Бидний үргэлж хэрэглэдэг эд зүйлсийг хэрхэн хадгалах ёстой байдаг вэ?

Бид талхыг талхны саванд, өндөг болон сүүг хөргөгчинд, жигнэмэгийг ширээн дээр үлдээгээд сурсан хэдий ч гэрийн бусад зүйлст төдийлөн анхаарал хандуулдаггүй билээ. Жишээлбэл: угаалгын нунтгийг угаалгын машины хажууд үлдээж, дарсны хундагыг доош харуулж, хайруулын тавгийг давхарлаж тавьдаг. Гэтэл эдгээр хадгалах горим үнэхээр зөв байж чаддаг болов уу. Энэ талаар мэдээллийг бид танд хүргэе.

Бидний үргэлж хэрэглэдэг эд зүйлсийг хэрхэн хадгалах ёстой байдаг вэ?
4 СУПЕР АЗТАН!
Хаах
Сурталчилгаа

1 Тос болон бусад арьс арчилгааны бүтээгдэхүүн

Гоо сайхан арьс арчилгааны бүтээгдэхүүнээ бид ихэнхдээ угаалгын өрөөндөө хадгалдаг билээ. Угаалгын өрөө бидний мэдэхээр гэрэлтэй, чийглэг, бас халуун байдаг. Гэтэл гоо сайхны бүтээгдэхүүнийг нарны тусгалаас хол, хуурай, сэрүүн газар хадгалах заавартай байдаг гэнэ. Жишээлбэл: өрөөний шүүгээ. Хэрвээ таны гоо сайхны бүтээгдэхүүний найрлаганд байгалийн гаралтай бүтээгдэхүүн эсвэл биологийн нэмэлт бүтээгдэхүүнүүд орсон байвал хөргөгчинд хадгалсан нь дээр.

Үүнээс гадна хавангийн эсрэг гелийг хөргөгчинд хадгалах нь илүү үр дүнтэй.  Хүйтэн байдал судсыг нарийсгадаг учир хаван хурдан буудаг байна.

Тос болон бусад арьс арчилгааны бүтээгдэхүүн

2 Нүүр будалтын бүтээгдэхүүн

Ихэнх бүсгүйчүүд сормуусны будаг, энгэсэг, уруулын будгаа тосны хамтаар угаалгын өрөөндөө хадгалдаг. Ийнхүү угаалгын өрөөнд хадгалах нь нүүр будалтын бүтээгдэхүүнд их хэмжээний нян хуримтлагдахад нөлөөлдөг бөгөөд зарим нь эрүүл мэндэд хортой байх ч магадлалтай.

Сормуусны будаг болон контурыг сэрүүн хуурай газар хадгалах хэрэгтэй. Гэхдээ энэ тохиолдолд хөргөгч тохиромжгүй. Нүдэнд үл үзэгдэх нүдний өвчлөл үүсгэх магадлалтай нян саван дотор орох магадлалтай. Хуурай, нунтаг гоо сайхны бүтээгдэхүүнүүд чийглэг болон дулаан газраас маш их айдаг учир угаалгын өрөөнөөсөө нэн даруй хураах нь зүйтэй.  Эдгээр бүх бүтээгдэхүүнийг өрөөнийхөө шүүгээнд хадгалахад болно. Харин уруулын будгийг хөргөгчинд хадгалах нь тохиромжтой  хэмээн мэргэжилтнүүд зөвлөж байна.

Нүүр будалтын бүтээгдэхүүн

3 Хумсны будаг

Нар болон дулааны нөлөөлөлд автсан хумсны будагны будагч пигментүүд хайлж, чийглэг ихтэй байсны улмаас хууларч эхэлдэг.  Тиймээс цонхны тавцан, угаалгын өрөөнд хумсны будаг хадгалах шууд хориотой. Харин гоо сайхны салонуудын адилаар өрөөндөө шүүгээнд хадгалах нь зүйтэй.  Хэрвээ хумсны будагныхаа өнгийг илүү удаан хадгалахыг хүсэж байвал хөргөгчинд хадгалж болно.

