Сурталчилгаа (15)
Хаах

Гоо сайхны мэс засалд хамгийн их мөнгө зарцуулсан одууд

2018-08-21, 17:35
9,656

Дэлхий дахинд гоо сайхны мэс засал маш түгээмэл зүйл болжээ. Тухайлбал Америкт жил бүр гоо сайхны хоёр сая гаруй мэс засал хийгддэг гэсэн судалгаа бий. Ихэнхдээ олны танил хүмүүс мянга мянга долларыг энэ төрлийн хагалгаа хийлгэхээр үрдэг нь тодорхой. Мэдээж хүн өөрийгөө хэрхэн өөрчлөх нь тэр хүний сонголт юм. Харин гоо сайхны хагалгаанд донтох нь яавч байж боломгүй үйлдэл. Бид танд хамгийн өндөр үнээр өөрийгөө өөрчилсөн одуудыг танилцуулж байна.

Гоо сайхны мэс засалд хамгийн их мөнгө зарцуулсан одууд

20 Гвинет Пэлтроу – 1500 ам.доллар

Жүжигчин Гвинет Пэлтроу (Gwyneth Paltrow) эхээс заяасан төрөлхийн гоо үзэсгэлэнтэй. Түүнд мэс засал хийлгэх ямар ч шаардлага гардаггүй. Гэсэн хэдий ч жүжигчин бүсгүй хэд хэдэн удаа нүүрэндээ ботокс шахуулсан байна.

Гвинет Пэлтроу – 1500 ам.доллар

19 Николь Кидман – 1400 ам.доллар

Австрали гаралтай жүжигчин Николь Кидман (Nicole Kidman) нэгэн цагт Холливудын хамгийн дур булаам бүсгүйчүүдийн нэгд зүй ёсоор тооцогддог байв. Гэхдээ тэр үргэлж эхээс төрснөөрөө байгаагүй гэнэ. Николь хэд хэдэн удаа нүүрэндээ ботокс шахуулж байсан ч энэ нь түүнд огт таалагдаагүй байна. 

Николь Кидман – 1400 ам.доллар

18 Бритни Спирс – 2000 ам.доллар

Попын гүнж гэгддэг дуучин Бритни Спирс (Britney Spears) 2000-аад оны дундуур сэтгэл гутралд орж царай алдсаныг бид мэднэ. Тэр цагаас хойш нүүрэндээ олон удаа ботокс шахуулж, таргалж, турах нь ээлжилсэн юм. Попын гүнж хөгшрөх дургүй учир ойр ойрхон арьсаа татуулдаг ажээ.

Бритни Спирс – 2000 ам.доллар

17 Блэйк Лайвли – 7500 ам.доллар

Жүжигчин Блэйк Лайвли (Blake Lively) төрөлхийн гоо үзэсгэлэнтэй ч өөртөө төдийлөн сэтгэл хангалуун бус байдаг бололтой. Түүний хуучин зургийг одоогийнхтой нь харьцуулбал хамраа нарийсгаж, зовхио татуулж, арьсаа толийлгосон харагдана. Мөн түүнийг хөх томруулах хагалгаанд орсон гэж олон хүн үздэг.

Блэйк Лайвли – 7500 ам.доллар

16 Меган Фокс – 8000 ам.доллар

Өсвөр насны хөвгүүн бүрийн мөрөөдлийн бүсгүй болсон жүжигчин Меган Фокс (Megan Fox) 2013 оноос эхлэн өөрийн нүүр царайндаа өөрчлөлт оруулж эхэлсэн. Хэдийгээр жүжигчин бүсгүй мэс засал хийлгээгүй хэмээн үгүйсгэдэг боловч түүний өөрчлөлт илт харагдана. Тэрээр хацраа янзлуулж, уруулаа томруулж, духандаа ботокс шахуулж, эцэст нь хөхөө томруулсан байна.

Меган Фокс – 8000 ам.доллар

15 Памела Андерсон – 10.500 ам.доллар

Жүжигчин, загвар өмсөгч Памела Андерсон (Pamela Anderson) залуудаа “Play boy” сэтгүүлийн нүүрийг нэг биш нэлээд хэдэн удаа чимсэн халуухан бүсгүй байв. Тэр өөрийн тачаангуй төрхөө хадгалахын тулд хэд хэдэн удаа арьсаа татуулж, нэг удаа хөх томруулах хагалгаанд орсон юм.

