Аялж яваад ор сураггүй болсон хүмүүсийн аймшигт түүхүүд

Гадны улс орнуудаар аялна гэдэг хүн бүрийн хувьд хамгийн гайхалтай, хөгжилтэй зүйл байдаг. Байгалийн үзэсгэлэнг харан гайхан биширч, орон орны ёс заншилтай танилцана гэдэг завшаантай явдал. Харин азгүй тохиолдлоор аялаж яваад ор сураггүй алга болсон, амиа алдсан хүмүүсийн аймшигт түүхийг энд сийрүүлье. Ингээд мэдээллийн дэлгэрэнгүйг хамтдаа сонирхьё. 

Аялж яваад ор сураггүй болсон хүмүүсийн аймшигт түүхүүд

1 Крис Кремерс (Kris Kremers) болон Лизэйн Фрүүн (Lisanne Froon)

21 болон 22 настай Дани охид урт хугацааны аялалд гарч, Пахамын арлыг 2014 оны 4-р сард зорьсон байна. Найзууд зорьсон газраа очиж, ууланд авирч, дараа нь ойрхон орших нэгэн ой мод руу орсон аж. Гэтэл охид тус өдрөөс сураггүй алга болж гэр бүлийнхэн нь санаа зовон цагдаад мэдэгдсэн байна. Цагдаа нар ойн гүнээс тэдний эдлэл хэрэгслийг олсон бөгөөд утсаны дуудлагийг харахад 911 буюу түргэн тусламж руу олон удаа залгасан байв. Үүнээс гадна шөнийн 1-4 цагийн хооронд маш олон зураг дарсан байсан боловч харанхуйгаас өөр юу ч харагдаагүй байна. Цагдаа нар эрчимтэй хайсан ч охидыг олж чадаагүй бөгөөд ойн гүнээс олдсон ясны хэлтэрхийнүүдийг охидынх мөн болохыг "DNA"-ээр тогтоосон аж. 

Крис Кремерс (Kris Kremers) болон Лизэйн Фрүүн (Lisanne Froon)

2 Англи аялагч

22 настай Том Биллингс (Tom Billings) гэх Англи залуу аялал, зугаалгад дуртай нэгэн аж. Тэрээр 2013 оны 11-р сарын 25-нд "North Shore" ууланд авирч яваад алга болсон байна. Түүнийг алга болсноос 7 хоногийн дараа хайж эхэлсэн боловч харамсалтай нь олж чадаагүй юм. Цагдаа нар болоод шинжээчид залууг байгалийн гамшигийн улмаас амиа алдсан байж мэднэ хэмээн тодорхойлж эрлээ өндөрлүүлсэн байдаг. 

Англи аялагч

3 Орос хосууд

Юрий Шипулин болон Наталья Герасимова гэх 2 хос 2016 оны 6-р сарын 16-нд Фижи арлаас алга болсон байна. Тэд 2011 онд тус аралд нүүж ирсэн бөгөөд тэнд аз жаргалтай сайн сайхан амьдарч байгаа хэмээн ойр дотны хүмүүстээ ярьдаг байжээ. Тэд хөршүүдтэйгээ сайхан харилцаатай байдаг байсан тул тэднийг алга болмогц олон хүн цагдаа нарын хамт хайлцсан аж. Хайлтын багийнхан болон хөршүүд бүгд арга мухардан эрлээ зогсоогоод байтал тус аралд аялаж явсан хүмүүс түүний толгой, хөл, гар зэргийг далайн эргээс олсон юм. Харин тус биеийн эрхтэнүүд алга болсон хосуудынх болох нь тогтоогдсон билээ. Одоогоор тэднийг хэн ингэж хэрцгийгээр хөнөөсөн болох нь тодорхойгүй байгаа төдийгүй их биеийг нь олоогүй байгаа аж. 

Орос хосууд

4 Элиза Лам (Elisa Lam)

2013 оны 1-р сарын 26-ны өдөр Элиза Лим гэх алга болсон охины цогцос олдсон юм. Угтаа бол тэрээр Лос Анжелес, Санта Круз, Сан Диего, Сан Франциско зэрэг хотуудаар аялах төлөвлөгөө гаргаж, аян замдаа гарчээ. Тэрээр эхлээд Лос Анжелес хотод очин, "Cecil" гэх зочид буудалд байрлан, аялалын зурагнуудаа гэр бүлийнхэндээ хуваалцаж, хаана яваагаа байнга мэдэгдэж байв. Харин охин гэрийнхэндээ тус зочид буудалд нэг сонин хүн байгаа тухай хэлж байсан удаатай бөгөөд удалгүй алга болсон аж. Цагдаа нар буудлыг шалгаж үзэхэд хяналтын камерын бичлэгт Элиза хэн нэгнээс нуугдаж хаалганы ард зогсож байгаа нь харагдсан бөгөөд үүнээс хойш дахин түүний дүрс огт харагдаагүй юм. Тэд охиныг бүтэн 18 өдөр хайж, 19 дэх өдрөө буудлын дээвэр дэх усны саванд живсэн байхыг олжээ. Чухам хэн түүнийг хөнөөсөн болохыг одоо хэр нь олж тогтоож чадаагүй байгаа билээ. 

