Сурталчилгаа (15)
Хаах

Эрэгтэй, эмэгтэй хүмүүс аль насандаа илүү дур булаам байдаг вэ?

Орчин үед залуус онлайнаар танилцах явдал маш их газар авч байгаа билээ. Учир нь хүн төрөлхтний амьдрал цахим ертөнцтэй өдөр ирэх тусам улам л нягт холбоотой болсоор байна. АНУ-д 2013 онд хийсэн судалгаанаас харахад настай хүмүүсийн 11 хувь болон ганц бие залуусын 38 хувь нь онлайн танилцах хуудсыг сонгож эсвэл гар утасны аппликейшн ашиглаж хос болох хүнээ хайжээ. Уг судалгааныхаа дараа Америкийн эрдэмтэд эрэгтэй, эмэгтэй хүмүүс аль насандаа илүү дур булаам харагддаг болохыг тогтоосныг уншигчдадаа сонирхуулъя. 

Эрэгтэй, эмэгтэй хүмүүс аль насандаа илүү дур булаам байдаг вэ?

1 Төгс хосын талаарх бодол өөр өөр байдаг

Эрчүүд, эмэгтэйчүүд өөрийн нас, боловсрол, өндөр, зан ааштай ойролцоо хүнийг хосоороо сонгодог гэдэг. Энэ төрлийн хосууд урт удаан хугацааны турш бат бөх харилцаа үүсгэж чаддаг байна.

Харин үүний эсрэгээр хүмүүс бусдад таалагддаг хүнийг хосоороо сонгодог гэсэн ойлголттой байдаг. Энэ нь ихэнхдээ гадаад дүр төрхөөрөө бусдын хайр, хүндэтгэлийг татаж буй хосууд юм.

Хэдийгээр хоёр төрлийн ойлголт байгаа хэдий ч эрдэмтэд цахим танилцах сүлжээ ашигласнаар таныг аль насандаа илүү дур булаам харагддаг болохыг тодорхойлжээ.

Төгс хосын талаарх бодол өөр өөр байдаг

2 Хамгийн дур булаам нас

АНУ-ын эрдэмтэд Нью-Йорк, Чикаго, Бостон, Сиэтлийн онлайн танилцах зарын судалгааг ашиглаж дараах дүгнэлтийг гаргасан байна.

Тэд 200 мянган хүн дээр судалгаа хийсэн бөгөөд тэдэнд ирсэн цахим зурвасуудыг тоолсон юм. Хэрвээ сонголт нь сайн байх юм бол тэд эсрэг хүйсийн хүн рүүгээ бичихгүй байсан биз.

Хамгийн дур булаам нас

Судлаач нар тухайн хүн рүү хэдэн хүн зурвас бичсэнийг тоолоод зогсохгүй, бичсэн хүмүүсийнх нь ерөнхий байдлыг судалсан байна. Нэг хүнд маш олон зурвас ирж байвал тухайн хүн хамгийн хүсэмжит хүний тоонд багтах нь тодорхой.

Ингээд судлаачид ямар дүгнэлт гаргасан бэ гэхээр эрчүүд 50 насандаа, харин эмэгтэйчүүд 18 насандаа илүү дур булаам байдаг болохыг тогтоожээ.

3 Бусад дүгнэлт

Үүнээс гадна эмэгтэйчүүд эрчүүдийн боловсролын түвшинг маш ихээр хардаг нь тогтоогдсон байна. Харин эрчүүд эсрэгээрээ аспирантур төгссөн ухаалаг бүсгүйчүүдийг төдийлөн сонгохгүй, харин ч тэднээс зайгаа барихыг хичээж байсан аж.

Цахим хуудсаар танилцах үедээ хүмүүс бодит амьдралын хэв маягаас өөр байсан гэнэ. Жишээлбэл тэд өөрсдөөсөө илүү царайлаг хүмүүс рүү зурвас бичиж байжээ. Гадаад дүр төрхийн ялгаа 25 хувь байсан аж. Харин бодит амьдрал дээр бид өөртэйгөө ижил хүмүүсийг сонирхдог шүү дээ.

Бусад дүгнэлт

Хэрвээ та 40 гарсан эмэгтэй бол санаа зовох хэрэггүй. Учир нь бодит амьдрал дээр нас тогтсон, ухаалаг, өөртөө итгэлтэй бүсгүйчүүд хамгийн дур булаам харагдах нь мэдээж хэмээн сэтгэл судлаач Мишель Друан үзжээ.  

Харин таны хувьд эрэгтэй, эмэгтэй хүмүүс хэдэн насандаа илүү дур булаам харагддаг гэж боддог вэ?

22
таалагдаж байна

4
таалагдахгүй байна

Сурталчилгаа (15)
Хаах

Сэтгэгдэл (-)

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()