Бүсгүйчүүдийг галзууруулах шахдаг "царай муутай" 6 жүжигчин

Царайлаг гэх тодорхойлолт нь маш субьектив ойлголт хэдий ч, дэлхий даяар эмэгтэй, эрэгтэй хүмүүсийн сэтгэл татам байдлын талаар хэдийн тогтсон нэг хэвийн ойлголт ноёлсоор ирсэн. Тэгвэл тэрхүү нэг хэвийн байдлыг эвдэж, дүр төрхөөрөө биш, өөр талаараа бүх ертөнцийг шуугиулж, олон хүний сэтгэлийг булааж чадсан Холливудын эгэл бус 6 одыг танилцуулъя. Тэдний нууц нь юу байв?

Бүсгүйчүүдийг галзууруулах шахдаг "царай муутай" 6 жүжигчин
Дараагийн үед тавтай морил
Хаах
Сурталчилгаа

1 Винсен Кассел (Vincent Cassel)

Бусдыг татах чадвар буюу харизмтай гэгддэг Франц залуу Винсен Кассел үзэсгэлэнт бүсгүйчүүдийн талаар их зүйл мэддэг нэгэн. Тэрээр Марлон Брандо шиг царайлаг биш атлаа тухайн цаг үеийнхээ хамгийн сайхан бүсгүйчүүдийн нэг Моника Беллучигийн зүрх сэтгэлийг эзэмдэж, 20 жилийн турш хамтын амьдрал зохиосон билээ. 

Харин гэрлэлтээ цуцлуулсны дараа Кассел ганц бие статусаа удаан хадгалаагүй юм. Учир нь өнгөрсөн зун 51 настай жүжигчин маань 21 настай загвар өмсөгч Тина Кунакитай (Tina Kunaki) болзож эхэлсэн бөгөөд хосууд наймдугаар сард гэрлэжээ. Гучин насны зөрүүг үл харгалзан хосууд хамтдаа маш жаргалтай харагддаг бөгөөд залуу, үзэсгэлэнт Тинагийн дэргэд Винсен илүү зоригтой, хүчтэй харагддаг.

Винсен Кассел (Vincent Cassel)

2 Адриан Броди (Adrien Brody)

Адриан Бродигийн байгаа байдал үргэлж бага зэрэг гунигтай харагддаг нь эмэгтэйчүүдэд соронз мэт татдаг гэнэ. Түүний өндөр, туранхай байдал, уйтгар гунигтай төрх, муруй урт хамар гээд бүх сул тал нь  чадварлаг дүрүүдэд нь халхлагддаг ажээ.  Тиймдээ ч Броди Монет Мазур, Холли Берри, Элса Патаки зэрэг Холливудын үзэсгэлэнт бүсгүйчүүдтэй болзож байсанд гайхах зүйлгүй.

Харин сүүлийн хэдэн жилийн турш 45 настай жүжигчин маань Оросын загвар өмсөгч Лара Лиетотой болзож, улаан хивсэн дээгүүр итгэл төгс алхаж байгаа нь олон олон алга ташилтыг дагуулсаар байна.

Адриан Броди (Adrien Brody)

3 Бенедикт Камбербэтч (Benedict Cumberbatch)

“Шерлок” цуврал гарсны дараа гол дүрийн жүжигчин Бенедикт Камбербэтч алдарт хүрээд зогсохгүй, Их Британийн хамгийн хүсэмжит эрчүүдийн чансаанд багтжээ. Тэрээр өөрөө ч үүнд ихээр гайхдаг. Учир нь тэр гадаад төрхөндөө сэтгэл дундуур явдаг нэгэн. Харин өөрийг нь ихэвчлэн минжтэй адилтган шоглодог интернэтийн наргиануудыг эерэгээр хүлээж авдаг аж.

Хувийн амьдралын хувьд Бенедикт секс бэлэг тэмдэг гэхээсээ илүү жинхэнэ язгууртан шиг харагддаг. Сүүлийн гурван жилийн хугацаанд тэрээр театрын найруулагч Софи Хантертай гэрлэж, хоёр хүүхэдтэй болсон байна.

Бенедикт Камбербэтч (Benedict Cumberbatch)

4 Шон Пенн (Sean Penn)

Шон Пенний тухай хамгийн их яригддаг зүйл нь түүний хайр сэтгэлийн асуудал юм. Тэрээр хоёр удаа гэрлэсэн бөгөөд эхлээд алдарт дуучин, жүжигчин Маддонатай, дараа нь жүжигчин Робин Райттай хуримаа хийсэн билээ.

Хожим нь тэрээр Шарлиз Теронтой болзож эхэлснээр өөрийн амьдрал дахь Холливудын шаргал үстнүүдийн жагсаалтыг нэмсэн юм. Харин одоо залуухан моделуудтай ажиллаж байна.

Зан чанарын хувьд Шонн төрөлхийн түрэмгий, дүрэлзсэн зантай байдаг нь хамгийн хүчирхэг, нөлөө бүхий эмэгтэйчүүдийг илбийн мэт татдаг байв. Түүний Мадоннатай зодолдсон, Робин Райтад гар хүрсэн зэрэг мэдээллүүд  шуугиан тарьж байсан бөгөөд Робины хувьд хуучин нөхрөө уучилж, эргээд нийлэхэд бэлэн гэдгээ мэдэгдэж байжээ.

Шон Пенн (Sean Penn)

5 Хавьер Бардем (Javier Bardem)

“Ид, залбир, хайрла” романтик кинон дээр Жулиа Робертсийг аймшигт сэтгэл гутралын гүнээс аварч, үлгэрт гардаг ханхүү шиг баатарлаг дүр бүтээснээр Пенелоп Крузын нөхөр Бардем олон эмэгтэйн зүрх сэтгэлийг эзэмдсэн юм.

Үнэндээ одоо хүртэл охидын хүсдэг зүйл бол Хавьер Бардемийн тоглосон увайгүй Испани эрийн дүр шиг залуутай учирч, цааш удаан үргэлжлэх харилцаа тогтоох болоод байгаа билээ. Хачирхалтай нь Хавьер тэр цаг үеийнхээ дурламаар гадаад төрхний шалгуурт нийцдэггүй байсан. Гэсэн ч харизма бол өөр зүйл билээ.

Хавьер Бардем (Javier Bardem)

6 Жейк Гилленхаал (Jake Gyllenhaal)

Энэхүү бараан үстэй, цэнхэр нүдтэй залуу дэлхийн бүх эмэгтэйчүүдийг хоёр хэсэгт хуваасан юм. Зарим эмэгтэйчүүд Жейкийн цоолох мэт харц, жүжиглэх авьяас зэргийг цуцалтгүй магтаж байхад зарим нь тэс өөр бодолтой байлаа.

Тэрээр бусдыг дурлуулахаар царайлаг биш ч романтик охид түүний төрхөөс сэтгэл татам байдлыг олж хардаг байна. Харин Гилленхаал өөрөө шаргал үст бүсгүйчүүдийг илүү таашаадаг бөгөөд Кирстен Данст, Риз Уизерспүн, Тейлор Свифт нартай романс үүсгэсэн байдаг.

Жейк Гилленхаал (Jake Gyllenhaal)

27
таалагдаж байна

28
таалагдахгүй байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()