Хувцсаа угаахдаа бид ямар алдаа гаргадаг вэ?

Та хувцсаа хэрхэн угаадаг вэ? Ямар ч дараалалгүй шууд л бүгдийг нь аваачаад угаалгын машиндаа хийчихдэг юм биш биз? Бүхий л зүйлс дэс дараалалтай байдгийн адил хувцас угаахад ч мөн мөрдөх ёстой дүрэм, журам гэж байдаг юм шүү. Ингээд та бүхэндээ хүмүүсийн хувцсаа угаахдаа гаргадаг түгээмэл алдаа болон үүнтэй холбоотой зөвлөгөө мэдээллийг хүргэж байна. 

Хувцсаа угаахдаа бид ямар алдаа гаргадаг вэ?
Wi-Fi төхөөрөмж шинэчлэгдлээ!
Хаах
Сурталчилгаа

1 Толбоо зүлгэдэггүй

Бид хувцас угаахдаа анзааралгүй шууд л угаалгын машинд хийж орхидог. Харин гаргаад дэлгэх гэтэл толбо нь арилаагүй хэвээр байх тохиолдол гардаг билээ. Харин та няхуур хандаж, толботой хэсгийг угаалгын нунтагтай усанд хийж, гараарай сайн үрж, угаагаарай. Ингэснээр толбо арилах эсвэл бүдгэрэх бөгөөд үүний дараа угаалгын машинд хийж эргүүлснээр таны хувцас цоо шинэ мэт гялалзах болно.

Толбоо зүлгэдэггүй

2 Хэт их угаалгын нунтаг хэрэглэдэг

Угаалгын нунтаг их хийх тусмаа илүү өнгө орно гэж бид буруу ойлгож явдаг. Харин ч эсрэгээрээ таны хувцасны өнгийг алдуулж, шарлуулах магадлалтай байдаг юм шүү. Иймд тааруулж байх нь зүйтэй бөгөөд та өөрийн хэрэглэж байгаа угаалгын нунтагаа багасгаад үзээрэй. Мэдэгдэхүйц үр дүн гарах болно. 

Хэт их угаалгын нунтаг хэрэглэдэг

3 Угаалгын машинаа буруу ашигладаг

Хэрэв та хагас автомат угаалгын машин ашигладаг бол анхаарлаа нааш нь хандуулаарай. Хүмүүс ихэвчлэн угаалгын машиндаа усаа хийгээд, угаалгын нунтагаа нэмээд харин хамгийн сүүлд хувцасаа хийдэг. Гэхдээ энэ нь буруу юм. Харин эхлээд хувцсаа хийгээд, усаа нэмээд, сүүлд нь угаалгын нунтагаа хийж заншаарай. Ингэснээр таны хувцас илүү сайн өнгө орохоос гадна эдэлгээ нь ч уртасдаг юм.

Угаалгын машинаа буруу ашигладаг

4 Хувцсаа зөвхөн өнгөөр нь ялгаж угаадаг

Мэдээж хувцсаа өнгөөр ялгаж угаах нь зөв л дөө. Гэхдээ хувцасны онцлогоос хамаарч, усны халуун хүйтнийг тааруулж хэвшээрэй. Ноосон материалтай хувцсыг халуун усаар угаавал агшиж, өмсөх аргагүй болдог бол цусны толботой хувцсыг хүйтэн усанд угаавал илүү үр дүнтэй байдаг. 

Хувцсаа зөвхөн өнгөөр нь ялгаж угаадаг

5 Өмдний цахилгаан татдаггүй

Бид анзааргагүй, хайнга байдал гаргаж, өмдний цахилгааныг таталгүй угаадаг. Ингэснээр цахилгаан нь гацах, эвдрэх магадлал өндөртэй. Иймд өмдний цахилгааныг татаж, товчийг нь товчлоод угааж байвал зохилтой.