Хумсны будаг

4 Нүүр будалтын багс, паралон

Дусал хэлбэртэй кремний паралон бүсгүйчүүдийн өргөн хэрэглээний зүйлсийн нэг билээ. Крем тараах, угааж цэвэрлэхэд маш хялбар байдаг. Мэдээж, мөн л бусад бүтээгдэхүүний адилаар угаалгын өрөөнд хадгалах нь элбэг. Гэтэл нүүрний багсны адилаар чийглэг орчинд паралон дээр их хэмжээний нян, хөгз хуримтлагдана.  Гоо сайхны бүхий л багаж хэрэгслийг хуурай, агааржуулалт сайтай орчинд хадгалах хэрэгтэй байдаг.

Нүүр будалтын багс, паралон

5 Үнэртэй ус

Үнэртэй усыг илүү удаан чанарыг нь алдагдуулахгүйн тулд хөргөгчинд хадгалж болох тал дээр мэргэжилтнүүд маргасан байна. Эцэст нь "eau de toilet" болон "cologne"-ийг л хөргөгчинд хадгалах боломжтой гэсэн дүгнэлтэнд хүрчээ. Учир нь эдгээр бүтээгдэхүүнд спирт их, харин эфирийн тос бага байдаг учир бага даралтнаас айдаггүй. "Eau de parfume"-ийн хувьд эфирийн тос ихтэй байдаг учир хөргөгчинд хадгалсны дараа та үнэрийг нь бараг л танихгүй. Хүйтнээс гадна үнэртэй ус нь нар, халуун болон өндөр чийгшлээс маш их байдаг.Тиймээс шүүгээнд л хадгалах хэрэгтэй болох нь ээ.

Үнэртэй ус

6 Ариун цэврийн хэрэглэл, тампон

Бүсгүйчүүд ариун цэврийн хэрэглэлийг ихэвчлэн шүүгээ эсвэл угаалгын өрөөндөө хадгалдаг. Гэтэл угаалгын өрөөнд буй ариун цэврийн хэрэглэл нь чийгшлийг өөртөө шингээж, нян хуримтлагдах таатай нөхцөл бүрддэг байна. Ариун цэврийн хэрэглэлийг шүүгээ, хаалттай хайрцганд хадгалах боломжтой. Бусад газар төдийлөн тохиромжтой биш гэдгийг санаарай.

Ариун цэврийн хэрэглэл, тампон

7 Торгон эдлэл

Хэрвээ та торгон цамц эсвэл алчуураа хувцасны шүүгээнийхээ буланд хадгалдаг бол таны нандин хувцсыг мойл зооглож байгаа болов уу. Торгон хувцсыг мойлноос хамгаалахын тулд шүүгээнд хийхийнхээ өмнө маш сайн угаах хэрэгтэй.  Учир нь мойл нь арьсны үлдэгдэл, хөлсний толбонд ихээр наалдана.

Харин удаан хугацааны туршид хадгалах гэж байгаа бол цаасан уутанд хийгээд хааяа нэг гаргаж, сэгсрэх эсвэл угаах хэрэгтэй. Үүнээс гадна мойлноос хамгаалах бодисыг уут бүрт хийж тавиарай.

Торгон эдлэл

8 Хөхний даруулга

Бүсгүйчүүд хөхний даруулгаа голоор нь нугалж, бусад дотуур хувцасны хамтаар хадгалдаг.  Энэ нь бүдүүлэг харагдахаас гадна хөхний даруулга хэлбэрээ алдах, сунах гэх мэт сөрөг үр дагаварыг дагуулдаг байна. Үүнээс гадна өлгүүр дээр хавчаараар өлгөх ч хэрэггүй.

Хөхний даруулгаа илүү удаан хадгалахын тулд тусгай өлгүүрт өлгөх, эсвэл шүүгээнд эвхэж хадгалах хэрэгтэй байдаг.  Хэрвээ зай байхгүй бол дээр дээрээс нь давхарлаж болно. Хамгийн гол нь аяга нь тэгш байх хэрэгтэй.

Хөхний даруулга

9 Урт түрийтэй гутал

Бид гутлан дотроо сонин хийж, урд талын хэсгийг нь гэмтэхээс хамгаалдаг ч түрийг нь мартаж орхидог.  Ингээд үүний үр дүнд түрий нь хугарсан, нугарсан гутал гарч ирнэ. Тиймээс зөвхөн гуталныхаа урд хэсэгт төдийгүй, түрийнд нь ч гэсэн цаас чихэх, ямар нэг юмаар дүүргэх хэрэгтэй.  Зориулалтын дүүргэгч, сонин сэтгүүл, хуванцар сав гээд бүхий л зүйлийг ашиглаж болно.

