Дэлхийн хамгийн өвөрмөц давсны уурхай дахь амьдрал

Английн гэрэл зурагчин Кирилл Кулецкий (Kirill Kuletski) Украйны Солотвино тосгонд орших нэгэн өвөрмөц сувиллын газрын зургийг гэрэл зургийн хальсанд буулгаж авч чаджээ. Уг сувилал нь газар доор байрлах давсны уурхайд багтраа өвчтэй хүмүүсийг эмчилдэг байсан юм. 

Дэлхийн хамгийн өвөрмөц давсны уурхай дахь амьдрал
4 СУПЕР АЗТАН!
Хаах
Сурталчилгаа

Уг газар 18-р зууны үед анх давсны уурхай болон байгуулагдсан бөгөөд харин 1970-аад оны үед энд Украины харшлын эмнэлэг байгуулагдаж байсан аж. 

Уурхайгаас гадна Солотвинод давстай нуурууд байдаг бөгөөд тэдгээрийн давсны агууламж Сөнөсөн тэнгисээс өндөр байдаг гэнэ. 

Солотвинод багтраа болон бусад амьсгалын замын өвчнийг эмчлэхэд ашигладаг эмчилгээ буюу спелеотерапигийн сувилал байрлана.

1950-иад оны үед Польшид спелеотерапи эмчилгээг анх нээсэн байдаг. Эмч нар давсны уурхайн ажилчид сүрьеэ өвчнөөр бараг өвдөхгүй байгааг анзаарсны дараа тус эмчилгээг боловсруулсан юм. 

Уурхайн давсаар уушгинаас цэрийг зайлуулж, амьсгалын замын халдвар үүсгэдэг бичил биетнийг устгахад тусалдаг аж. 

Давсны уурхайн агаар нь ердийн тасалгааны агаараас хэдэн арав дахин бага бичил биетнийг агуулдаг.

Амьсгалын замын өвчнөөс гадна давслаг агаар нь арьсны янз бүрийн өвчин, түлэгдэлтийн өвчтэй тэмцэхэд тусалдаг.

Солотвино тосгонд байрлах эмнэлэг нь газрын гадаргаас 300 метрийн гүнд хонгилд байрладаг юм. Энд байгаа температурыг жилийн туршид хасах 22 хэмтэй байдаг. 

Солотвинскийн эмнэлэг нь спелеотерапия аргыг ашиглан амьсгалын замын өвчнийг анагаадаг дэлхийн хамгийн том байгууллага байв.

Жил бүр 300-500 хүн Солотвины давсны уурхайд эмчилгээ хийдэг байсан бөгөөд эмнэлэгт очихын тулд ихэнхдээ хүлээлгийн жагсаалтад бүртгүүлэх шаардлагатай байв.

Эмнэлэгт хэвтэх ердийн хугацаа 24 хоног байв. Өвчтөн бүх цаг хугацааг газар доор өнгрөөхгүй, бусад цагт нь цахилгаан шатаар газар дээр гарч ирдэг байсан.

Эмчилгээний үеэр өвчтнүүд хаданд суулгасан ор, тод гэрэлтүүлэгтэй хонгилд хэвтдэг аж. Мэдээж тэднийг хоорондоо ярилцах эсвэл ном уншихыг зөвшөөрдөг байсан юм.

Эмчилгээний өрөөнүүдээс гадна газар доорх сувилалд угаалгын өрөө, номын сан хүртэл байдаг байжээ. 

Солотвино дахь давсны үйлдвэрлэл 2000 оны эхээр газрын доорхи усны түвшин огцом өсөлтөөс болж зогссон. Агааржуулалтын босоо аманд ус орсны дараа спелеотерапийн тасгийг 2008 онд хаасан байна. 

Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()