Дэглэм барихгүйгээр хэрхэн түргэн хугацаанд турах вэ?

Эмэгтэй хүнийг зөөлхөн зан ааш, сайхан сэтгэл, дулаахан инээмсэглэлээс гадна гоолиг сайхан бие чимдэг. Тиймдээ ч эмэгтэй хүн бүхэн сайхан биетэй болох гэж төрөл бүрийн дэглэм баримталж, хөлсөө урсгаж, хоолоо сойж өөрсдийгөө зовоодог. Харин та заавал хэцүү дэглэм баримталж, хэт өлсөхгүйгээр галбирлаг сайхан биетэй болох боломжтой гэвэл итгэх үү? Бид өнөөдөр та бүхэндээ биеийг галбирлаг, төгс болгох хялбар аргуудыг дуулгахаар бэлтгэлээ. 

Дэглэм барихгүйгээр хэрхэн түргэн хугацаанд турах вэ?
0 ТӨГРӨГ!
Хаах
Сурталчилгаа

1 Бодит зорилго тавих

Ойрын хугацаа болон хэтийн зорилго тавьж, дэвтэр дээрээ томоос том тэмдэглээрэй. Гэхдээ таны зорилго бодит байдал дээр биелж болохуйц байх ёстойг анхаарах хэрэгтэй. Хэзээ ч бүтэхгүй эсвэл хэтэрхий том зорилго тавих нь таны урам зоригийг мохоох аюултай байдаг. Тиймээс ойрын хугацааны зорилгоо тодорхойлж, бага багаар урагшлахыг хичээгээрэй. 

Бодит зорилго тавих

2 Өглөөний цайг өөртөө

"Өглөө хаан шиг хооллож, оройдоо тариачин шиг ид" хэмээх үг байдаг. Тус үгнээс улбаалж, өглөөдөө хамгийн шим тэжээлтэй хоол хүнсийг сонгон хэрэглэж, оройдоо аль болох бага хоолыг идээрэй. Ингэснээр хоол боловсруулах системийг дэмжиж, таныг эрүүлээр тураах болно. 

Өглөөний цайг өөртөө

3 Их хэмжээний ус уух

Бид цангаж, усаар дутагдах үед, хүний биед өлссөн мэдрэмж төрдөг байна. Харин үүнийг нь хүмүүс буруугаар ойлгож, хоол идэж, таргалах нөхцлийг бүрдүүлдэг аж. Та өдөрт их хэмжээний ус ууж, огт цангахгүй байснаар, өлсөх мэдрэмжээс хол байж, хэтрүүлэн идэхгүй байх болно. Хэрэв та өлсөж байгаа мэт санагдвал, 1 аяга ус уугаад үзээрэй. 

Их хэмжээний ус уух

4 Ойр ойрхон багаар идэх

Удаан хоол идэхгүй байснаар маш ихээр өлсөх бөгөөд өлссөний дараа хоол идэхдээ хүн өөрийгөө хянаж чадалгүй хэтрүүлэх нь бий. Энэ нь хоол боловсруулах системд сөрөг нөлөө үзүүлж, таргалах үндэс суурийг тавьдаг байна. Иймд та ойр ойрхон багаар идэж, аль болох өөрийгөө өлсгөхгүй байх хэрэгтэй. 

Ойр ойрхон багаар идэх

5 Хоол хийж сурах

Хүмүүс зөв, эрүүл хооллолтыг амтгүй, уйтгартай гэж ташаа ойлгодог. Хэрвээ та хоол хийж чаддаг нэгэн бол, эрүүл хоолыг хамгийн амттайгаар хийж чадах аж. Энэ нь танд эрч хүчийг бэлэглэж, эрүүл хооллолтоос аз жаргалыг мэдрэх болно. 

Хоол хийж сурах

6 Төлөвлөгөө гаргах

Долоо хоног бүр төлөвлөгөө гаргаж байгаарай. Эхний өдөр ямар хоол идэж, хэр их дасгал хийх гэхчлэн, бүхнийг төлөвлөх хэрэгтэй. Хамгийн гол нь төлөвлөгөөгөө мөрдөж, идэвхитэй байх шаардлагатай юм.  Мөн таны гаргаж байгаа төлөвлөгөө уйтгартай, нэгэн хэвийн байх ёсгүйг анхаараарай. 

Төлөвлөгөө гаргах

7 Өөрийгөө шагнах

Үргэлж бүхнээс татгалзаж, өөрийгөө хорих нь тийм ч сайхан санаа биш юм. Үнэхээр амттан идмээр санагдаж байвал, багаханыг идэж хорхойгоо дарах хэрэгтэй. Эсрэгээрээ өөрийгөө хорьсоноор, бухимдаж, улам их жин нэмэх нөхцөл бүрдэх нь бий. 

Өөрийгөө шагнах

8 Иддэг хоолны хэмжээгээ багасгах

Иддэг хоолны хэмжээгээ багасгахын тулд тавгаа сольж, жижиг болгох хэрэгтэй. Одооноос тус тавгандаа хоол идсэнээр, та хамаагүй бага хэмжээтэй хоол идэж, жингээ барьж чадна.

Иддэг хоолны хэмжээгээ багасгах

9 Өөрийгөө хэт хүчлэх хэрэггүй

Би заавал энэ өмдийг өмсдөг болно хэмээн зорилго тавих нь зөв боловч өөрийгөө байнга хүчилж, сэтгэл санааны тогтворгүй байдалд аваачих нь харин ч таныг таргалуулж байдаг юм. Аль болох тайван, сэтгэл санаагаа өөдрөг байлгаснаар, хурдацтай турж эхэлдэг байна. Таныг таргалуулж буй бас нэгэн шалтгаан бол "стресс" юм. 

Өөрийгөө хэт хүчлэх хэрэггүй

10 Эерэг байх

Бүх зүйлд эерэг хандлагатай байж, бусдад эрч хүчийг бэлэглэж байгаарай. Хичнээн хүнд бэрх зүйл тохиолдож, зүгээр бууж өгмөөр санагдаж байсан ч, хамаг хүчээ дайчилж, зорьсон зорилгодоо заавал хүрээрэй. Өөртөө зорилгоо өдөр бүр сануулж, шүд зуун хичээхэд, хүрч боломгүй амжилт, гарч чадамгүй оргил гэж үгүй билээ. 

Эерэг байх

11 Стрессээс ангижрах

Стресс нь таныг хамгийн ихээр таргалуулдаг зүйлсийн нэг болохыг дээр дурдсан билээ. Иймд хамгийн гол нь та сэтгэл санаагаа тайван байлгаж, бүхнийг эерэг сайхан талаас нь харж байгаарай. Энэ нь таныг турахад томоохон тус хүргэх нь гарцаагүй. Хэрэв үнэхээр бухимдаад, сэтгэл санаагаар унаад байвал, йогоор хичээллэж, бодлоо цэгцлэх боломжтой. 

Стрессээс ангижрах

Үзэсгэлэнтэй бүсгүй танд амжилт хүсье!

Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()