Сурталчилгаа (15)
Хаах

“iPhone”, “Android” хоёрын аль нь илүү вэ?

2018-08-03, 11:40
7,584

XXI зууныг ухаалаг гар утасгүйгээр төсөөлөх аргагүй ээ. Дэлхий даяар хүмүүс товчлууртай утсаа мэдрэгчтэй ухаалаг гар утсаар сольж байна. Харин хэрэглэгчид маш олон сонголт дундаас хамгийн түрүүнд “iPhone” болон “Samsung-Android” утсыг ихэвчлэн сонгодог нь нууц биш билээ. Тэгвэл бид энэ удаа танд уг хоёр гар утасны нэг нь нөгөөгөөсөө ялгарах давуу тал, онцлогийн талаар мэдээлэл бэлтгэлээ. 

“iPhone”, “Android” хоёрын аль нь илүү вэ?

1 “iPhone” нууцлал сайтай

“iPhone” бусад гар утаснаас нууцлалын тал дээр хамаагүй илүү юм. “Android” үйлчлүүлэгчдэдээ төрөл бүрийн  аппликейшнийг утсандаа татах боломж олгодог. Гэхдээ энэ нь маш аюултай бөгөөд утаснаасаа мэдээлэл алдагдах боломжийг бүрдүүлдэг болох нь нотлогдсон.

Харин “Apple” компани хэргэлэгчдэдээ төрөл бүрийн контент татахыг хязгаарладаг байна. Үүний оронд зөвхөн өөрийн гаргасан програмуудыг татах сонголт өгдөг болохоор хэрэглэгчид утаснаасаа мэдээлэл алдах эрсдэлд харьцангуй бага өртдөг юм.

“iPhone” нууцлал сайтай

2 “Android” үргэлж хямд

“Samsung”-ийн бүтээгдэхүүний үнэ нь өрсөлдөгчөөсөө харьцангуй хямд хэрнээ чанар, үйлдлийн систем сайтай байдаг. Тухайлбал, “Samsung Galaxy S9” анх 800 ам.доллар, “iPhone X” 1000 ам.долларын үнэтэй тус тус худалдаанд гарсан. Гэсэн хэдий ч хоёр утас хоёулаа 12 мегапиксел камертай, мөн бичлэгийг 4k хэмжээст авч чаддаг гэдгээрээ ижилхэн аж.

“Android” үргэлж хямд

3 “iPhone” хамгийн сүүлийн үеийн програмтай байдаг

“Samsung”-ийн гар утас барьдаг хэрэглэгчид “Google Play Store”-оос үнэгүй контент татах нь элбэг. Энд байдаг ихэнх програм үнэгүй байдаг. Харин “Apple” хэрэглэгчдэдээ өөрийн гэсэн “дэлгүүр”-ээсээ програмын худалдан авалт хийхийг зөвшөөрдөг ажээ. Иймд програм зохиогчид “Apple”-ийн дэлгүүрээр дамжуулж бүтээгдэхүүнээ борлуулах сонирхолтой байдаг. Тиймээс “iPhone”-ы хэрэглэгчдийн утсанд үргэлж хамгийн сүүлийн үеийн чанартай, үнэтэй програм байхыг та харах болно.

“iPhone” хамгийн сүүлийн үеийн програмтай байдаг

4 “Android”-ын утас илүү багтаамж сайтай

Хэдий “iPhone” 64 гегабайтын санах ойтой ч хэрэглэгч гар утасныхаа багтаамжид баригдаж, хүссэн зүйлээ татаж чаддаггүй. Утсандаа илүү их зүйл багтаахын тулд та утсаа солих юм уу, дараагийн загварыг л авах хэрэгтэй болно. Харин ихэнх “Android” утсанд та ямар ч том хэмжээтэй санах ойн карт хийж болдог. Ингэснээр “Samsung” танд утсаараа олон зүйлийг хийх хязгааргүй эрх чөлөө олгодог. 

