Уурхайн нуранги доор 17 жил амьдарсан Хятад эрийн түүх

2014 оны 12-р сард Хятадын Шинжаан мужид гарсан өвөрмөц хэргийн талаар хэвлэл мэдээллийн хэрэгслүүд нэг хэсэгтээ л шуугьсан билээ. Уурхайн нуранги дор 17 жил амьдарч байсан хүн олдсон энэ явдал тэртээх 1997 онд 100 гаруй уурхайчдын аминд хүрсэн газар хөдлөлтөөс үүдэлтэй байв. Тухайн үед 7.8 баллын хүчтэй газар хөдлөлт нутгийг доргиож, чичирхийлснээс болж уурхай бүхэлдээ нурсан байна. Уурхайд нийт 118 хүн байснаас бүгдийг нь амь үрэгдсэн гэж үзсэн байжээ. 

Уурхайн нуранги доор 17 жил амьдарсан Хятад эрийн түүх

Гамшгаас үүдсэн нурангийг цэвэрлэж дуусгаад, уурхайг хаасан байсан ч энэ явдлаас бараг 20 жилийн дараа Шинжаанд уул уурхайг хөгжүүлэх зорилгоор энэ мэт орхигдсон уурхайнуудыг дахин нээхээр болсон байна. 

Үүний дагуу дахин хонгил гаргахаар ухах явцад гайхамшиг тохиолджээ. Хуучин уурхайд ажиллаж байсан Чун Вай газар хөдлөлтийн үеэр 42 настай байсан бөгөөд 17 жил газар дор амьдарч байсан аж. Уурхайн агааржуулалтын хоолой бөглөрөөгүй байсан учраас амьсгалах хүчилтөрөгч хангалттай байсны хүчинд тэрээр амьд үлдсэн байв.

Дэлхий ертөнцөөс тасарсан хэдий ч тэрээр уурхайн ослын үед хэрэглэхээр байрлуулсан цэвэр ус, цагаан будааны нөөцтэй байсан гэнэ. Гэхдээ Чун Вай нэг хоолоо удаан идэж чадахгүй болсон тул уурхайд ургасан хөвд түүж, харх барьж идэж эхэлсэн аж. 

Энэ явдлыг үнэн эсэхэд эргэлзэх хүмүүс маш олон байсан бөгөөд хэвлэл, мэдээллийн хэрэгслүүдээр тарсан зураг ч эцэстээ хуурамч болж таарсан байна.

Сониныхон хуурамч зураг нийтэлснээ хүлээн зөвшөөрч, ингэх болсон шалтгаанаа Чун Вайд яаралтай тусламж шаардлагатай байсантай холбон тайлбарлажээ. Түүнийг яаралтай хамгийн ойрын эмнэлэгт хүргэсэн тул сэтгүүлчид газар дор 17 жил амьдарсан уурхайчныг яг уурхайгаас гаргаж байх үед амжиж очиж чадаагүй гэв.

Аврагдсан уурхайчинтай хийсэн ярилцлагын дараа л олон нийт энэ түүхийг бодит гэдэгт итгэсэн гэнэ. Чун Вай олон жилийн турш маш хүн нөхцөлд амьд үлдэж чадсан тул улсын баатар болжээ.

Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()