Хүн бүр амьдралдаа дор хаяж нэг удаа үзэх ёстой 30 кино

Өөр өөрийн цаг үед үзэгчдэд мартагдашгүй сэтгэгдэл төрүүлж, дэлхийн кино урлагт гүн гүнзгий нөлөөлсөн 30 киног та бүхэнд хүргэж байна. 

Хүн бүр амьдралдаа дор хаяж нэг удаа үзэх ёстой 30 кино
4 СУПЕР АЗТАН!
Хаах
Сурталчилгаа

1 2001: A Space Odyssey

Шинжлэх ухааны уран зөгнөлт төрлийг хөгжүүлэх эхлэлийг тавьсан уг кино нь гадаад ертөнцөд компьютерийн тусгай эффектгүйгээр "очих" боломжтой болохыг харуулсан юм.

2001: A Space Odyssey

2

Алдарт найруулагч Федерико Феллинигийн бүтээсэн уг кино нь түүхэн дэх хамгийн агуу кинонуудын нэгт тооцогддог. 

8½

3 The Godfather

Нью-Йорк дахь Сицилийн мафийн гэмт хэргийн тухай кино нь Америкийн Кино Хүрээлэнгээс гаргасан кино урлагийн түүхэн дэх хамгийн шилдэг кинонуудын жагсаалтын хоёрдугаарт бичигддэг ажээ. 

The Godfather

4 The Kid

Чарли Чаплиний анхны бүрэн хэмжээний бүтээл нь түүний уран бүтээлийн хэв маяг нь хөгжилтэй богино хэмжээний кинонд төдийгүй эмгэнэлт төрөлд тохирохыг харуулсан юм.

The Kid

5 Psycho

Хичкокийн сэтгэлзүйн аймшигт бүтээл нь олон нийтэд мартагдашгүй сэтгэгдэл төрүүлж байв. 

Psycho

6 Tokyo Story

2012 онд Британийн "Sight & Sound" сэтгүүлээс 358 найруулагчийн дунд явуулсан санал асуулгын үр дүнд Японы Ясүжиро Озугийн энэхүү кино нь дэлхийн дэлгэцийн урлагийн хамгийн гайхалтай бүтээлээр тодорчээ.

Tokyo Story

7 The Shawshank Redemption

Энди Дюфрейний цуцашгүй хүсэл зориг, тууштай байдлын тухай түүх нь сүүлийн арван жилийн хугацаанд үзэгчдийн үзэж байгаагаар бүх цаг үеийн шилдэг киноны жагсаалтыг тэргүүлж байгаа юм.

The Shawshank Redemption

8 Forrest Gump

Найруулагч Роберт Земекисийн карьерын шилдэг кино, Том Хэнксийн хамгийн гайхалтай дүр. 1994 онд "Форрест Гамп" хамгийн их ашиг орлого олсон кино болж, "Оскар-1995" -ын 6 шагнал хүртсэний дотор гурван томоохон шагнал, дэлхийн өнцөг булан бүрт 38 киноны шагналын эзэн болсон юм.

Forrest Gump

9 War and Peace

1969 онд энэхүү кино нь Шилдэг гадаад киноны төрөлд Оскарын шагнал хүртсэн. Зарим үзэгдлүүдийг өөрчлөх шаардлагатай болсон хэдий ч үр дүн нь бүх хүлээлтээс давсан юм. Дэлхийн өнцөг булан бүрээс ирсэн найруулагчид Сергей Бондарчукийн тулалдааны гайхалтай үзэгдлүүдээс урам зориг авч байжээ. 

War and Peace

10 The Lion King

1994 онд уг хүүхэлдэй анх гарч байх даа тасалбар борлуулалтаараа тэргүүлж байжээ. Энэхүү рекордыг нь "Finding Nemo" хүүхэлдэйн кино 9 жилийн дараа эвдэж байсан байна.

The Lion King

11 Fight Club

Хэрэглэгчийн нийгмийн ёс суртахууны уналтын тухай түүх нь үзэгчдийн сонирхлыг ихээхэн татаж чадсан юм. Гэхдээ энэ нь тэр дороо амжилт олоогүй юм. Ашиг орлогын хувьд кино бүтэлгүйтсэн бөгөөд тухайн үед ихээхэн шүүмжлэлийг хүртэж байжээ. Одоо энэ бол 20-р зууны сүүлчээр гарсан хамгийн их нэр алдард хүрсэн киноны нэгээр тооцогддог.

