Фэйсбүүк дээрх бидний мэдэхгүй 10 тохиргоо

Өнөөдөр фэйсбүүк ашигладаггүй хүн гэж бараг байхгүй биз ээ. Бидний өдөр тутмын амьдралын салшгүй нэг хэсэг болоод байгаа фэйсбүүк дээрх хүмүүсийн төдийлэн сайн мэддэггүй чухал тохиргоонуудыг танд хүргэхээр бэлтгэлээ. Та эдгээр тохиргоонуудыг мэдэж авснаар фэйсбүүкийг илүү хялбараас гадна бүрэн утгаар нь ашиглах боломжтой юм.

Фэйсбүүк дээрх бидний мэдэхгүй 10 тохиргоо
Киногоо үзээд бэлгээ аваарай!
Хаах
Сурталчилгаа

1 Нуугдсан мессэжийг унших

Мессеж хэсэг рүү ороход танд 2 сонголт гарч ирдэг. Нэг нь таны фэйсбүүк найзуудын илгээсэн зурвас, нөгөө нь фэйсбүүк хуудсаар найз биш хүмүүсийн явуулсан зурвас байдаг. Хэрэглэгчид 2 дахь сонголт буюу фэйсбүүкээр найз биш хүмүүсээс ирсэн зурвасыг анзааралгүй орхих нь элбэг байдаг. Үүнээс хойш та "Message Requests" буюу найз биш хүмүүсээс зурвас ирсэн эсэхийг тогтмол шалгаж байгаарай. Магадгүй тань руу чухал, хэрэгтэй зүйлс бичсэн байж ч болно шүү дээ. 

Нуугдсан мессэжийг унших

2 Хаана, хэзээ, юугаар фэйсбүүкт нэвтэрснээ шалгах

Хэрвээ та хаана, хэзээ, юугаар фэйсбүүкт нэвтэрснээ мэдэх шаардлагатай болвол гарахад ашигладаг цэс рүү нэвтэрч "Settings" хэсэг рүү орно. Дараа нь "Security"-д нэвтрээд, "Where you're logged in" гэх хэсэгт орж, хамгийн сүүлд хэзээ, хаана фэйсбүүкт орсноо шалгаж, мэдэх боломжтой юм. 

Хаана, хэзээ, юугаар фэйсбүүкт нэвтэрснээ шалгах

3 Нууцлалыг өндөржүүлэх

Сүүлийн үед бусдын фэйсбүүкээр нэвтэрч элдэв хачин зүйлс бичиж, нэр хүндийг нь унагаах явдал ихсэж байгаа тул танд нууцлалыг улам өндөржүүлэх аргыг зааж өгье. Өмнө нэвтэрсэн "Security" цэснээс "Login Approvals"-ийг сонгож, санал болгосон хэсгийг зөвшөөрч, кодоо аваарай. Ингэснээр та өөр хөтөч, утас зэргээр фэйсбүүкт нэвтрэхдээ ашиглах хэний ч мэдэхгүй нууц кодтой болох аж. 

Нууцлалыг өндөржүүлэх

4 Итгэл даах найзыгаа сонгох

Фэйсбүүкийн хаягаа огтхон ч ашиглах боломжгүй болсон үед хаягийг тань хариуцаж, хаалгах итгэл даасан хүн хэрэгтэй болдог. Үүний тулд та "Security" цэснээс "Your trusted contacts" хэсгийг сонгож, зааврын дагуу идэвхжүүлээрэй. 

Итгэл даах найзыгаа сонгох

5 Өнгөрснөө эргэн санах

Заримдаа та гэнэт л өнгөрсөнд болсон гайхалтай дурсамжуудаа эргэн санахыг хүсдэггүй гэж үү? Тийм бол дотны найзынхаа фэйсбүүк хуудас руу нэвтэрч, мессежний хажуу талд байрлах цэс рүү нэвтэрч, "See Friendship" хэсгийг сонгоорой. Ингэснээр та найзтайгаа өнгөрүүлсэн хөгжилтэй цаг хугацаа, хамт авахуулсан зураг гэхчлэн бүгдийг нэг дороос харах боломжтой юм. 

