Францын номер нэг ардын дайсан Жак Мерины түүх

2020-09-12, 14:37
2,663

Жак Мериний тухай олон ном бичигдэж, хэд хэдэн уран сайхны кино бүтжээ. Үүний үр дүнд Францад түүний дүр төрх өнөөдөр зөрчилдөж, хоёрдмол утгатай болсон байна. Зарим нь Меринийг системийг эсэргүүцсэн хувьсгалч, анархист гэж үздэг бол нөгөө хэсэг нь 40 аллага үйлдсэн босогчийг Францын түүхэн дэх гол дээрэмчин гэж нэрлэдэг аж.

Францын номер нэг ардын дайсан Жак Мерины түүх
4 СУПЕР АЗТАН!
Хаах
Сурталчилгаа

Дайны ахмад дайчин

Жак-Рене Мерин 1936 онд Парис хотын захад төрсөн. Тэрээр Коллеж де Жуилли гэх Католик шашны нэр хүндтэй коллежид сурч байсан агаад багшийнхаа чихийг хугалсныхаа төлөө  сургуулиасаа хөөгдөж байжээ. 19 настайдаа Жак Мерин гэрлэж, армид элсэв. Зоригтой, бие бялдрын хөгжил сайтай элсэгчийг тусгай хүчинд илгээж, Алжирын дайнд оролцуулжээ. Энэхүү мөргөлдөөнд Францын тусгай хүчнийхэн өөрсдийгөө шилдэг нь болохыг харуулж чаджээ.

1959 онд Алжирын дайны ахмад дайчин Францад буцаж ирээд хоёр дахь удаагаа гэрлэжээ. Тэрбээр "Цэргийн эрэлхэг одонгийн" хамт 45 калибрын гар бууг авчирсан байна. Гурван найзтайгаа Мерин дээрэм хийдэг байсан бөгөөд 1962 онд банк дээрэмдэх гэж байгаад баригдан жил хагасын турш шоронд хоригджээ. Түүнийг суллагдсаны дараа эцэг эх нь хүүгээ архитектурын товчоонд ажилд оруулсан боловч Жак хэрэг үйлдэхээ зогсоогоогүй байна. 

Дайны ахмад дайчин

Жак Мерин Алжирт алба хааж байхдаа

Канад руу зугтсан нь

Испанийн засгийн газар Меринийг тагнуул хийсэн гэж буруутгасан боловч энэ нь түүнийг 1966 онд Канарын арлуудад ресторан нээхэд нь саад болоогүй юм. Тэрээр бизнесийн үйл ажиллагааг гэмт хэргийн шинжтэй чадварлаг хослуулан юм. Женевт Мерин үнэт эдлэлийн дэлгүүр, Альпийн нурууны Шамоник хотод зочид буудал, Парист загварын байшин зэргийг дээрэмджээ. 1968 онд дээрэмчин нууц амрагтайгаа хамт Канад руу зугтаж, тэнд ээ шалгагдаж эхэлсэн байна. Шинэ хамтрагч Жан Пол Мерсьерийн хамт тэд тэрбумтан Жорж Делурьер барьцаалахыг оролдож байжээ.

Энэ бүлэглэлийг АНУ-д барьж, Канадад шилжүүлэн өгчээ. Гэмт хэрэгтнүүд баривчлагдахаасаа өмнө хөгшин шивэгчинг хөнөөсөн байна. Гэмт хэргийнхээ төлөө Мерин, Мерсье нар 10 жилийн ял авсан. 1972 онд хамсаатнууд болон бусад таван ялтан оргон зайлжээ. Зугтахаасаа өмнө тэд найз нөхөддөө эргэж ирэн тэднийг суллана гэж амласан байна.

Монреаль хотод гэмт бүлэглэл 1972 оны 9-р сарын 3-нд хэд хэдэн банк дээрэмдэж, шоронд халдаж байжээ. Буудалцааны үеэр барьцаалагчид хоёр хамгаалагчийг шархдуулсан боловч тэд дотогш нэвтэрч чадаагүй байна. Мерин, Мерсье нарыг эрэн сурвалжилж эхлэв. Дээрэмчид мөрдлөгөөс холдож, Канадын хэд хэдэн байгаль хамгаалагчдыг буудаж чаджээ. Хуурамч бичиг баримтаар дээрэмчид болон тэдний нууц амрагууд Венесуэль руу ниссэн байна.

Канад руу зугтсан нь

Франц руу эргэн очсон нь

Жилийн дараа Жак Мерин Парист буцаж ирэв. Тэрээр нийслэлийн нэгэн бааранд цагдаагийн алба хаагчийг буудаж, баривчлагджээ. 1973 оны 5-р сард домогт дээрэмчин 20 жилийн ял авчээ. Шүүх хуралдааны өмнө түүний найзуудын нэг нь түүнд револьвер өгсөн бөгөөд тэр шүүгчийг барьцаалж, цонхоор үсрэн, түүнийг гадаа хүлээж байсан машин руу зугтжээ. Дөрвөн сарын дараа түүнийг дахин баривчилж шоронд илгээсэн бөгөөд Мерин өөрийн намтарчилсан номыг "Үхлийн зөн билэг" нэрээр нэрлэжээ.

Таван жил шоронд хоригдоод тэр дахин зугтсан байна. Үүний дараа тэрээр яг л галзуурсан мэт болсон: тэр банк, казино, худалдааны төвүүдийг дээрэмдэж, хүмүүсийг золиос болгон хулгайлсан. Дээрэмчин дүрд хувирах авьяастай гэдгээ харуулж, зэвсэг хэрэглэхээс айдаггүй байв. Тухайн үед Мерин 39 аллага үйлдсэн байв.

Франц руу эргэн очсон нь

Гадаад төрхөө өөрчлөх чадвартай түүнд сэтгүүлчид "1000 царайтай хүн" хоч өгсөн

Төрийн дайсан

Мериний 1978 онд "Pari Match" сэтгүүлд өгсөн ярилцлага нь ихээхэн шуугиан тарьж байв. Тэрээр Францын засгийн газраас өндөр хамгаалалттай бүх шоронг хаахыг шаардаж, Дотоод хэргийн сайд Кристиан Боннетийг ална гэж амласан ажээ. Хэвлэлийнхэн түүнд "Ардын номер нэг дайсан" гэсэн хоч өгсөн бөгөөд улмаар 1979 оны 11-р сарын 2-нд Францын цагдаа нар дээрэмчнийг мөрдөн ул мөрийг нь илрүүлсэн байна.

Төрийн дайсан

Мерин болон түүний нууц амраг нарыг BMW машинтай Парисаар явж байхад саравчтай ачааны машин тэдний замыг хаасан байна. Дээрэмчин зогсоход 19 цагдаа үсрэн гарч ирэн гал нээжээ. Аюулгүй байдалд байхын тулд цагдаа нарын нэг нь цуст "Ардын дайсан" -ын толгой руу буудсан байна.

Жак Мерин "Paris Match" сэтгүүлийн гэрэл зурагчнаар зургаа авахуулсан нь

Цагдаагийнхан Меринд бууж өгөх боломж өгөөгүй гэж буруутгагддаг ч цагдаа нар гэмт хэрэгтнийг онц аюултай байсан гэж хариулдаг ажээ. 

Эх сурвалж: bigpicture

Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()