Өмдний цахилгаан татдаггүй

6 Цамцаа товчилж угаадаг

Энэ нь зөв мэт санагдах боловч тийм ч гайхалтай санаа биш. Учир нь таны цамц сайн өнгө орохгүйгээс гадна товчнууд нь тасарч унах магадлалтай байдаг. Харин бүх товчыг нь тайлж угаавал илүүтэй сайн угаагдаж, өнгө ордог байна. 

Цамцаа товчилж угаадаг

7 Цайруулагч ихээр ашигладаг

Хэрэв та юм угаахдаа цайруулагч хийх гэж байвал түр азна. Энэ нь хувцасны толбыг арилгах, өнгийг сэргээх үйлчилгээтэй боловч хэт ихээр хэрэглэх нь хувцсыг хэт цайруулж, төрөлх өнгийг нь үхүүлэх, материалыг нимгэлж, эдэлгээг богиносгох сөрөг талтай. Харин үүний оронд та ахуйн нөхцөлд нимбэг, давс ашиглан, толбыг арилгах боломжтой юм шүү. Лимоноо нимгэн зүсч усанд хийгээд үүндээ толботой хувцаснуудаа хийж байлгаарай.

Цайруулагч ихээр ашигладаг

8 Шинэ хувцсаа өмсөхөөсөө өмнө угаадаггүй

Бид шинэ хувцас аваад шууд л өмсөж орхидог. Гэвч энэ нь буруу юм шүү. Тэдгээр нь зарим нэг химийн бодисоор ариутгагдсан байдаг тул таны арьсыг гэмтээж харшил өгөх магадлалтай. Мөн та шинээр авсан хувцсаа хүйтэн усанд угааснаар эдэлгээ нь уртасч, өнгө нь тогтворжихоос гадна бөөстөхөөс сэргийлдэг юм шүү.

Шинэ хувцсаа өмсөхөөсөө өмнө угаадаггүй

9 Толбо тогтвол тэр дор нь шууд цэвэрлэдэггүй

Толботой хувцсыг цэвэрлэх нь бидэнд тулгамддаг томоохон асуудлыг нэг билээ. Үүнээс болж хамаг цаг, мөнгөө барах тохиолдол ч бий. Харин та толбо болмогц шууд угааж цэвэрлэх нь илүү үр дүнтэй гэдгийг мэдэх үү? Ямар ч толбо шинэ дээрээ дорхноо арилдаг юм.

Толбо тогтвол тэр дор нь шууд цэвэрлэдэггүй

10 Оймсоо угаах

Та оймсоо угаалгын машинаар угаахдаа хамгийн доор нь хийж өгөөрэй. Ингэснээр илүүтэй сайн угаагдаж, өнгөр болон хир нь арилдаг. Гэхдээ оймсыг гараар үрж угаавал илүү өнгө орж, шинэхэн харагддаг гэдгийг ч мөн сануулъя.

Оймсоо угаах

11 Угаалгын машинаа байршуулах

Танай угаалгын машин хаана байдаг вэ? Мэдээж угаалгын өрөөнд байлгах боловч шууд шалан дээр тавих нь буруу аж. Ингэснээр угаалгын машин чичрэхдээ шалны бат бөх чанарыг бага багаар эвдэж байдаг гэнэ. Харин та үүний оронд угаалгын машиныхаа дор нимгэн мод, тавиур зэргийг ивж өгөөрэй.

Угаалгын машинаа байршуулах

12 Хар хувцсыг буруу угаадаг

Хар хувцас угаахдаа мэдээж цайвар хувцастай угааж болохгүйгээс гадна усны халуун хүйтнийг ч тааруулах ёстой юм. Та хар бараан өнгийн хувцсаа хүйтэн усанд угааж хэвшээрэй. Халуун ус нь хар өнгийн хувцасны өнгийг нь маш хурдан цайруулж, алдагдуулдаг. Мөн хувцсаа агаарт (гэхдээ наранд биш) хатааж өгвөл өнгө нь илүүтэй сэргэж, шинэ мэт гялалзах болно. 

Хар хувцсыг буруу угаадаг

228
таалагдаж байна

23
таалагдахгүй байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()