Өнгөрснөө эргэн санах

6 Урьд өмнө юу хийж байснаа шалгах

Та урьд өмнө нь фэйсбүүкээ хэрхэн ашиглаж, юу хийсэн гэхчлэн алхам бүрээ шалгахыг хүсч байвал өөрийн хуудсанд байрлах "view activity log" хэсэг дээр дарахад хангалттай. 

Урьд өмнө юу хийж байснаа шалгах

7 Найз биш хүмүүс харагдахгүй байх

Зарим хэрэглэгчдийн фэйсбүүк хуудас нь найз биш хүмүүс лайк дарах, зургийг үзэх, постыг нь унших боломжгүй болгож тохиргоо хийсэн байдаг. Харин та ч мөн адил өөрийн хаягаа зөвхөн найзуудын хүрээнд нээлттэй байлгахыг хүсч байвал өөрийн хаяг руугаа орж, хамгийн баруун хэсэгт байрлах хэсэг рүү нэвтэрч "view as" гэх цэсийг сонгоорой. 

Найз биш хүмүүс харагдахгүй байх

8 Дүрсээ харж ярих

Фэйсбүүк зөвхөн хоорондоо зурвасаар харилцах бус дүрсээ харж ярих боломжийг ч давхар олгодог. Та зурвасаар харилцаж байгаа хүнийхээ чатны дээд хэсэгт харагдах камерны зураг дээр дарж, дүрсээ харан ярилцах боломжтой.

Дүрсээ харж ярих

9 Зөвхөн харахыг хүссэн постоо үзэх

Хэрэв танд хэн нэгний бичдэг нийтлэл, хуваалцдаг зураг үнэхээр их таалагдаж, тэдгээрийг нь цаг алдалгүй харахыг хүсдэг бол бүх постыг нь хамгийн түрүүнд харж байх тохиргоо гэж байдаг. Та тухайн хүнийхээ хуудас руу нэвтэрч, "following" хэсгийн "see first" болон "friends" хэсгийн "close friends"-ийг сонгоорой. Ингэснээр тухайн хүний фэйсбүүкт хийсэн үйлдэл бүр таны нүдний өмнө ил болох болно.

Зөвхөн харахыг хүссэн постоо үзэх

10 Пост хадгалах

Фэйсбүүкт танд хэрэг болох мэдээлэл үргэлж хөвөрч, шинэчлэгдэж явдаг. Харин та тэр дундаас өөрт хэрэгтэй зүйлсийг хадгалж авахыг хүсвэл баруун дээр байрлах хэсгийн "save link"-ийг дараарай. Ингэснээр та уг хадгалсан мэдээллээ фэйсбүүкийн үндсэн хуудасны зүүн хэсэгт байрлах "saved" цэс рүү орж харж болно.

Пост хадгалах

Бид фэйсбүүкийг өдөр бүр ашигладаг хэрнээ зарим хэрэгтэй зүйлсийг нь анзааралгүй, мэдэлгүй өнгөрдөг аж. Одоо харин та эдгээр аргуудыг мэдэж авснаар фэйсбүүкийг илүү амар хялбар, өөрт ашигтайгаар хэрэглэх боломжтой болж байгаа юм. Миний хувьд ч гэсэн энэхүү мэдээг бэлтгэж байхдаа олон зүйлийг мэдэж авсандаа олзуурхаж, баярлаж сууснаа нуух юун. Та ч мөн энэхүү хэрэгтэй мэдээллийг найзууддаа хуваалцаж, мэдлэгийн цар хүрээг нь тэлээрэй. 

326
таалагдаж байна

88
таалагдахгүй байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()