“Prius” машин унадаг хүн бүрийн заавал мэдэх зүйлс

2016-11-06, 14:51
94,393

Бид энэ удаад “Toyota Prius” машин унадаг жолооч нартаа зориулж маш хэрэгтэй мэдээллийг бэлтгэлээ. “Toyota Prius” машинд (ECO, Normal, PWR, EV) гэсэн 4 горим байдаг бөгөөд энэхүү 4 горимын талаар яг тодорхой нөхцөл, зам дээр тухайн горимыг нь тавьж явах ёстой гэсэн заалт байдаггүй. Гэхдээ эдгээр нь машины хааз гишгэхэд хөдөлгүүрийн үзүүлэх хариу үйлдлийг хурдан эсвэл удаан болгон тохируулдаг байна.

“Prius” машин унадаг хүн бүрийн заавал мэдэх зүйлс
Киногоо үзээд бэлгээ аваарай!
Хаах
Сурталчилгаа

Тухайлбал: ECO горимд хааз гишгэхэд үзүүлэх хариу үйлдэл багасдаг бөгөөд энэ нь шулуун замаас илүү ойр ойрхон зогсож, хөдөлдөг хот дотор илүү тохиромжтой байдаг.

 

Горим тус бүрийн хэрхэн ажилладаг талаар тус тусад нь авч үзье:

  • ECO горим: хааз гишгэх үеийн хариу үйлдлийг багасгаж өгдөг. Ингэснээр машины бүхий л системүүдийн ажиллагааг мөн зохицуулдаг.  Энэ үед дотоод шаталтад хөдөлгүүрийн ажиллагаа дагаж буурдаг. Мөн A/C болон паарны функцыг шатахуун зарцуулалттай уялдуулан зохицуулдаг бөгөөд салоны температурыг тогтмол барих үүднээс паарны ажиллагааг тодорхой түвшинд барьж хязгаарладаг. Жишээ нь: Өвөл паарны сэнсний хурдыг багасгаж, салхилах хэмжээнд очтол бууруулдаг. Харин зуны халуунд агаар сэлгэх ажиллагааг дотроос авч А/С компрессорын ачааллыг бууруулснаар шатахуун зарцуулалтыг хэмнэдэг байна. Дээрх зүйлс нь зөвхөн агааржуулагчийн AUTO горим идэвхтэй үед хамаарна.

 

  • Normal горим: ECO болон PWR горимын гэрэл асаагүй үед энэхүү горим явж байна гэсэн үг юм. Ажиллагааны үед хаазны ажиллагаа моторын эргэлттэй шууд хамааралтай ажилладаг. Паар A/C-ны системд ямар ч өөрчлөлт ордоггүй.

 

  • PWR горим: Хааз илүү мэдрэг болж ирдэг бөгөөд хариу үйлдэл үзүүлэх нь түргэсдэг. Хаазны гишгүүрийг дахин гишгэхэд бензин мотор илүү үүрэгтэйгээр чадлыг гаргадаг.

 

  • EV-only горим: Өндөр чадлын батарейн нөхцөлөөс хамаарч гаргаж болох боломжит түвшин хүртэл цахилгаан моторыг ажиллуулдаг. Харин бусад 3 горимын хувьд бензин мотор нь хаазнаас их бага өгөхөөс хамаарч ажиллаж байдаг. Хэрэв EV горим идэвхтэй, PWR горим залгаатай бол хурд авалт түргэсдэг боловч эсрэгээрээ баттерейны цэнэгийг хурдан дуусгадаг.
    Учир нь PWR горим дээр хүчтэй хурдасгах үүднээс илүү их цахилгаан шаарддаг. EV горим нь баттерейны дүүргэлтээс хамаарч тодорхой зайг л туулах боломжтой учир бусад 3-аасаа сул талтай. Бүтэн цэнэгтэй үед дээрх 2-ийг хамтад нь ашиглахад 2 км зайг л туулах боломжтой байдаг.

Энгийн, ECO, PWR гэсэн гурван горим нь адил хэмжээний хүчийг гаргадаг. Энэ нь зөвхөн хаазан дээр хэр хүчтэй гишгэхээс л хамаардаг бөгөөд тогтмол хурдтай явж байх үед автомашины хүчин чадалд нөлөөлөхгүй. Харин паар, AC зэргийн ажиллагаа горим бүр дээр өөр учир ECO горим дээр шатахуун зарцуулалт арай бага байх боломжтой.

 

Шатахуун зарцуулалтын хувьд дээрх 3 горим хоорондоо бараг ялгаагүй байдаг.

Учир нь шатахуун зарцуулалтын дийлэнх хувь нь жолоочийн гишгэлт, ур чадвар, замын нөхцөл байдал, түгжрэл, дулаан зэргээс ихээхэн хамаарна. Аль нэг горим дээр байнга явах нь автомашины насжилт, явдал зэрэгт нөлөөлнө гэсэн ямар нэгэн туршилт тест байдаггүй. 

  • Харин жолооч та хааз хүчтэй өгдөг бөгөөд байн байн зогсож, хөдөлдөг хотын замд явдаг бол ECO горим нь шатахуун зарцуулалтад хэмнэлт авчрах боломжтой.
  • Харин та хаазаа зөөлөн өгч явдаг бол ЭНГИЙН горим нь хөдөлгөөн багатай хот хоорондын замд, хурдны зам зэрэгт шатахуун зарцуулалтыг бий болгож чадна.
  • PWR горимын хувьд хааз өгөхөд огцом хурдаа авч хурдлуулах боловч бензин хөдөлгүүрийг илүүтэйгээр ажиллуулах учир шатахуун зарцуулалтыг нэмэгдүүлж болзошгүй.

Эх сурвалж: www.cardoctor.mn

 

 

92
таалагдаж байна

23
таалагдахгүй байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()