Биеийн галбирыг өв тэгш болгож, бодисын солилцоог түргэсгэх хялбар сунгалтын дасгалууд

Хүн бүр л төгс сайхан бие галбиртай болохыг хүсдэг нь нууц биш, "би яг нэг дэх өдрөөс фитнессээр хичээллэнэ, дугуй унана, өглөө бүр гүйнэ” гэж өөртөө амладаг хэдий ч үүндээ хүрэхгүй байх тохиолдол цөөнгүй бий. Бидний бие организм цаг ямагт дасгал хөдөлгөөнөөр дутагдаж байдаг. Гэвч албан ажил, гэрийн ажил, хүүхэд гээд бид өөртөө төдийлөн цаг зав гаргаж чаддаггүй. Тэгвэл та бүхэнд гэртээ хийж болох хөнгөн дасгалуудыг хүргэе, хамгийн гол нь тогтмол хийж хэвшээрэй. 

Биеийн галбирыг өв тэгш болгож, бодисын солилцоог түргэсгэх хялбар сунгалтын дасгалууд
Хит кинонууд 50% хямдарлаа!
Хаах
Сурталчилгаа

1 Хүзүүний булчин сунгах дасгал

Энэхүү дасгал 7-р нугасан дээр өөх хуримтлахаас хамгаалж, таны хүзүүг уян болгож өгнө.

  • Дээшээ харж хэвтээд өвдгөө нугал.
  • Алчуур мушгиж дагзныхаа доор тавь.
  • Алчуураа дээш татаж, хүзүүгээ аль болох урт сунгахыг хичээ. Амьсгалахад саад болохгүйн тулд тохойгоо биеэсээ зайтай байлгах хэрэгтэй.
  • Амьсгалаа сайн гаргаж энэхүү дасгалыг 3-4 удаа давтаж хийгээрэй.

Хүзүүний булчин сунгах дасгал

2 Мөрний булчин суллах дасгал

Мөрний булчингийн хэт ачааллын улмаас хараа муудаж, байнга толгой өвддөг.

  • Мөрөөрөө хананд налж зогс.
  • Гараа тохойгоор нугалж, мөрний яс шалтай параллель, харин хуруу газар руу харсан байхаар байрлуулаарай.
  • Биеэ хананаас аяархан салгаж эргүүлээрэй.
  • Энэ байрлалаар 30 секунд зогсож, нөгөө тал руугаа давтаарай.

Мөрний булчин суллах дасгал

3 Цусны эргэлт сайжруулах дасгал

Энэ нь унжсан сул арьстай хүмүүст илүү тохиромжтой.  

  • Босоо байрлалаар планк хийх гэж байгаа мэт зогсоорой.
  • Эсрэг талаас нь гараа барь.
  • Гарны дээд хэсгийн булчин сунаж байгааг мэдрэхээр биеэ эргүүл.
  • Гарын шуу мөрний хэмжээнд байх хэрэгтэй гэдгийг анхаараарай. Хоёр талдаа 30 секунд хийнэ.

Цусны эргэлт сайжруулах дасгал

4 Цээж хэсгийг хөгжүүлэх дасгал

Энэ хэсгийн булчин ачаалалтай байх нь амьсгалахад сөргөөр нөлөөлж, амьсгаадалт үүсгэх магадлалтай. Уг дасгалыг хийхэд танд иогийн дэвсгэр болон зузаан алчуур хэрэг болно.

  • Доошоо харж хэвтээд гараа цээжнийхээ дор хэрээсэл.
  • Толгойгоо бөөрөнхийлсөн алчуур дээр тавь.
  • Хуруугаараа хоёр тийш тэмүүлэх хэрэгтэй бөгөөд булчингаа чангалах хэрэггүй.
  • Нүдээд аниад 8 удаа гүнзгий амьсгал ав. Дасгалыг хэсэг хугацаанд амарсны дараа дахин давтаж болно.

Цээж хэсгийг хөгжүүлэх дасгал

5 Гэдэсний булчин сунгах дасгал

Энэхүү дасгалыг хийснээр таны бэлхүүс орчим өөх хуримтлагдахгүй.

  • Явган суугаад нэг хөлөө хажуу тийш болго.
  • Гараараа тулаад нөгөө тал руугаа гаргаа сунга.
  • Зөв амьсгалж 30-40 секунд энэ байрлалтай байгаарай. Нөгөө талдаа мөн адил давтаж хийнэ.

Гэдэсний булчин сунгах дасгал

6 Ташаа хэсгийн булчинг чангалах

Энэхүү дасгал нь ташааны арьсыг чангалж, целлюлит үүсэхээс сэргийлнэ. Үүнээс гадна энэ төрлийн дасгалууд нь оффисын ажлаас болж үүссэн өвчин, хаванг арилгахад тустай

Ташаа хэсгийн булчинг чангалах

7 Нугас болон дөрвөн толгойт булчингийн сунгалт

Энэ төрлийн дасгал нь оффист ажилладаг, машин барьдаг хүмүүсийн нурууны өвдөлтийг намдаана. 

  • Нэг өвдгөө цээжин дээр байрлуулахаар явган суу.
  • Нөгөө хөлөө нугалж, өсгийгөө хананд тулгана. Дасгалыг зөв хийж байгаа тохиолдолд ташааны урд талын дээд хэсэг ачаалал авах болно.
  • Энэ байрлалтай 30 секунд болж дахин давтаж хийгээрэй.

Нугас болон дөрвөн толгойт булчингийн сунгалт

8 Өгзөг болон ташааны булчин суллах дасгал

  • Өвдгөө нүүр рүүгээ татаж, алгаараа хөлийнхөө улнаас барь.
  • Нуруугаа дугуй хэлбэртэй болгож хамраараа хөлөндөө хүрэх гэж хичээ. Хэт их ачаалал өгөх хэрэггүй.

Өгзөг болон ташааны булчин суллах дасгал

9 Ташааны урд хэсэг болон өвдөг, тавхайн сунгалт

Уг дасгал нь удаан хугацааны турш өндөр өсгийт дээр явсны дараах хөлийн хаван болон ядаргааг тайлна.

  • Тохойн дээрээ тулж газар хэвт.
  • Хөлийн тавхай өгзөгний доор байх хэрэгтэй.
  • Нуруугаа тэгш байлгаж, доош унжуулж болохгүй бөгөөд цээжээ дээш татна.
  • Энэ байрлалаараа 30-40 секунд болно.

Ташааны урд хэсэг болон өвдөг, тавхайн сунгалт

10 Ташааны дээд хэсгийн булчингийн сунгалт

  • Гарынхаа алгаар хананд тул.
  • Хана болон хөлийн хооронд дахь зай 50-70 см байх ёстой.
  • Хөлийнхөө үзүүрээр хананд тул. Энэ үед нөгөө хөл шалан дээр байх ёстой бөгөөд тавхай шалнаас хөндийрөх ёсгүй. Энэ байрлалтай 30 секунд зогсож, нөгөө талдаа давтаж хийгээрэй.

Ташааны дээд хэсгийн булчингийн сунгалт

5
таалагдаж байна

0
таалагдахгүй байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()