглэж байгаа. Намайг азтан болгосон энэ дугаараа аваад таван жил болж байна.
-Таны хувьд Европын дөрвөн орноор 13 өдөр аялахаар болсон байна. Сэтгэгдлээсээ хуваалцаач?
-Би 06-р сарын 25-наас 07-р сарын 07-ны өдөр хүртэл Франц, Швейцарь, Итали, Туркээр нийт 13 өдөр аялна. Үзэх юм ихтэй, сайхан аялал болно гэж бодож байна. Луврын музей, Парисын дарь эхийн сүм гээд дандаа гоё газруудаар аялах юм билээ. Өмнө нь энэ улсуудаа телевизээр үзээд очиж үзэх юмсан гэж боддог байсан бол одоо өөрийн биеэр очих боломжийг олгосон Скайтел компанид үнэхээр баярлалаа гэж хэлье. Хэрэглээгээ хангаж нэгжийн цэнэглэлтээ хийгээд л аялах боломжтой болж өөрийгөө азтай хүн гэж мэдрэх сайхан байна.



-Анх урамшууллын талаар хаанаас мэдэж авсан бэ?
-Найз маань урамшуулалд оролцоод 500 Mb дата эрх хожсон гэж байсан. Түүний дараа утсанд минь урамшууллын талаархи мессеж ирсэн. Яг тэр үед би утсаа 15000 төгрөгийн картаар цэнэглэж таарсан юм. Скайтелийн сайт руу гар утаснаасаа үнэгүй ордог болохоор цэнэглэчихээд л шууд урамшуулалд бүртгүүлсэн. Бүртгүүлээд гурван удаа тоглох эрхтэй болсон. Эрхээрээ нийт 100 смайлаас 20 удаа смайл сонгох байсан юм. Эхний 2 тоглох эрх маань тийм ч амжилттай болоогүй. Харин 3 дах тоглох эрхээрээ 9 гадаадад аялах эрх сонгочихсон байж байтал хамгийн сүүлийн сонголтоор “аялах эрх” гэдэг смайл гараад ирэхэд нь маш их баярласан.

Лхагва гаригийн оройноос хойш баасан гаригийн 18.00 цаг хүртэл гар утсаараа тоглоомын явцын мэдээг тогтмол шалган тэсэн ядан хүлээж байсан. Тэгтэл яг 18.00 цагт утас дуугарахад азтан болсноо шууд л мэдсэн дээ. Ер нь бол азтан болчих болов уу гэсэн хүлээлт их байсан. Гол нь тоглоомын явцын мэдээлэл шууд www.skytel.mn сайтад байршиж байсан учир бодитой, шударга санагдаж байсан. Долоо хоног бүр азтан шалгаруулж байгаа учраас бидний хувьд цэнэглэлт хийгээд л дахиад ч азтан болох боломжтой.



Азтан Дорнод аймгийн Сэргэлэн сумын малчин Д.Мажигийн охин Х.Гармаа
-Юун түрүүнд азтан болсонд тань баяр хүргэе.
-Баярлалаа. Энэ урамшууллын азтан нь миний ээж болсон юм. Ээж минь Дорнод аймгийн Сэргэлэнд суманд амьдардаг. Холоос ирэх боломжгүй байсан учраас би өнөөдөр төлөөлөн ирлээ.
-Ээж тань Скайтелийн хэрэглэгч болоод хэр удаж байгаа вэ?
-Ээж маань Скайтелийн хэрэглэгч болоод арваад жил болж байна. Анх суманд Скайтелийн сүлжээ орсон цагаас л Скайтелийн хэрэглэгч болсон. Миний хувьд ч бас Скайтелийн хэрэглэгч болоод нэлээд хэдэн жил болж байна.
-Анх урамшууллын тухай хаанаас дуулсан бэ?
-Би ээждээ ийм урамшуулал зарласан тухай хэлж байсан юм. Дараа нь сумын гэрээт борлуулагчаас бас энэ тухай дуулсан юм билээ. Ээж минь 247 үйлчилгээгээр байнга цэнэглэлт хийдэг. Тэгээд нэг цэнэглэнгээ урамшуулалд нь ороод үзье гэж шийдсэн юм билээ. Урамшуулалд оролцохдоо 20 смайл сонгох ёстой. Гэтэл ээж минь хамгийн эхний тоглоомын эрхээрээ нээхдээ л гадаадад аялах эрх хамгийн олныг сонгосон юм билээ. Нэг удаагийн оролдлогоор л аяллын эрх хожихоор өрсөлдөөд ялагч болсон доо.



-Ээжийн тань хувьд анх удаа гадаад руу аялах гэж байгаа юу?
-Ээж минь тодорхой шалтгааны улмаас аялах боломжгүй байгаа. Тиймээс ээжийн азын сугалаагаар би явахаар болж байгаа. Миний хувьд анх удаа Солонгос руу аялах болсондоо маш баяртай байгаа. Скайтел компани азтан хэрэглэгчиддээ уян хатан боломж олгож, аялах эрхээ шилжүүлэх боломж олгосонд нь талархаж байна.
-Өөрийн тань хувьд аль улс руу ямар хугацаагаар аялахаар байгаа вэ?
-Аяллын хөтөлбөр бэлэн болчихсон, сая бидэнд харууллаа. Миний хувьд БНСУ-ын Сөүл, Чежү арлаар нийт зургаан өдөр аялах юм байна. Өндөр хөгжилтэй хот, аялал жуулчлал хөгжсөн арлыг нэгэн зэрэг үзэх болсондоо үнэхээр баяртай байна. “Гурван марал од” киноны зураг авсан газрууд болон эзэн хааны ордон, Чежү арал гээд олон сайхан газраар явахаа сая хөтөлбөрөөс хараад бүр ч их сэтгэл догдоллоо. Аялал жуулчлалын хамгийн тохиромжтой, сайхан цагаар аялах болсондоо тун баяртай байгаа шүү.


“Аялах цаг” урамшууллын эхний долоо хоногийн гадаад улсаар аялах болсон 2 хэрэглэгчдийн аялалд амжилт хүсье. Дашрамд дуулгахад дараагийн долоо хоногт 560 хэрэглэгч онцгой урамшууллын эзэн болж дахин 2 хэрэглэгч Япон болон Австрали улсаар аялах эрхийн эзэн болох юм байна. 

Дэлгэрэнгүй мэдээллийг www.skytel.mn хаягаар болон Скайтелийн лавлах утас 1515-аас аваарай.

Сэтгэгдэл

Уучлаарай энэ мэдээнд oдоогоор
сэтгэгдэл бичих боломжгүй байна.