“Android”-ын утас илүү багтаамж сайтай

5 “iPhone” хэрэглэгчдээ дээдэлдэг

Хэрвээ таны утсанд ямар нэгэн асуудал, эвдрэл гэмтэл, мэдэхгүй зүйл тохиолдох юм бол та “Apple” компанийн нэрийн дэлгүүр эсвэл хэрэглэгчидтэй харьцах төвд очиход тэд танд чанарын өндөр түвшинд үйлчилгээ үзүүлнэ. Ажилтнууд нь бүтээгдэхүүнийхээ талаар сайн мэдлэгтэй учир утсыг тань засаж чадна. Харин үйлдвэрийн гэмтэлтэй утас байвал ямар ч асуудалгүй шинэ утсаар сольж өгөх үйлчилгээ хүртэл бий.

“iPhone” хэрэглэгчдээ дээдэлдэг

6 “Android” “Google” компанитай сайн харилцаатай

“Google” компаниас гаргасан бүх программ “Android” утсан дээр асуудалгүй ажилладаг. Учир нь тус хоёр компани түншлэлийн харилцаатай юм. Харин “Apple” хэрэглэгчдэдээ зориулж “Google”-ийнхтэй төстэй, ижил үйлдэлтэй програм зохиосон ч төдийлөн амжилт олоогүй юм.

“Android” “Google” компанитай сайн харилцаатай

7 “iPhone” өө сэвгүй загвартай

“Android” үйлдлийн системээрээ илүү хэдий ч загвар, гаднах байдлаараа “iPhone” утсыг гүйцдэггүй. Хээнцэр хэрнээ энгийн загвар нь цаанаа л хүний анхаарлыг татаж худалдан авах хүсэл төрүүлдэг. Мөн хэрэглэгчдэдээ санал болгодог таван төрлийн өнгө нь ч сэтгэл татдаг ажээ.

“iPhone” өө сэвгүй загвартай

8 “Android” утас түгжих олон сонголттой

Бид гар утсандаа бусдад дэлгэхийг хүсээгүй олон нууцаа хадгалдаг. Жишээ нь зураг, илгээмж, хэрэгтэй бичиг баримт гэх мэт. Энэ бүхнийг тань хүн харах вий гэж айдаг бол сэргийлэх ганц арга бол түгжих. “Android” утсыг түгжих олон сонголт бий. Нууц үг, хоолой таниулах, царай таниулах, тоон түгжээ, зурган түгжээ зэргээр та өөрийн мэдээллээ бусдаас хамгаалж чадна.

“Android” утас түгжих олон сонголттой

9 “iPhone” утсаар тоглоом тоглоход тохиромжтой

“Playstation”, “Xbox” зэрэг компаниуд тоглоомын зах зээлийг эзэгнэдэг билээ. Гэхдээ хүн бүр гэртээ эсвэл тоглоомын төвд хүссэн үедээ дуртай тоглоомоо тоглох боломжгүй байдаг. Заримдаа гар утсаараа тоглохыг хүсдэг л биз дээ? Тэгвэл “iPhone” утас гацдаггүй учир тоглоход илүү тохиромжтой аж. Мөн сүүлийн үед чадварлаг тоглоом зохион бүтээгчид бүтээгдэхүүнээ “Apple store”-оор дамжуулан зарж эхэлсэн байна. Үе үе утасны янз бүрийн тоглоом моодонд орж хүмүүс тоглож байгааг анзаардаг л биз дээ? Тэгвэл тэдний ихэнх нь “iPhone” гар утас барьсныг анзаарсан л байх.

“iPhone” утсаар тоглоом тоглоход тохиромжтой

10 “Android” утасны батарей

Утасны батарей нурж, цэнэгээ барихгүй үе үе унтрах тохиолдол элбэг гардаг. Хэрвээ “iPhone” утас цэнгээ барихаа боливол та энэ асуудлыг шийдэхийн тулд зөвхөн шинэ утас авах шаардлагатай. Харин “Samsung”-ийн утасны батарейг салгаж болдог учир хуучныг шинээр сольж дээрх асуудлаас ангижирч болно.

