Таныг баяжихад саад болдог 12 зуршил

2021-03-28, 14:00
4,080

Тухайн хүн баян чинээлэг болно гэдэг хувийн зохион байгуулалтаас гадна зуршлаас нь их шалтгаана. Гэхдээ тийм зуршилтай байлаа гээд үргэлж хоосон явах албагүй, харин өөрийн хувийн зохион байгуулалтыг сайжруулан дутагдлаа засах хэрэгтэй. Энэ үүднээс баян болоход саад учруулдаг зуршлуудын талаар хүргэж байна.

Таныг баяжихад саад болдог 12 зуршил

1. Цөөн тооны танилтай байх

Олон хүнд шинэ танилтай болох хэцүү байдаг. Тиймээс тэд танилын хүрээгээ тэлж чадалгүй өтлөх нь бий. Харамсалтай нь бизнесийн ертөнцөд олон танилтай байж амжилтанд хүрдэг.

2. Хувь тавиланд итгэх

Бүх зүйлийг ямар нэг бурхан нь урьдаас шийдсэн учраас юуг ч өөрчилж болохгүй гэж боддог хүмүүс бий. Гэвч чинээлэг хүмүүс өөрийн ирээдүйг зөвхөн өөрийн гараар бүтээж болно гэдгийг ойлгодог.

3. Эрүүл мэндээ хайхардаггүй

Судалгаагаар амжилтанд хүрсэн хүмүүсийн 76 хувь нь өөрийгөө эрүүл байлгах тал дээр байнга анхаарал хандуулдаг гэсэн байна. Харин ядуу хүмүүсийн 13 хувь нь л өөртөө анхаарал тавьдаг гэжээ. Эрүүл биед саруул ухаан оршино гэдгээр эрч хүчээр дүүрэн э эрүүл биетэй байж л ажил хэрэг хөөцөлдөнө шүү дээ.

 

4. Эрсдэлээс айдаг

Эрсдэл хүлээхгүй байх зуршил нь бага орлоготой хүмүүсийн хамгийн том бэрхшээл юм. Ядуу хүмүүсийн цөөн хувь нь л өөрсдийн нөхцөл байдлыг сайжруулахын тулд эрсдэлд орохыг хүсдэг бол баячуудын талаас илүү хувь нь эрсдэл байнга хүлээдэг. Гэхдээ эрсдэл нь дангаараа хангалтгүй юм. Бүтэлгүй оролдлого хийсэн тохиолдолд өөр аргаар дахин эрсдэл хүлээх нь амжилтанд хүрэх хамгийн энгийн арга билээ.

5. Зорилгогүйгээр амрах

Хүмүүс ямар ч үр бүтээл гаргалгүй хий дэмий цагийг өнгөрөөх замаар амардаг. Мэдээж өөрийгөө ямар нэг зүйлээр сатааруулж байж хүн стрессээ тайлдаг ч ямар ч үр ашиггүй юм хийхийн оронд өөрийгөө хөгжүүлэхэд цагаа зарцуулсан нь дээр.

6. Орой босох

Олон хүн хүссэн цагтаа унтаж хүссэн цагтаа сэрэхийг илүүд үздэг бол чинээлэг хүмүүс ажил эхлэхээс дор хаяж 3 цагийн өмнө сэрээд хүссэн зүйлсээ гүйцэлдүүлж амждаг байна. Тэд мөн орой биш эрт унтдаг учраа нойроо хангалттай авдаг.

7. Хов базаж гомдоллох

Ядуу хүмүүс бусдыг өөлж гомдоллох замаар сэтгэлээ засдаг. Харин баян хүмүүс өөдрөг үзэлтэй хүмүүсээр хүрээлүүлэн үргэлж ирээдүйг харж явдаг. Тэдний хувьд хов базах нь тун бүдүүлэгт тооцогдоно.

8. Хөнжлийнхөө хэрээр хөлөө жий

Баячууд тансаг хэрэглээгээ гайхуулдаг ч тэдний хувьд энэ нь энгийн хэрэглээ гэдгийг олйгох ёстой. Ядуу хүмүүс харин чинээлэг харагдахын тулд хэзээ ч төлж дийлэхгүй зүйлсийг зээлээр авч эцэст нь дампуурч дуусдаг.

Харин баячууд төлөвлөгөө гаргаж, түүндээ нийцүүлэн худалдан авалт хийдэг. Жишээлбэл дундаж төсөвөөс орон сууцад 25 хувь, хоол хүнсэнд 25 хувь нь, нэн шаардлагатай зүйлст 10 хувь нь, зугаа цэнгэлд 20 хувь нь, ирээдүйд хийх хөрөнгө оруулалт 5 хувь гэж хуваадаг байна.

9. Туршлагаа дутуу үнэлэх

Олон хүн өөрсдийн чадвар болоод туршлагаа дутуу үнэлснээс болж ирээдүйтэй ажилд орж чадалгүй өнгөрөөдөг. Мөн зарим нь зөвхөн цалин бодож, танилын хүрээгээ өсгөх, туршлага болох ажилд орохоос татгалздаг байна.

10. Бусад шиг амьдрах

Бүх зүйлийг үгүйсгэх хэрэггүй. Зүгээр л бусдаас арай өөр сэтгэх гээд үз. Үргэлж бусдын адил сэтгэх гэж ородох хэрэггүй өөрт тань төрсөн шинэ соргог зүйлийг хэрэгжүүлэх тал дээр анхаарах хэрэгтэй.

11. Бүх зүйлийг хар цагаанаар бодох

Хүмүүс энэ хорвоо дээрх бүх зүйл зөвхөн сайн муу 2 талтай гэж итгэдэг. Энэ нь үнэний ортой ч нэг хүнд муугаар нөлөөлөх зүйл нөгөөд нь давуу тал болно гэдгийг ойлгох хэрэгтэй. Тиймээс бүх зүйлийг зөвхөн өөрийн бус бусдын байр суурьнаас харахыг хичээ. Ингэж байж давуу талыг олж чадна.

12. Хий гэснийг л хийдэг

Ямар ч санаачлагагүй хүний хий гэснийг хийгээд амьдрахад хангалттай гэдэгт олон хүн итгэдэг. Ийм маягаар амьдарвал идэх хоолонд санаа зовохгүй ч хэзээ ч амжилтанд хүрэхгүй. Харин санаачлага гарган шинэ зүйл эрэлхийлэх юм бол их мөнгө олохгүй ч асар их туршалага хуримтлуулан ирээдүйд амжилтанд хүрэх замаа засна.

Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()