Урт түрийтэй гутал

10 Эмэгтэй цүнх

Улирлын бус хувцас гутлыг хадгалахдаа хүмүүс анхаарал бага ч болов хандуулдаг бол цүнхийг хувцасны шүүгээндээ хийгээд мартаж орхидог. Ингээд цүнх хэлбэрээ алдаж, маш олон тооны сэвтэй болно.  Удаан хугацааны турш хадгалсан ч шинэхэн мэт цүнхтэй байхыг хүсвэл цүнхэн дотроо зөөлөн цаас эсвэл бөмбөлөгтэй уут хийгээрэй.  Үүнээс гадна арьсыг нь хамгаалж, боох хэрэгтэй. Эцэст нь цүнхэн дотроо амьсгалдаг уутыг хийхэд л хангалттай.

Эмэгтэй цүнх

11 Гоёл чимэглэл

Ихэнхидээ бид хүзүүний зүүлтийг өлгөж, харин бусад гоёл чимэглэлийг хамтад нь зиплок уутанд хийдэг.  Гэтэл үнэн хэрэгтээ бүх гоёл чимэглэл бүгд тусдаа нэг нэг саванд байх хэрэгтэй аж. Хэрвээ энгийн гоёл чимэглэлийг хуванцар уутанд хийж болох бол үнэт чулуу, үнэт эдлэл нь гэмтэж, өнгөө алдсан хэврэг болдог байна. Үүнээс гадна сувдан зүүлтийг өлгөх хэрэггүй.

Гоёл чимэглэл

12 Түлэгддэггүй хайруулын таваг

Түлэгдэж, наалддаггүй давхарга бүхий хайруулын тавгийг төмрөөр угааж болохгүй гэдгийг хүн бүр мэддэг ч шинэхэн угаасан хайруулан тавгаа давхарлаж хураадаг.  Үүнээс болж хайруулын тавган дээр сэв үүсэж, түлэгдэлтийн эсрэг давхарга арилаж эхэлдэг байна. Тиймээс хайруулын тавгийн завсар бүртээ цаасан алчуур хийж тавих хэрэгтэй.

Түлэгддэггүй хайруулын таваг

13 Шилэн аяга

Гэрийн эзэгтэй нар шилэн аягаа хураахдаа ихэнхидээ доош нь харуулж тавьдаг бөгөөд энэ аргаар аяган дотор их хэмжээний тоос хуримтлагдахаас сэргийлдэг гэнэ. Хэдийгээр энэ нь зөв арга мэт санагдаж байгаа ч доошоо харуулж тавьсан үед шилэн хундаганы ирмэг дээр бүх ачаалал ирж бага багаар хундага цуурч эхэлнэ. Тиймээс дээшээ харуулж хадгалах нь хамгийн тохиромжтой.

Шилэн аяга

14 Угаалгын нунтаг

Угаалгын нунтгийг буруу хадгалах боломжтой гэж үү? Тиймээ. Угаалгын нунтаг үйлдвэрлэгчид хадгалах горимыг бичихдээ хуурай, 25°С хүртэл газар хадгалах хэрэгтэй хэмээн зөвлөдөг. Хэрвээ угаалгын нунтгийг тогтмол угаалгын өрөөнд хадгалах юм бол чийгтэж, чанараа алддаг байна. Тиймээс угаалгын нунтгийг өөр хуурай газар хадгалах, эсвэл ус нэвтэрдэггүй саванд хадгалах хэрэгтэй байдаг.

Угаалгын нунтаг

15 Зай болон аккумлятор

Зайг 15°С-т хуурай газар хадгалах хэрэгтэй байдаг. Гэтэл бид хүүхэд байхаасаа эхлэж суусан зайг цэнэглэхийн тулд хөлдөөгчинд хийх хэрэгтэй гэсэн ойлголттой болсон байдаг билээ. Тэгвэл энэ  хаанаас үүсэлтэй юм бол?

Гэтэл эрт дээр үеийн хуучин никель зайнууд амархан цэнэг нь дуусаж, хөлдөөгчинд хийсний дараа илүү сайн ажиллаж байсан аж.  Харин орчин үеийн литиион бүхий зайнууд нь өрөөний температурт илүү сайн ажиллаж, хэт хүйтэнд эсвэл хэт халуунд чанараа алддаг байна. Тиймээс шүүгээнд хадгалсан нь хамгийн тохиромжтой.

Зай болон аккумлятор

Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()