Шөнийн хоёр цагт ч сэрүүн байсаар байна уу? (Бөх унтахад туслах аргууд)

2021-09-23, 12:40
1,737

Орчин үеийн нийгмийн өөрчлөлт, цахим хэрэглээ, ажлын ачаалал зэргээс “insomnia” буюу нойргүйдэлтэй болсон хүмүүс цөөнгүй байдаг. Хүний биеийн хамгийн чухал процессуудын нэг болох нойрыг шаардлагатай хэмжээгээр, бүрэн авч чадахгүй байгаа нь сэтгэц болон биеийн эрүүл мэндэд маш том нөлөөтэй билээ. Тийм ч учраас уг өвчнийг эмчлэхийг олон эмч, сэтгэл зүйчид зөвлөж, бас сануулж байдаг.

Шөнийн хоёр цагт ч сэрүүн байсаар байна уу? (Бөх унтахад туслах аргууд)
Эрчим хүчээр баталгаажсан койн!
Хаах
Сурталчилгаа

Тэгвэл асуудлыг хүндрэхээс өмнө авч хэрэгжүүлж байх, тун энгийн мэт боловч маш үр дүнтэй аргуудыг сэтгэл зүйчид зөвлөж байна.

Та бүхэн цаашид гарах хор нөлөөллийг бодолцож үзээд, орондоо шаналж, утсаа оролдож эсвэл элдвийг бодож хэвтэхийн оронд эдгээр зөвлөгөөг дагаад үзээрэй.

Бөх унтахад туслах аргууд:

Нэг. Биеийн хэсгүүддээ анхаарлаа төвлөрүүлж, нарийвчилж шинжиж үзэх. Бүх биеэ суллаж, чангарсан булчин байгаа эсэхийг олж мэдэх. Хэрэв тийм бол унтахаар хэвтэхээс өмнө уг булчин суллаж, иллэг хийх зэрэг арга хэмжээг авах хэрэгтэй.

Хоёр. Хэлний үзүүрийг дээд үүдэн шүдний арын хэсэгт нааж, хэсэг хугацааг өнгөрүүлэх

Гурав. Хэлээ наасны дараагаар хамраараа дөрвөн секундийн турш гүн амьсгаа ав. Үүний дараагаар амьсгаагаа долоон секундийн турш барих хэрэгтэй. Долоон секунд өнгөрсний дараа найман секундийн турш маш тайвнаар амьсгалаа гаргах хэрэгтэй. Уг үйлдлийг та өөртөө тааламжтай байдлаар хэдэн ч удаа давтаж хийж болно.

Дөрөв. Дахин биеэ шалгаж чангарсан булчин байгаа эсэхийг үзэж, хэрэв тийм бол иллэг хийх байдлаар суллаж, амраах хэрэгтэй.

(Жич: Уг 4-7-8 секундийн амьсгалын арга нь хэдийгээр жор дээр бичигдэхгүй ч нойрны эмтэй ижил үйлчилгээтэй, эрүүл арга гэдгийг ойлгох хэрэгтэй. Ингэснээр та бодлуудаасаа салж, бие тань тайвширч бага хугацааны дараа нойрны ертөнцөд аялах боломжтой болох юм.)

Тав. Уг үйлдлийг хийж дууссаны дараа таны бие маш тайвширсан байх болно. Хэрэв таны нойр хараахан хүрч эхлээгүй байгаа бол ном унших эсвэл биеэ суллаж хэвтэх зэрэг арга хэмжээг авч болох юм.

Унтах, нойр хүрэх процессыг хүчилж болохгүй гэдгийг сайн ойлгох хэрэгтэй. Хэрэв та нойргүйдэх асуудлаар шаналж байгаа бол энэ арга таныг унтахад тусална гэдгийг ойлгох хэрэгтэй. Гэхдээ энэ аргыг ашиглаад ч унтахад хүндрэлтэй, унтаж чадахгүй байгаа тохиолдолд та бүхэн мэргэжлийн эмчид хандаж, зөвлөгөө, эмчилгээ хийлгэх хэрэгтэй. Учир нь таны өдрийн турш сэрүүн байж зарцуулсан энергийг нөхөж авах, биеэ маргааш өдөрт бэлдэх гэх мэт хамгийн чухал процесс бол нойр юм. Тиймээс өвдөхөөсөө өмнө урьдчилан сэргийлж, тогтмол, сайн нойр авч байх хэрэгтэй.

Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()