Элиза Лам (Elisa Lam)

5 Заанд хөнөөлгөсөн эр

Английн аялагч Гарет Кроу (Gareth Crowe) гэгч нь 2016 оны 2-р сард Тайланд улсад заан унаж байгаад амиа алдсан байна. Тэрээр гэр бүлийнхэнтэйгээ амарч явсан бөгөөд заан харан 16 настай охинтойгоо цуг сууж зургаа авахуулахыг хүссэн аж. Гэтэл гэнэт заан уурсаж, ийш тийш үсчиж гарсан төдийгүй охиныг унагаж орхижээ. Харин Гарет уналгүй үлдсэн боловч зааныг дахин нэг тонгочиход унаж, хөлд нь гишгүүлж амиа алдсан юм. Охин нь эмнэлэгт хүргэгдэн эдгэрсэн бөгөөд заан сургагчид талийгаач залууг заанд ямар нэгэн зүйл тарьж, эсвэл бухимдлыг нь төрүүлэх зүйл хийсэн хэмээсэн боловч охин энэ бүхнийг худал гэдгийг мэдэгдсэн байдаг. 

Заанд хөнөөлгөсөн эр

6 Энн Свэней (Anne Swaney)

37 настай Энн гэх бүсгүй 2016 оны 1-р сард Белиз эргийн ойролцоох нэгэн фермээр зочилсон байна. Тэрээр тус газарт 2 дахь удаагаа очсон бөгөөд морь унаж, тус газарт байх нь сайхан байдаг тул хэд хоног саатахаар болжээ. Бүсгүй өглөө эртлэн босч голын эрэг дагуу гүйн, дасгалаа хийхээр явсан боловч эргэж ирэлгүй олон цаг болжээ. Фермийн ажилчид санаа зовж, цагдаад мэдэгдсэн байна. Харин цагдаа нар бүсгүйн цогцсыг дараа өдөр нь олсон бөгөөд маш хэрцгийгээр тамлаж, түүнийг хөнөөсөн байв. Белиз нь дэлхийд гэмт хэргийн төвшингөөр гуравт эрэмбэлэгддэг аж. Хэрэв та гадаад орныг зорихоор зэхэж байгаа бол эхлээд аюулгүй байдлыг нь сайтар судлахыг зөвлөе. 

Энн Свэней (Anne Swaney)

7 Макс Мендоса (Max Mendoza)

АНУ-ын иргэн Макс Мендоса нь 2014 онд Хөлбөмбөгийн дэлхийн аварга шалгаруулах тэмцээнийг үзэж сонирхохоор 2 найзынхаа хамтаар Бразил улсыг зорьсон байна.  Тэрээр тэмцээнээ дуусгаад найзуудынхаа хамтаар ууланд авирч яваад төөрч алга болжээ.  Цагдаа нар эрчимтэй хайсны эцэст залуугийн цогцсыг олсон байна. Тэрээр хүмүүсийн дунд нэр хүнд сайтай, чадварлаг нэгэн байсан тул түүний араас олон хүн гашуудсан байдаг билээ. 

Макс Мендоса (Max Mendoza)

8 Дэнис Пикка Тхием (Denise Pikka Thiem)

Тэрээр 2015 оны 4-р сарын 5-нд алга болсон юм. Бүсгүй ажлаасаа чөлөө аван олон сарын турш улс орнуудаар аяласан байна. Тэрээр Европын орнуудыг зорин явахдаа газрын зургаар баримжаа аван алхаж явжээ. Гэтэл түүний араас нэгэн эр дагаж явсаар ойн гүнд аваачин хөнөөж алсан аж. Бүсгүйн гэр бүлийнхэн холбоо барихгүй удсан Дэнисд санаа зовж цагдаад мэдэгдсэн бөгөөд цагдаа нар түүнийг цогцсыг олж, алуурчинг ч мөн баривчилсан байна. 

