Сурталчилгаа (15)
Хаах

Хилс хэргээр шоронд ороод 27 жилийн дараа цагаатгагджээ

Жон Банн (John Bunn) хэмээх америк эр хийгээгүй хэргийнхээ төлөө 17 жилийн турш шоронд суугаад арван жилийн өмнө суллагдсан аж. Суллагдсаныхаа дараа тэрээр өөрийн буруугүй гэдгийг батлахын тулд уйгагүй хөөцөлдөж, маш олон газрын хаалга татсан аж. Ингээд эцэст нь шүүхээс түүнийг буруугүй гэж батлахад баярласандаа болоод Жон шүүх танхимд мэлмэртэл уйлжээ. 

Хилс хэргээр шоронд ороод 27 жилийн дараа цагаатгагджээ

1

1991 онд Нью-Йоркт цагдаа нар руу халдсан гэмт хэрэг гарчээ. Офицер Роландо буудуулж амь насаа алдаж, харин түрүүч Роберт Кросон хүнд бэртэл авсан гэнэ. Роберт хэргийн цор ганц гэрч байсан бөгөөд Жон болон түүний найзыг уг гэмт хэрэгт буруутгажээ. Тухайн үед Жон ердөө 14-хөн настай байсан аж.

2

Жон 17 жилийн турш шоронд хоригдож, хугацаанаасаа өмнө суллагдсан юм байна. Ингээд шоронгоос суллагдсаныхаа дараа тэрээр өөрийн буруугүй гэдгийг батлахын тулд 10 жил зарцуулжээ. Түүгээр ч зогсохгүй тэрээр хоригдлуудыг хамгаалах холбоо хүртэл байгуулсан байна.

3

Жоны хэргийг 2016 онд дахин нээсэн бөгөөд маш олон үл ойлгогдох зүйл гарч иржээ. Жишээлбэл гэрч халдлага хийсэн хүнийг цагаан арьстан гэж хэлсэн байхад Жон болон түүний найз хар арьстай, хэргийн газраас олдсон хурууны хээ сэжигтний хурууны хээтэй таарахгүй байлаа.

4

Ингээд шүүх Жоныг цагаатгаж, 41 настай залуу шүүх танхимд енгэнэтэл уйлсан байна.

“Би танд баярлалаа гэж хэлмээр байна. Учир нь би 27 жилийн турш өөрийгөө буруугүй гэдгийг батлахыг хичээсэн. Буруу хүнээ хорьж, шоронд суулгасан гэж би та нарт хэлмээр байна” хэмээн Жон өөрийн баярт мөчөөс хуваалцаж, баярласандаа шүүгчийн гараас атгаж ийнхүү уйлсан байна.

“Тухайн үед та 14 настай байсан. Энэ бүх зүйл тохиолдох ёсгүй байжээ” хэмээн шүүгч хэлсэн аж. Жоны найзыг мөн цагаатгаж, буруугүй хэмээсэн байна. Харин цагдаагийн халдлагын талаарх тухайн үеийн гэмт хэргийг дахин судлахаар болжээ.

58
таалагдаж байна

5
таалагдахгүй байна

Сурталчилгаа (15)
Хаах

Сэтгэгдэл (-)

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()