Жин нэмнэ гэж санаа зоволгүй идэж болох 10 төрлийн амттан

Бүсгүйчүүд маань амттанд маш дуртай боловч тэр хэрээр илүүдэл жингийн асуудалтай тулгардаг. Гэхдээ танд нэг таатай мэдээ дуулгая. Зарим төрлийн амттан жин нэмэхэд огтхон ч нөлөөлдөггүй гэнэ. Ингээд санаа зоволгүйгээр идэж болох 10 амттанг танилцуулъя. 

Жин нэмнэ гэж санаа зоволгүй идэж болох 10 төрлийн амттан
ДООД ҮНЭ ДООД ДАВХАРТ!
Хаах
Сурталчилгаа

1 Жимсний чипс

Бид хүүхэд байхаасаа эхлэн хатаасан жимсээр хийсэн компотыг амтархан уудаг байсан билээ. Энэ нь бидний эрүүл мэндэд ямар ч сөрөг үр нөлөөгүй аж. Ерөнхийдөө гадил болон улаан алимаар хийх нь илүү тохиромжтой бөгөөд жүрж, лийрээр ч хийж болно. Жимсээ аль болох нимгэн хэрчиж, шарах шүүгээнд хамгийн бага температурт шарна. Яарах хэрэггүй. Хэдий чинээ удаан байлгана төдий чинээ чийглэг нь гадагшилж, амттай чипс бэлэн болно. 

Жимсний чипс

2 Мармелад

Хэрвээ уг мармеладыг байгалийн гаралтай бүтээгдэхүүн (жишээлбэл, жимсний нухаш)-аар хийсэн гэж үзвэл эрүүл мэндэд тустай. Мармеладанд агуулагдах пектин болон агар-агар хэмээх бодис нь ходоод гэдсийг цэвэрлэж, хамгаалах үүрэг гүйцэтгэдэг байна. Үүнээс гадна цэвэр мармелад нь бодисын солилцоог сайжруулна. Гэхдээ хэтрүүлж болохгүй шүү.

Мармелад

3 Халва

Энэхүү барууны амттан нь самар, маалингын үр, наран цэцгийн самар зэргийг агуулдаг. Гэхдээ илүү найдвартай, чанартай бүтээгдэхүүн хэрэглэхийг хүсвэл гэртээ бэлдэх боломжтой. Мармеладын адилаар байгалийн гаралтай цэвэр бүтээгдэхүүн байх хэрэгтэй гэдгийг санаарай. Үйлдвэрийн газрууд заримдаа хэмнэлт гаргаж элсэн чихэр нэмэх нь бий. Харин халваны найрлагад зөгийн бал ордог юм. Цэвэр халва нь зөв хооллолтын дэглэм сахиж буй хүмүүст нэн тустай. Учир нь халва амин дэм, уургаар баялаг бөгөөд өглөө бэлтгэл сургуулилт хийхийн өмнө идэхэд тохиромжтой. Харин оройн цагаар бүү идээрэй. Үүнээс гадна тогтмол халва хэрэглэх нь цусны эргэлтийг сайжруулдаг учир та толигор сайхан арьстай болох болно. 

Халва

4 Нарийн боов

Хэдийгээр үүнд итгэхэд бэрх ч зөв орцтой гэртээ хийсэн нарийн боов нь таргалалт үүсгэдэггүй гэнэ. Жишээлбэл: Эрүүл мэндэд хор хөнөөлтэй транс тос агуулдаг маргарины оронд ургамлын тос, цөцгийн тосыг хэрэглэж болно. Харин энгийн элсэн чихрийг бор элсэн чихэр, эсвэл фруктозаар солих нь зүйтэй. Гурилын хувьд бүхэл үрийн гурил сонгох хэрэгтэй бөгөөд 1:1 хэмжээгээр буудайн гурилтай холиорой. Хөөлгөгч болон будагч бодисоос татгалзах хэрэгтэй. Үүний оронд жимс нэмж болно. Орой бэлдэж тавиад, үдээс өмнө идэх нь хамгийн тохиромжтой.

Нарийн боов

5 Шоколад

Хар шоколадны талаар яригдаж байгаа гэдгийг та ойлгож байгаа болов уу. Хэрвээ таны идэх гэж буй шоколадны 60-70% нь какаоноос бүрдсэн бол санаа зоволтгүй идэж болно. Хэтрүүлэн хэрэглээгүй тохиолдолд энэ төрлийн амттан нь цусны даралтыг тогтворжуулж, хоол боловсруулалтыг сайжруулж, бүсгүйчүүдийн хувьд сарын тэмдэг ирэх үеийн өмнөх синдромыг давж туулахад тусална. Үүнээс гадна хар шоколад нь хавдар болон чихрийн шижин үүсэхээс сэргийлнэ.

Анхаар: Ямар нэгэн самар, сүү ороогүй зөвхөн хар шоколадны талаар яригдаж байгаа гэдгийг санаарай. Самар нь тослог ихтэй бүтээгдэхүүн учир даралт нэмэгдүүлдэг гэдгийг мартаж болохгүй.

Шоколад

6 Зефир

Зефирийг эрүүл мэндэд ялангуяа бие галбирт тустай гэдэгт итгэхэд бэрх байгаа биз. Гэтэл үнэн хэрэгтээ шинэ зефир нь фосфор, төмөр, пектинээр баялаг гэнэ. Пектин нь хүнд металлыг бие организмоос гаргадаг юм. Тиймээс судсанд сайнаар нөлөөлдөг. Гэхдээ орой гүйснийхээ дараа зефирийг идэж болохгүй бөгөөд найрлагад нь эмульгатор болон бусад төрлийн бодис байх ёсгүй.

Зефир

7 Безе

Энэхүү амттан нь өндөгний нэгэн өөр хэлбэр юм. Безений найрлагад элсэн чихэр болон өндөгний цагаан багтдаг бөгөөд илчлэг багатай амттаны тоонд орно. Тиймээс үдээс өмнө ажил руугаа явах замдаа идэхэд нэн тохиромжтой.

Безе

8 Цэлцэгнүүр

Мармеладын адилаар цэлцэгнүүрийг гэртээ хийх нь зүйтэй. Дэлгүүрийн цэлцэгэнүүрт их хэмжээний нэмэлт бодис агуулагдсан байдаг учир таны эрүүл мэндэд сайнаар нөлөөлөх нь юу л бол. Цэвэр цэлцэгэнүүрийн давуу тал нь хоол боловсруулах эрхтний үйл ажиллагааг дэмжиж өгдөг.

Цэлцэгнүүр

9 Зайрмаг

Зайрмаг нь хамгийн амттай эрүүл мэндэд тустай бүтээгдэхүүн гэвэл та итгэх үү? Гэхдээ энэ нь илчлэг ихтэй, олон төрлийн сироп агуулсан байх ёсгүй. Гэртээ жимсээр хийсэн мөсөн зайрмаг нь турж буй танд хамгийн хэрэгтэй зүйлийн нэг байх болно. Харин дэлгүүрийн мөсөн зайрмаг худалдаж авах гэж байгаа бол орцыг нь сайн уншаарай.

Зайрмаг

10 Смүүти

Зуны улиралд барьж буй дэглэмийг смүүтигүйгээр төсөөлөхийн аргагүй. Маш олон төрлийн смүүтиний  жор байдаг бөгөөд энэ бүхэн бүгд бидний эрүүл мэндэд тустай гэдгийг санаарай. Ингээд та хялбархан аргаар амттан хийж болох нь ээ.

Смүүти

17
таалагдаж байна

6
таалагдахгүй байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()