Өвлийн улиралд арьсаа ингэж арчлаарай!

Өвлийн хатуу ширүүн уур амьсгалд бидний арьс нэмэлт арчилгаа шаардаж эхэлдэг. Учир нь сэрүүний болон дулааны улирлын арьс арчилгаа тэс өөр байдаг бөгөөд өвөл арьсаа хэрхэн арчилснаас шалтгаалж зун ямар арьстай байх нь шууд хамаардаг байна. Тийм учраас өвлийн улиралд арьсаа хэрхэн арчлах талаарх зөвлөгөөг танд хүргэе.

Өвлийн улиралд арьсаа ингэж арчлаарай!
50% ХЯМДРАЛ!
Хаах
Сурталчилгаа

1 Тосоо соль

Өвлийн улиралд бүх төрлийн арьс хуурайшдаг учир арьсаа зөв чийгшүүлэх нь хамгийн чухал.

  • Тослог арьстай хүмүүс ихэнхдээ усан суурьтай тос түрхдэг бол өвлийн улиралд холимог арьсны тос түрхэх
  • Харин холимог арьстай бол энгийн арьсны тос түрхэх
  • Энгийн арьстай хүмүүс хуурай арьсны тос түрхэх
  • Хуурай арьстай хүмүүс хэт хуурай арьсны тос түрхэх

Тосоо соль

2 Тэжээлээр баялаг тос түрхэх

Өвлийн улиралд арьсаа дан ганц чийгшүүлээд зогсохгүй тэжээлээр хангаж байх нь ч мөн чухал. Ингэхийн тулд та тос сонгохдоо найрлаганд нь гол анхаарлаа төвлөрүүлэх хэрэгтэй. 

Сонгох гэж буй тос тань ургамлын гаралтай байх хэрэгтэй бөгөөд ши тос, авокадогийн тос, Е амин дэм агуулсан байвал сайн. Ялангуяа Е амин дэм таны арьсыг хүйтнээс хамгаалах болно. Харин вазелин, парафин, эрдэсжүүлсэн тос зэргээс хэсэгтээ татгалзсан нь зүгээр.

Тэжээлээр баялаг тос түрхэх

3 Тосоо эртхэн түрхээрэй

Зуны улиралд өдрийн тосыг гадагш гарахаас 20 минутын өмнө түрхэж болно. Харин өвлийн улиралд гадагш гарахаас 40-60 минутын өмнө түрхэх хэрэгтэй.

Тосоо эртхэн түрхээрэй

4 Нүүрний шингэн савангаа солиорой

Заримд тохиолдолд өвлийн улирлын арьс арчилгаанд нүүрний шингэн савангаа солиход л хангалттай байдаг. Хэрвээ таны арьс хуурайшиж, таталдаж байвал SLS, SLES, SMS агуулсан нүүрний шингэн саван сонгох хэрэггүй. Хэрвээ таны арьс батгашилттай бол батгаа хатаах бус чийгшүүлэх зориулалттай зөөлөн саван сонгоорой.

Нүүрний шингэн савангаа солиорой

5 Нүүрээ гуужуулахаас татгалз

Том ширхэгтэй скраб ашиглахын оронд жижиг ширхэгтэй зөөлөн гуужуулагч сонгоорой. Хэрвээ өвлийн улиралд таны арьс илүү их хуурайшиж байвал гуужуулалтаас татгалзах нь зүйтэй.

Хэрэв арьс хэт их хуурайшвал чацарганы тос түрхээд үзээрэй. Тэжээл өгч, чийгшил алдахаас сэргийлэх болно.

Нүүрээ гуужуулахаас татгалз

6 Нэмэлт арчилгаа хийхээсээ бүү залхуур

Өвлийн улиралд тэжээл өгөх зориулалттай маск болон байгалийн гаралтай бүтээгдэхүүнүүдээр нүүрээ арчлах нь тохиромжтой бөгөөд долоо хоногт 2-3 удаа маск тавьж болно.

Жишээлбэл: Эмзэг арьсанд овьёосны маск тохирно. Овьёосоо блендэрт хийж жижиглээд дээр нь бүлээн ус хийж хутгаад, 20 минутын турш нүүрэн дээрээ тавина.

Нэмэлт арчилгаа хийхээсээ бүү залхуур

7 Уруулын эмчилгээний тос ашигла

Урууланд тосны булчирхай байдаггүй учир алдагдсан чийгшлээ нөхөж чаддаггүй. Тиймээс өвлийн улиралд уруулаа зөөлөн гуужуулж, тэжээлийн тос түрхэх нь зүйтэй.

Уруулын эмчилгээний тос ашигла

8 Тод будалт хийх

Өвлийн улиралд та зузаан будалтыг хийж болох бөгөөд энэ нь таны арьсыг хамгаалж өгнө. Харин орой нүүрнийхээ будгийг сайтар гэгч нь арилгах хэрэгтэй гэдгээ мартаж болохгүй.

Тод будалт хийх

9 Цүнхэндээ гарын тос авч явж байгаарай

Гараа мартаж огтхон ч болохгүй. Учир нь халаалттай орчинд гар амархан чийгшлээ алддаг. Тиймээс гараа үргэлж тослох хэрэгтэйгээс гадна бээлий өмсөж хамгаалж байх хэрэгтэй. 

Мөн гэрт халаалт ирсэнтэй холбогдуулан гэрийн агаар хэт хуурай болдог тул агаар чийгшүүлэгч хэрэглэвэл зүгээр. 

Цүнхэндээ гарын тос авч явж байгаарай

10 Халуун усанд орохоос татгалзаарай

Хүйтэн газраас орж ирээд л шууд халуун усанд ормоор санагддаг ч биеийнхээ арьсанд анхаарал хандуулж бүлээхэн усыг сонгоорой.

Харин заримдаа халуун усанд орох хүсэл тань дийлж байвал усанд орсныхоо дараа сайн чийгшүүлэгч ашиглах нь зүйтэй.

Халуун усанд орохоос татгалзаарай

11 Дардаг савтай биш энгийн савтай биеийн тосыг сонгоорой

Арьсны эмч болох Мона Гахара өвлийн улиралд дардаг савтай биеийн тосыг сонгох хэрэггүй гэжээ. Учир нь дардаг савтай биеийн тос нь шингэн бүтэцтэй байдаг гэнэ. Харин өвлийн улиралд илүү тослог тос хэрэгтэй гэдгийг санаж байгаа биз дээ.

Дардаг савтай биш энгийн савтай биеийн тосыг сонгоорой

Сэтгэгдэл бичих

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()