Памела Андерсон – 10.500 ам.доллар

14 Мег Райан – 11.750 ам.доллар

1980-аад он залуусын зүрхийг булааж байсан жүжигчин Мег Райан (Meg Ryan) өдгөө 56 нас хүрчээ. Сүүлийн жилүүдэд хүмүүс түүнийг гадаад төрхөө хэтэрхий их өөрчилж байна гэж шүүмжлэх болсон. Мег өөртөө бараг бүхий л төрлийн гоо сайхны мэс засал хийлгэжээ. Хамгийн наад зах нь арьсаа татуулж, ботокс шахуулж, уруулаа томсгосон байгааг та харж байна.

Мег Райан – 11.750 ам.доллар

13 Виктория Бекхэм – 12.956 ам.доллар

Английн дуучин бүсгүй Виктория Бекхэм (Victoria Beckham) алдарт хөлбөмбөгчний эхнэр болж, өөрийн бизнесээ эхлүүлэхээс өмнө өөртөө сэтгэл хангалуун бус байсан бололтой. “Spice Girls” хамтлагийн хамгийн халуухан гишүүнд тооцогддог тэрээр  тун ч залуудаа хөхөө томруулжээ. Гэхдээ хожим үүндээ харамсан эргэн хэвийн хэмжээнд нь оруулсан ажээ.

Виктория Бекхэм – 12.956 ам.доллар

12 Ким Кардашиан – 16.500 ам.доллар

Хүн бүрийн анхаарлын төвд байдаг реалити шоуны од алдарт Ким Кардашиан (Kim Kardashian) гоо сайхны мэс засал хийлгэсэн гэвэл та итгэх үү? Тэрээр ойролцоогоор 5000 ам.долларыг хамраа өндөрсгөхөд болон ботокс шахуулахад тус тус зарцуулсан бол хөмсөг, үс, уруул гээд өөр олон хагалгаа хийлгэжээ.

Ким Кардашиан – 16.500 ам.доллар

11 Игги Азалия – 20.000 ам.доллар

Австрали гаралтай реппэр Игги Азалия (Iggy Azalea) анх хөгжмийн ертөнцөд тэсрэлт хийн гарч ирэхдээ үнэхээр ялдам төрхтэй байсан билээ. Гэвч одоо эрс өөр харагдаж байна. Игги хөхөө томсгож, хамраа янзлуулсан нь түүний төрхийг бүхэлд нь өөрчилж чаджээ.

Игги Азалия – 20.000 ам.доллар

10 Кортни Кардашиан – 25.000 ам.доллар

Кардашианы гэр бүлийн хамгийн даруухан нь гэгддэг Кортни Кардашиан (Kourtney Kardashian) коллежид сурдаг байхдаа хөхөө томруулжээ. Харин нэг удаа телевизийн шоуны үеэр “Би хөхөө томруулсандаа харамсдаг. Миний хөх хэвийн л хэмжээтэй байсан. Одоо эргээд жижгэрүүлнэ” гэж хэлсэн байдаг юм.

Кортни Кардашиан – 25.000 ам.доллар

9 Донателла Версачи- 25.000 ам.доллар

Загварын хатан хаан Донателла Версачи (Donatella Versace)-гийн нэрийг сонсоод зарим хүн түүний брэндийн талаар бус харин нүүрэндээ тоо тоймгүй олон мэс засал хийлгэсэн бүсгүйг боддог. Тэрээр залуу байхдаа гоо сайхны хагалгаанд дурлан удаа дараа нүүрээ янзалсан юм. Ийнхүү олон жилийн туршид зөвхөн сайхан харагдахын тулд тэрээр 25 мянган ам.доллар зарцуулсан байна.

Донателла Версачи- 25.000 ам.доллар

8 Ники Минаж – 31.200 ам.доллар

Өнгөрсөн олон жилийн турш алдартай рэппер Ники Минаж (Nicki Minaj) маань мэдэгдэхүйц өөрчлөгдөж чадсан. Түүний хөх, өгзөг жилээс жилд улам томорсоор. Тэрээр зөвхөн арьсаа цайруулахад мянган доллар үрсэн бол өгзгөндөө жилд л 5000 ам.доллар зарцуулдаг байна.

Ники Минаж – 31.200 ам.доллар

7 Микки Рурк – 36.000 ам.доллар

Мэргэжлийн боксчноос кино урлагт хөл тавьсан жүжигчин Микки Рурк (Mickey Rourke) хөгшрөх дургүй бололтой. Боксын дэвжээнд байхад түүний нүүр ямар нэг байдлаар гэмтэж байгаагүй ч тэрээр нэг л мэдэхэд гоо сайхны мэс засалд донтсон байв. Микки нийт зургаан удаа арьсаа татуулж, хамраа янзлуулж, ботокс шахуулжээ.