Дэнис Пикка Тхием (Denise Pikka Thiem)

9 Филиппинд аялаж явсан Канадын жуулчид амиа насаа алдсан нь

2015 оны 9 дүгээр сард Филиппинд аялаж явсан Канадын жуулчид болох Жон Ридсдел (John Ridsdel) болон Роберт Холл (Robert Hall) нар Исламын "Абу Саяяаф"-ын босогчдод олзлогджээ. Тэд Самалын арлуудаар аялаж явж байсан юм. Филиппины босогчдын армийн удирдагч Алберто Кабер хэлэхдээ "Бидний эрхэм зорилго гаднынхныг барих юм" хэмээн хэлж байсан бөгөөд жуулчдын амь насыг аврахын тулд Канадын болон Филиппиний засгийн газрууд болон Филиппиний олны танил эрхмүүд террорист алан хядагч нартай ярилцахыг хүссэн ч амжилтанд хүрээгүй аж. Улмаар 2016 оны 4 дүгээр сард Ридсдел, харин 6 дугаар сард Холл нар амь насаа алдсан болохыг Канадын засгийн газраас мэдэгсдэн байна.

Филиппинд аялаж явсан Канадын жуулчид амиа насаа алдсан нь

10 Гадаадад амь насаа алдсан америк оюутнууд

Гадаадад мэргэжил дээшлүүлэн суралцах нь нэг талаасаа ашигтай ч, нөгөө талаасаа аюултай байдаг байна. Үүний нэг жишээ нь Бо Соломон (Beau Solomon) гэх залуу Жон Кабот (John Cabot)-ийн их сургуульд суралцахаар Италийн алдарт Ром хот руу зорьжээ. 2016 оны 7 дугаар сард тэрээр Ромд ирээд удаагүй байсан бөгөөд төд удалгүй алга болсон байна. Харин түүний алга болсноос хойш 3 хоногийн дараа "Тибер"-ийн мөрнөөс түүний цогцсыг олжээ. 

Гадаадад амь насаа алдсан америк оюутнууд

11 "DIsneyland"-д матарны хоол болсон хүү

2016 оны 6 дугаар сард дэлхийн алдарт "DIsneyland" парк хэвлэл мэдээллийн гол бай болоод байсан билээ. Энэ нь 2 настай Небраска (Nebraska) мужийн Лэйн Грэйвс (Lane Graves) гэх хүүгийн золгүй үхэлтэй холбоотой аж. Хүү усан сангийн орчим зогсож байх үед гэнэт уснаас матар гарч ирж, түүнийг ус руу авч орсон ажээ. Хүүгийн аав чадах чинээгээрээ тэмцэлдсэн ч, амжилтыг эс олсон юм. Усан сангийн ойролцоо аюулаас урьдчилан сэргийлэх үүднээс "Энд аюултай", "Матрыг хооллох хэрэггүй", "Зайгаа барь" гэх мэт тэмдэглээнүүдийг тавьсан байсан ч хүүгийн гэр бүлийнхэн анзаараагүй байжээ. 

"DIsneyland"-д матарны хоол болсон хүү

12 Ор сураггүй алга болсон Мэдлин МакКенн (Madeleine McCann) охин

2007 оны 5-р сард Мэдлин МакКенн гэх охин гэр бүлийнхээ хамтаар Португалийн Праяа да Луз (Praia da Luz)-д аялаж явсан бөгөөд амарч байсан байшингийнхаа хажуугаас ор сураггүй алга болсон байна. Түүнийг алга болсноос хойш чухам яаж алга болсон талаар олон таамаг дэвшүүлж байв. Гэрийнхэн нь түүнийг 19:00 цагт оронд нь оруулж, 20:30 цагийн үед найзуудтайгаа гэрээсээ тун холгүй орших "Тапас" зоогийн газар уулзах ажилтай байсан учир орхиод явжээ.

30 минутын зайтай охиныг очиж шалгаж, аюулгүй байгаа эсэхийг нь мэднэ гэсэн бодолтой явсан бөгөөд 21:00 цагийн үед шалгахад гэртээ аюулгүй байжээ. Харин 21:30 цагийн үед тэдний найз доктор Мэттью Олдфид (Matthew Oldfied) шалгахаар очихд охины өрөөний гэрэл асаалттай байсан бөгөөд унтлагынх нь өрөөний хаалга онгорхой байсан ч, охин орон дотроо унтаж байжээ. Харин 22:00 цагт түүний ээж нь шалгах үеэр хаалга өмнөхөөсөө илүү том онгойсон байснаас гадна өрөөнийх нь цонх нь онгойсон байдалтай охин алга болсон байжээ.

Ор сураггүй алга болсон Мэдлин МакКенн (Madeleine McCann) охин

39
таалагдаж байна

186
таалагдахгүй байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()