Унтаж чадахгүй байвал юу хийх хэрэгтэй вэ?

Дэлхийн дийлэнх хүмүүс нойрны асуудалтай байдаг. Судалгаагаар АНУ-ын иргэдийн 68 хувь нь долоо хоногт нэг удаа нойргүйдэлд өртдөг хэмээжээ. Завгүй цагийн хуваарь, санаа зовнил, амьралд тулгарах асуудлууд, стресс гээд нойргүйдэлд хүргэх шалтгаан олон. Нойргүйдэл нь өдгөө дэлхий нийтийг хамарсан томоохон асуулдлуудын нэг болсон тул "somnologist" буюу нойрны эмгэг судлаачдын тоо нэмэгдэж байна. Тэдний хэлж буйгаар унтаж чадахгүй байгаадаа санаа зовох нь нойргүйдэлд улам их хүргэдэг байна. Тиймээс нойрны эмгэг судлаачид нойр тань хүрэхгүй, унтаж чадахгүй байгаа тохиолдол дараах аргуудыг хэрэглэхийг зөвлөж байна.

Унтаж чадахгүй байвал юу хийх хэрэгтэй вэ?
ШӨНИЙН ХЯМДРАЛ 50%
Хаах
Сурталчилгаа

Таныг тайвшруулах хөгжим сонс. Мэдээж рок, хип хоп дуу таныг тайвшруулах байтугай улам нойрыг тань сэргээнэ. Харин сонгодог, уянгалаг дуу сонсох нь таны мэдрэлийн системийг тайвшуурдаг.  Энэ аргыг том хүнд ч гэлтгүй хүүхдүүдийг унтуулахад ч хэрэглэхэд тохиромжтой гэж нойрны эмгэг  судлаачид зөвлөж байна.

Цаг руу битгий хар. Нойр тань хүрэхгүй байсан ч цаг хэдийг зааж байгааг бүү хар. Энэ нь таны нойрыг улам сэргээж, та унтаж чадахгүй байгаадаа илүү их санаа зовон, бүх л шөнөжин цагийн зүү сонсож, түгших болно.

Тухайн цаг үеийг таатай өнгөрүүл. Дулаахан хөнжилдөө сэтгэл амар амрахыг хичээ. Маргаашийн ажил, хурал цуглаан юуны ч тухай бодох хэрэггүй.

Амралтын өдрөөр хангалттай унтаж чадна гэж байнга өөртөө сануул. Хэдхэн цагийн дараа ажилдаа явах ёстой байтал би унтаж чадахгүй байна гэж бодох хэрэггүй. Танд унтаж амрах хангалттай цаг бий.

Утсаа битгий оролд. Утсаа авсан л бол та янз бүрийн нийгмийн сүлжээ, хөгжилтэй бичлэг үзэх, эсвэл хэн нэгэнтэй чатлах гээд нойроо улам сэргээдэг.

Ном унш. Интернетээс ялгаатай нь ном унших нь таны нойрыг хүргэхэд сайнаар нөлөөлнө. Та орондоо уншилгүйгээр сандал дээрээ суугаад ажлын ширээ, буйдан дээрээ сууж уншихыг зөвлөе. Ингэснээр таны оюун ухаан ажиллах горимд шилжиж, төд удалгүй та ядарснаа ойлгон орондоо орж амар тайван унтах болно.

Нойрны эмнээс татгалз. Нойрны эм, тайвшруулах эм нь зуршил болж та түүнгүй л бол унтаж чадахаа болино. Мөн өөр ямар нэгэн нойронд нөлөөлөх эм хэрэглэж болохгүй.

Харин аргаа барсан тохиолдолд мелатонин (нойрыг хэвийн болгоход тусална) хэрэглэж болно. Эмчийн шаардлагагүйгээр хамгийн бага тунгаар буюу 3-5 мг-ийг хэрэглэж болно.

Нарнаас илч авах. Мелатонин тус болохгүй бол та заавал тунг нь нэмж хэрэглэх шаардлагагүй. Өглөөний наранд алхаж, нарны туяанаас илч авах нь танд нэн тустай.

Бүрэн дүүрэн, сайн амар. Орондоо хэвтэж байхдаа бие махбодоо сайн амрааж, биеийн бүх булчинг суллан,  бүх санаа бодлоо орхин, оюун санаагаа тайван, амгалан байлга.

Спортоор хичээллэ. Дасгал хөдөлгөөн нь сайн унтаж амрахад нэн тустай. Ямар нэгэн зүйл хийгээд ядарч сульдах үед хүн амархан унтаж амардаг. Хэрэв та биеийн хүчний ажил хийдэггүй бол фитнесст явж, дасгал хөдөогөөн тогтмол хийгээрэй. Ядаж л өдөр тутам гэрээ тойроод алхаж болно.

Өөрийгөө бүү зэмлэ. Ихэнх хүмүүс шөнө орой орондоо хөрвөөж, ийшиээ тийшээ харж, унтах гэж оролддог. Хамгийн гол нь нойргүйдэл таны хувьд тийм ч хэцүү асуудал биш, би давж чадна гэж өөртөө итгүүлж байгаарай.

Элсэн чихэр, кофейн бага хэрэглэ. Бургер, шоколад, өтгөн цайнд хэчнээн дуртай байлаа гэсэн эрүүл мэнддээ хайртай л бол татгалзаарай. Нүүрс ус ихтэй хоол хүнс, элсэн чихэр, кофейн  нь нойргүйдэлд хүргэхээс гадна эрүүл мэндэд маш сөрөг нөлөөтэй.

Унтахын өмнө өөртөө амрахад тухтай орчинг бүрдүүл. Өрөөний тод гэрлүүдийг унтрааж, шөнийн гэрлээ л асаа. Хүүхдүүддээ үлгэр уншиж өгч, тохь тухтай орчинг бүрдүүл. Ингэснээр тархи амарч, амрах горимд шилжинэ.

Сэтгэгдэл бичих

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()