Микки Рурк – 36.000 ам.доллар

6 Кейтлин Женнер – 60.000 ам.доллар

Тэрээр алдарт Кардашианы гэр бүлийн өрхийн тэргүүн байсныг дурдах нь илүүц биз. Өмнө нь Брюс хэмээх нэртэй байсан Кейтлин Женнер (Caitlyn Jenner) маш том мэс засалд орж хүйсээ солиулсан юм. Тэрээр бүр 80-аад онд л биеийнхээ бүх үсийг хусуулж, эмэгтэй болохоор биеэ бэлдэж байсан гэдэг. Гэхдээ хожим 2012 онд л түүний хүсэл жинхэнэ утгаараа биелсэн аж. Түүний хүйсээ солиулах мэс засал нийт 10 цаг үргэлжилсэн гэсэн шүү. 

Кейтлин Женнер – 60.000 ам.доллар

5 Крис Женнер – 70.000 ам.доллар

Алдарт Кардашианы эгч дүүсийг төрүүлсэн Крис Женнер хатагтайг та харж байна. Охид нь бүгд нүүрээ толийлгож, гоо сайхандаа анхаарал тавьж байхад чухам Крис Женнер (Kris Jenner) яагаад ард үлдэнэ гэж? Крис бараг 40 жилийн өмнөөс гоо сайхны мэс засал хийлгэж эхэлжээ. Тэрээр хөх, хамар, уруул, эрүүний мэс засал хийлгэж олон удаа ботокс шахуулсан байна.

Крис Женнер – 70.000 ам.доллар

4 Румер Уиллис – 100.000 ам.доллар

Деми Мур (Demi Moore)-ын охин Румер Уиллис (Rumer Willis) ээжийнхээ сайхан төрхийг өвлөж аваагүйдээ харамсдаг бололтой,  нүүрэндээ олон удаа мэс хүргэсэн байна. Тэрээр хэд хэдэн удаа эрүү, шанааны мэс засалд орж, хамраа янзлуулсан төдийгүй ботокс шахуулахад нийт 100.000 ам.доллар зарцуулжээ.

Румер Уиллис – 100.000 ам.доллар

3 Деми Мур – 500.000 ам.доллар

Холливудын алдарт жүжигчин Деми Мур (Demi Moore) анх загвар өмсөгч байжээ. Хожим 1980-1990-ээд онуудад түүний нэр алдар тэнгэрт тултал өсөж хамгийн үзэсгэлэнтэй жүжигчинд тооцогдож байв. Гэхдээ өдгөө 55 настай жүжигчин маань энэ сайхан төрхөө хэвээр нь хадгалахын тулд олон удаа арьсаа татуулсан юм.

Деми Мур – 500.000 ам.доллар

2 Майкл Жексон – 1 сая ам.доллар

Попын хаан хэмээх алдар нэрийн эзэн болсон дуучин Майкл Жексон (Michael Jackson) гоо сайхны мэс засалд орж төрөл арилжсан мэт өөрчлөгдсөн хамгийн анхны хүн болсон байх. Тэрээр өөрийн гадаад төрхөнд сэтгэл хангалуун бус, дээр нь нэг төрлийн арьсны өвчтэй байсан учраас нүүрний арьсаа сольсон юм. Майкл Жексон мөн эрүү шанаа, хамар, нүд, хөмсөг гэх мэт олон мэс засалд оржээ. Түүний шинэ дүр төрх дэлхий дахиныг гайхашруулж байсан хэдий ч үнэнч фэнүүд нь түүнээс нүүр буруулаагүй юм.

Майкл Жексон – 1 сая ам.доллар

1 Кайли Женнер – 2 сая ам.доллар

Одоогийн байдлаар бизнес эрхлэгч хатагтай болж, үе тэнгийнхнээ байлдан дагуулж чадсан бүсгүй анх 18 наснаасаа  нүүрээ янзлах болсон юм. Уруул, нүд, хөмсөг, эрүү, шанаа, өгзгөө хүртэл томруулж янзлуулахын тулд тэрээр нийт хоёр сая ам.доллар зарцуулжээ.

Кайли Женнер – 2 сая ам.доллар

9
таалагдаж байна

8
таалагдахгүй байна

Сурталчилгаа (15)
Хаах

Сэтгэгдэл (-)

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()