Ханиадыг дарах үйлчилгээтэй, бэлтгэхэд хялбар 10 ундаа

Хүйтний улиралд тулгардаг томоохон асуудлуудын нэг бол мэдээж ханиад билээ. Тэгвэл дөнгөж эхэлж буй ханиадыг эм хэрэглэхгүйгээр анагаах боломж цөөнгүй байдаг. Ингээд эртнээс хэрэглэгдэж ирсэн ханиадыг дарах шидтэй 10 төрлийн уух зүйлсийн жорыг танилцуулж байна. 

Ханиадыг дарах үйлчилгээтэй, бэлтгэхэд хялбар 10 ундаа
ДООД ҮНЭ ДООД ДАВХАРТ!
Хаах
Сурталчилгаа

1 Зөгийн бал нимбэгтэй цай

Хэрвээ танд ханиадны шинж тэмдэг дөнгөж илэрч эхэлж байгаа бол хар эсвэл ногоон цайн дээр 1 цайны халбага зөгийн бал, хэдэн зүсэм нимбэг хийгээрэй. Хамгийн гол нь буцлам халуун усанд зөгийн бал болон нимбэг хийж болохгүй. Хэт халуун усанд зөгийн бал, нимбэг нь өөрийн чанараа алддаг юм.

Зөгийн бал нимбэгтэй цай

2 Далдуу модны цэцэг болон бөөрөлзгөнөтэй цай

Далдуу модны хатаасан цэцгийг хандалж, дээрээс нь хатаасан бөөрөлзгөнө болон бөөрөлзгөний навч нэмээрэй. Ингээд 30 минутын турш хандлаад уухад бэлэн болно. Хэрвээ бөөрөлзгөнө байхгүй бол бөөрөлзгөний чанамлыг ч хэрэглэх боломжтой.

Далдуу модны цэцэг болон бөөрөлзгөнөтэй цай

3 Нохойн хошууны цай

Нохойн хошуу нь С амин дэмээр баялаг гэдгийг хүн бүр мэднэ. Хатааж жижиглэсэн 3 хоолны халбага нохойн хошуу дээр 0,5 литр халуун ус хийж, халуун саванд хийн хонуулна. Өглөө нь шүүгээд тал аягаар өдөрт 4 удаа хоол идэхээс 30 минутын өмнө ууна.

Нохойн хошууны цай

4 Аньс эсвэл цангисны шүүс

Аньс болон цангис нь бактерийн эсрэг үйлчилгээтэй. Шүүсийг бэлдэхийн тулд аньс болон цангис дээр элсэн чихэр (3:1) харьцаатай нэмж, 2 хоолны халбага холимог дээр 0,5 литр ус нэмэхэд л хангалттай.

Аньс эсвэл цангисны шүүс

5 Эрдэсжүүлсэн устай сүү

Хэрвээ та ханиалгаж эхэлсэн бол халуун сүүг эрдэсжүүлсэн устай (жишээ нь: «Боржоми») хольж уугаарай. Энэ нь цэр ховхлох үйлчилгээтэй юм.

Эрдэсжүүлсэн устай сүү

6 Сармистай сүү

Энэхүү арга нь таныг нэг шөнийн дотор хөл дээрээ босоход туслах болно. Бүлээн сүүн дээр 10 дусал сармисны шүүс дусааж, унтахаасаа өмнө ууна.

Сармистай сүү

7 Хатаасан жимсний компот

Энэ бол эрт дээр үеэс хэрэглэгдэж ирсэн ханиад эдгээх гайхалтай арга юм. Хатаасан жимсээр хийсэн компот нь ханиадыг зөөлрүүлэх, дархлаа дэмжих үйлчилгээтэй.  100 гр хатаасан алим, лийрийг 30 минутын туршид чанаж, дээрээс нь нэг литр ус тутамд 3 хоолны халбага элчин чихэр хийнэ. Дараа нь чангаанз болон хар чавга хийгээд гаргахаасаа өмнө үзэм хийх хэрэгтэй. Бэлэн болсон компотондоо нимбэг болон жүржийн шүүс, зөгийн бал нэмж болно.

Хатаасан жимсний компот

8 Цагаан гаа, нимбэгтэй цай

Хүйтний улиралд дархлаа сайжруулж, бүтээлч байдлыг нэмэгдүүлэхэд танд 1 хоолны халбага зөгийн бал, 1 хоолны халбага нимбэгний шүүс, 0,5 цайны халбага хатаасан цагаан гаа, чимх шанцай, халуун ус тус болно шүү. Цайн дээрээ бага зэрэг хатаасан гааны навч нэмж болно.

Цагаан гаа, нимбэгтэй цай

9 Глинтвейн

Амттай, эрүүл мэндэд тустай, ханиадны эсрэг үйлчилгээтэй зүйлсийн нэг бол глинтвейний цай юм. Глинтвейн дээр 100 мл ус нэмж буцалгаад, 10 минут хандална. Шүүж авсныхаа дараа дээрээс нь жүрж, дарс, элсэн чихэр нэмээд зөөлөн гал дээр буцалтал байлгана. Буцалгах шаардлагагүй. Үүнээс гадна зөгийн бал, алим, үзэм нэмсэн ч болно. Халуунаар нь унтахынхаа өмнө хэрэглэхэд тохиромжтой.

Глинтвейн

10 Балжингаравын цай

Балжингарав нь үрэвслийн эсрэг үйлчилгээтэй. Далдуу модны цэцэг болон зөгийн балтай хосолсноор ханиадны эсрэг шилдэг бүтээгдэхүүн болно. Бэлдэх арга: 1 цайны халбага балжингаравын хатаасан навч, эсвэл далдуу модны цэцгийг 1 аяга буцалсан усанд хийж, 20 минут хандална. 1/3 аягаар өдөрт 3 удаа хоолны өмнө уух бөгөөд зөгийн бал нэмж болно.

Балжингаравын цай

11
таалагдаж байна

0
таалагдахгүй байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()