Эхнэр, найз бүсгүйгээ баярлуулах Солонгос бяслагтай шарсан тахианы жор

2021-03-06, 14:39
2,600

Таны амралтын өдөрт зориулан халуун ногоотой тахианы мах бүхий "buldak" хэмээх Солонгос хоолны жорыг хүргэж байна. Солонгосоор хэлээр "bul" гэдэг нь гал, "dak" гэж тахиаг илэрхийлдэг тул энэхүү хоолыг "галт тахиа" гэж орчуулж болно. Монголчуудын дуртай байдаг энэ хоолыг заавал ресторанд идэлгүйгээр гэртээ хийж, хайртай хүмүүсээ баярлуулаарай.

Эхнэр, найз бүсгүйгээ баярлуулах Солонгос бяслагтай шарсан тахианы жор
0 ТӨГРӨГ!
Хаах
Сурталчилгаа

1 Орц:

  • Тахианы цээж мах - 1 кг (2 см орчим хэмжээтэй шоо хэлбэртэй хэрчсэн)
  • "Гучугару" нунтаг улаан чинжүү - 8 х.х
  • "Гучужан" улаан чинжүүний нухаш 2-3 х.х
  • Шар буурцагны соус - 1 х.х
  • Ургамлын тос - 3 х.х
  • Нунтаг хар перец - хагас цайны халбага
  • Солонгос будааны сироп "Ssal-jocheong" - 5х.х (эсвэл зөгийн бал, сахар) 
  • Сармис - 6 хумс (жижиглэж хэрчсэн)
  • Цагаан гаа - 2 ц.х  (жижиглэж хэрчсэн)
  • Моцарелла бяслаг - 500 гр
  • Цагаан будааны боов буюу догбуги - 130 гр
  • Ногоон сонгино - 1 ш (жижиглэж хэрчсэн)
  • Ус - 30 гр

Орц:

2 Хийх дараалал:

1. Гучужан, гучугару амтлагч, шар буурцагны соус, 2 х.х ургамлын тос, хар перец, будааны сироп, сармис, цагаан гааг том саванд нийлүүлэн хийгээд сайтар холино.

2. Тахианы махаа нэмээд гараараа сайн хутгаж өгөөрэй.

Хийх дараалал:

3. Хайруулын тавганд 1 х.х ургамлын тос хийгээд халаана. Дугуй хэлбэртэй хэрчсэн догбуги нэмээд хэсэг хугацаанд хуурна. Хоёр тал нь ижилхэн хатуурч, шаргал өнгөтэй болох хүртэл нь эргүүлээрэй.

4. Амталсан тахианы махаа гүн ёроолтой хайруулын тавганд хийнэ. Саванд үлдсэн соусыг багахан устай холиод бүгдийг нь шавхаж хийх хэрэгтэй.

5. Дараа нь тагийг нь тавиад 10 минут орчим дунд зэргийн ширүүн гал дээр болгоно. Хэрэв та жирийн хайруулын таваг ашиглаж байгаа бол 7-8 минут хангалттай бөгөөд махыг түлэхгүйг хичээгээрэй.

6. Тагийг авч модон халбагаар хутгаад, догбуггиг дээр нь тавина. Галыг хамгийн бага дээр нь тавьж, таглаад дахин 10 минут болгоно. Энэ хооронд шарах шүүгээгээ халаагаарай.

7. Тахианы мах бүрэн болсны дараа дээр нь бяслагаа тарааж тавиад шарах шүүгээндээ хийнэ. Хэдэн минутын дараа бяслаг хайлж, жижигхэн хөөснүүд үүсэх үед шарах шүүгээнээс гаргана.

8. Жижиглэж хэрчсэн ногоон сонгиноо дээр нь цацаад халуунаар нь аягалаарай.

Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()