“Android” утасны батарей

11 “iPhone”-ы бүх утас ижил төстэй

Өнгөрсөн олон жилийн турш “Apple” компани маш олон утас шинээр гаргасан. Мэдээж үйлдлийн систем, хурд, чанар, өнгө үзэмж нь өөрчлөгддөг ч тэд бүгд хоорондоо ижил төстэй болохоор та шинийг авсан ч бага зэрэг сайжруулсан хуучин утастайгаа байгаа мэт мэдрэмж төрүүлдэг. Учир нь хуучин гар утаснаасаа бүх хэрэгтэй мэдээллээ шинэ рүүгээ хуулахад ямар ч асуудалгүй байдаг.

Дассан зүйлээсээ холдох маш хэцүү шүү дээ. Олон жил барьсан гар утсаа илүү чанартай болгосон мэт мэдрэмжийг “Apple”-ийн утаснууд төрүүлж чаддаг ажээ.

“iPhone”-ы бүх утас ижил төстэй

12 “Android” танд өргөн сонголт санал болгодог

Олон янзын хэлбэр, загвар, өнгийн төрөл бүрийн утсыг өнгөрөгч жилүүдэд “Samsung” үйлдвэрлэсэн. Хэрэглэгчдэдээ хайрцагнаас гарч сэтгэх, сонгох боломжийг өгч байдгаараа тэдний утас давуу талтай юм. Ингэснээр та хямд үнээр загварлаг хэрнээ сүүлийн үеийн шинэчлэгдсэн үйлдлийн системтэй утас авч чадна.

“Android” танд өргөн сонголт санал болгодог

13 “iPhone” утсаар бичлэг хийхэд хялбар

Шинээр гарсан “iPhone 8, 8+, Х” утаснууд зураг авч, бичлэг хийхдээ “Samsung S9, Galaxy Note 8” утаснуудаас хурдан. Учир нь сүүлийн үеийн “iPhone”-ууд өөртөө орчин үеийн технологийг ашиглан хийсэн “Apple A11” бионик ялтас агуулсан байдаг. Ингэснээр хэрэглэгчид чанарын өндөр түвшинд дуу дүрсний гайхалтай ид шидийг мэдэрч бичлэг хийж чадна.

“iPhone” утсаар бичлэг хийхэд хялбар

14 “Android” утсыг та өөрийн хүссэнээрээ өөрчилж болно

Хэрвээ танд гар утасны дотоод үзэмж таалагдахгүй бол хялбар аргаар тохируулан янзалж болдог. Өөртөө таалагдсан, тохирсон үзэмжийг бий болгосноор та илүү сэтгэл хангалуун байх боломжийг “Samsung” олгожээ. Хэрвээ та “iPhone” утастай бол цаанаас өгөгдсөн өнгө үзэмжид баригдаж, үйлдлийн систем сайжиртал хүлээх шаардлагатай болдог.

“Android” утсыг та өөрийн хүссэнээрээ өөрчилж болно

15 “Apple”- ийн бүтээгдэхүүн хоорондын холбоо

“Apple” компани зөөврийн компьютер, таблет, утас, хөгжим зэрэг бүтээгдэхүүн үйлдвэрлэдэг. Харин эдгээр нь бүгд хоорондоо холбогддог билээ. “Apple” эдгээрийг хооронд нь холбохын тулд “iCloud” хэмээх цахим орон зайн санамжийг бүтээсэн юм. Тиймээс та утас, компьютер хоёроо яг л нэг зүйл мэт ашиглах боломжтой.

“Apple”- ийн бүтээгдэхүүн хоорондын холбоо

43
таалагдаж байна

2
таалагдахгүй байна

Сурталчилгаа (15)
Хаах

Сэтгэгдэл (-)

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()