Fight Club

12 Inception

Энэхүү бүтээл нь толгой эргэм зохиолыг жирийн үзэгчдэд хэрхэн хүргэж болохыг харуулсан хамгийн сайн жишээ юм.

Inception

13 Andrei Rublev

Бүтээлч байдлын мөн чанар, суут хүний ​​зовлонт замналын талаархи гунигт тусгал нь дэлхийн кино урлагийн сонгодог бүтээл болжээ. Английн “Sight & Sound” сэтгүүлээс 2012 онд 358 найруулагчийн дунд явуулсан санал асуулгын дүнгээр “Andrei Rublev” хамгийн гайхалтай бүтээлүүдийн эхний аравт багтжээ.

 

Andrei Rublev

14 Stalker

Кино шүүмжлэгч Антон Долин: “Тарковский бол кино урлагийн хувьд уран зохиолд Пушкины эзлэх байр суурьтай адил үнэлэгдэх хүн юм. Сталкер бол түүний Евгений Онегин юм." гэж байжээ. Энэхүү кино нь Ларс фон Триер, Жорж Данелиа, Мамору Оший нарын бүтээлүүдээс эхлээд STALKER компьютер тоглоомд хүртэл нөлөөлсөн байна.

Stalker

15 The Pianist

2003 онд Оскарын гурван шагналыг хүртсэн Роман Поланскийн шилдэг кино нь нацистуудын булаан эзэлсэн Польш улсад амьд үлдсэн еврей төгөлдөр хуурч Владислав Шпилманы тухай бодит түүхээс сэдэвлэсэн юм.

The Pianist

16 The Matrix

"The Matrix” нь шинэ мянганы эхлэлийг тавьсан юм: заримд нь шинэ философи, бодит байдлын мөн чанарыг өөрчлөх, шинэ баатарыг харуулсан бол, бусад хүмүүст гайхалтай визуал эффектийг мэдрүүлсэн онц сонирхолтой бүтээл юм..

 

The Matrix

17 The Lord of the Rings

Питер Жексоны гурамсан кино бол урьд өмнө нь театруудаар гарч байсан хамгийн гайхалтай, хүний ​​сэтгэлийг баясгасан уран зөгнөлт кинонуудын нэг юм. Гурав дахь анги нь "Хааны эргэн ирэлт" нь "Оны шилдэг кино" -оор Оскар хүртсэн анхны уран зөгнөлт кино болжээ.

The Lord of the Rings

18 12 Angry Men

Нэг өрөөнд бүх үйл явдал нь өрнөх хэдий ч  ихээхэн сонирхол татах кино бол "12 Angry Men" юм. IMDb дээр энэхүү кино нь 5-р байранд бичигддэг.

12 Angry Men

19 Titanic

Жеймс Камероны "Titanic" кино нь энэхүү найруулагчийн дараагийн бүтээл болох "Avatar" нээлтээ хийтэл кино урлагийн түүхэн дэх хамгийн их ашиг олсон кино байжээ. 1998 онд Титаник 14 Оскарын шагналд нэр дэвшиж, 11-ийг нь авч байсан юм.

Titanic

20 The Silence of the Lambs

Антони Хопкинс "The Silence of the Lambs" сэтгэлзүйн триллерт гаж донтны дүрийг маш сайн бүтээж чадсан. 

The Silence of the Lambs

21 Pulp Fiction

Уламжлалт бус өрнөлтнэй энэхүү киноны амжилт нь гэнэтийн зүйл байв. Хачирхалтай харилцан яриа, гүн ухаанч алуурчид гэх мэт сонин содон зүйлсээр дүүрэн энэхүү бүтээл дээр гардаг ишлэлүүдийг өдгөө хаа сайгүй хэрэглэх болжээ. 

Pulp Fiction

22 The Shining

1990 онд "Misery"-ээс өмнө "The Shining" нь Стивен Кингийн хамгийн их ашиг орлого олсон кино байсан юм. Гэхдээ зохиолч өөрөө энэхүү зохиолд дургүй байжээ. Гэхдээ киноны алдар хүндээс харахад үзэгчид Кингтэй санал зөрж байгаа бололтой. 

The Shining

23 The Terminator

Жеймс Камероны хүрсэн бүх зүйл тухайн эрин үе дэх шилдэг бүтээл болж хувирдаг бололтой. Үхэшгүй мөнх роботын нэгэн эмэгтэйг хөөж байгаа тухай энгийн зураглал нь 80-аад оны гол блокбастеруудын нэг болжээ. "I'll be back" бол хамгийн алдартай киноны ишлэлүүдийн нэг бөгөөд бусад кинонуудад мөн иш татагдсан байдаг.

The Terminator

24 Star Wars

Олон киног хэнд ч анзаарагдалгүйгээр кино урлагийн түүхээс хасаж болно. Гэхдээ "Оддын дайн" -гүйгээр өнөөгийн ертөнцийг төсөөлөхийн аргагүй юм. Гол нь Диснейн үргэлжлэлд биш харин сансрын үлгэрийн баатрууд болох Люк, Леиа, Хан Соло, Дарт Вейдер бидний амьдралд хэрхэн баттай нэвтэрсэнд учир нь байгаа юм. 

Star Wars

25 A Beautiful Mind

Мянган жилийн зааг дээр бидний ойлгосон бодит байдал хэр бодитой вэ гэсэн асуулт хүн бүрийг маш ихээр түгшээж байсан бөгөөд энэ талаархи кино ихээхэн бүтэж байсан юм. Тэгвэл "A Beautiful Mind" нь энэ төрлийн хамгийн сайн бүтээлүүдийн нэг юм.

A Beautiful Mind

26 Back to the Future

Док, Марти буюу киноны дур булаам баатрууд цаг хугацаагаар нааш цааш үсэрч, гэр бүлийн асуудлуудаа шийддэг. Энэ нь ямар үнэ цэнэтэй юм бэ? Энэ бол цаг хугацааны мөн чанарын тухай сонирхолтой оньсого, сайн ба муу зүйлийн талаархи тодорхой санаануудаар дүүрэн, өсвөр насныханд зориулсан хамгийн шилдэг кино юм.

Back to the Future

27 Some Like It Hot

Мэрилин Монрогийн тоглосон кино урлагийн түүхэн дэх хамгийн гайхалтай инээдмийн киноны нэг нь Америкийн инээдмийн кино урлагт ихээхэн шуугиан тарьж байв. Одоо энэ нь хачин юм шиг санагдаж магадгүй ч эртнээс эмэгтэйчүүд эрэгтэй хүн шиг хувцаслах нь маш эрсдэлтэй байсан ба садар самуун явдал сурталчилсан хэргээр киног цацахыг хориглодог байв. Хэдийгээр "Some Like It Hot" киног албан ёсоор гаргахыг хориглож байсан ч энэ нь Холливудад шинэ урсгал оруулж ирж байв.

Some Like It Hot

28 Battleship Potemkin

Зөвлөлтийн найруулагч Сергей Эйзенштейний бүтээл болох хар, цагаан киног амьдралдаа дор хаяж нэг удаа үзэх хэрэгтэй. Энэ бол дэлхийн кино урлаг дахь хамгийн нөлөө бүхий кинонуудын нэг юм. Энэхүү бүтээлд дурдсан ишлэлүүдийг "Загалмайлсан эцэг", "Титаник", "Бони, Клайд", "Нью Йоркийн банди", "Бенжамин Баттоны нууцлаг түүх", тэр байтугай "Гоо үзэсгэлэн ба араатан" хүүхэлдэйн киноноос олж харж болно.

Battleship Potemkin

29 Avatar

3D болон графикийн хөгжлийг маш сайтар харуулж чадсан энэхүү бүтээл нь ихээхэн амжилтыг олж чадсан юм. Уг киноны үргэлжлэл 2020 онд багтан гарах үгүйг хэлэхэд хэцүү байгаа юм. 

Avatar

30 Rashomon

Японд кино урлаг байдаг гэдгийг дэлхийд таниулан уг бүтээлд үргэлж ойр байдаг үнэнийг хайх тухай ер бусын зураглалыг харуулсан байдаг. 

Rashomon

Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()